تۇركمەنستاندا قازاقستان مادەنيەتىنىڭ كۇندەرى ءوتتى
استانا. 12 ماۋسىم. قازتاگ – اشحابادتا قازاقستاننىڭ تۇركمەنستانداعى مادەني كۇندەرى ءوتتى، دەپ حابارلايدى قر ءسىم-ءنىڭ ءباسپاسوز قىزمەتى.
تۇركمەنستان استاناسىنىڭ ۇزدىك كونتسەرتتىك جانە تەاتر زالدارىندا وتكەن شارالاردىڭ باعدارلاماسىنا قازاقستان ونەر شەبەرلەرىنىڭ كونتسەرتتەرى، «قازاقستان-ەۋرازيا جۇرەگى» فوتوكورمەسى، سوڭعى جىلدارى تۇسىرىلگەن كوركەم فيلمدەردىڭ كورسەتىلىمى، قازاقستاندىق ارتىستەردىڭ شەبەرلىك سىنىپتارى ەندى.
مادەني شارالاردىڭ جوعارى دارەجەلىگىن تۇركمەنستان پرەزيدەنتى قۇربانعۇلى بەردىمۇحامەدوۆتىڭ مادەنيەت كۇندەرىنىڭ قاتىسۋشىلارىنا ارناپ سويلەگەن سوزدەرى تاعى ءبىر دالەلدەگەندەي: «تۇركمەنستان مەن قازاقستان حالىقتارىنىڭ مادەنيەتتەرى مەن ونەرلەرىنىڭ دامۋىنا ۇلەس قوسۋعا باعىتتالعان بۇل حالىقارالىق شارا ەكى ەلدىڭ اراسىنداعى كوپ جاقتى ىنتىماقتاستىق پەن مادەني بايلانىستار جوعارى دەڭگەيگە كوتەرىلگەنىن كورسەتەدى».
قازاقستاننىڭ مادەني قۇندىلىقتارىن ناسيحاتتاۋعا قازاق مادەنيەتىنىڭ ءار قىرىن كورسەتەتىن ءتيىمدى قۇراستىرىلعان باعدارلاما ءوز ۇلەسىن قوستى. «القيسسا» حالىق اسپاپتارى ءانسامبلىنىڭ ورىنداۋىنداعى قازاقتىڭ حالىق اۋەندەرى مەن اندەرى ابزال مۇحيتدينوۆ باسقاراتىن مەملەكەتتىك كامەرالىق وركەستردىڭ ورىنداۋىنداعى ەۋروپا جانە قازاق كلاسسيكتەرىنىڭ شىعارمالارىمەن اۋىسىپ وتىردى.
استانا. 12 ماۋسىم. قازتاگ – اشحابادتا قازاقستاننىڭ تۇركمەنستانداعى مادەني كۇندەرى ءوتتى، دەپ حابارلايدى قر ءسىم-ءنىڭ ءباسپاسوز قىزمەتى.
تۇركمەنستان استاناسىنىڭ ۇزدىك كونتسەرتتىك جانە تەاتر زالدارىندا وتكەن شارالاردىڭ باعدارلاماسىنا قازاقستان ونەر شەبەرلەرىنىڭ كونتسەرتتەرى، «قازاقستان-ەۋرازيا جۇرەگى» فوتوكورمەسى، سوڭعى جىلدارى تۇسىرىلگەن كوركەم فيلمدەردىڭ كورسەتىلىمى، قازاقستاندىق ارتىستەردىڭ شەبەرلىك سىنىپتارى ەندى.
مادەني شارالاردىڭ جوعارى دارەجەلىگىن تۇركمەنستان پرەزيدەنتى قۇربانعۇلى بەردىمۇحامەدوۆتىڭ مادەنيەت كۇندەرىنىڭ قاتىسۋشىلارىنا ارناپ سويلەگەن سوزدەرى تاعى ءبىر دالەلدەگەندەي: «تۇركمەنستان مەن قازاقستان حالىقتارىنىڭ مادەنيەتتەرى مەن ونەرلەرىنىڭ دامۋىنا ۇلەس قوسۋعا باعىتتالعان بۇل حالىقارالىق شارا ەكى ەلدىڭ اراسىنداعى كوپ جاقتى ىنتىماقتاستىق پەن مادەني بايلانىستار جوعارى دەڭگەيگە كوتەرىلگەنىن كورسەتەدى».
قازاقستاننىڭ مادەني قۇندىلىقتارىن ناسيحاتتاۋعا قازاق مادەنيەتىنىڭ ءار قىرىن كورسەتەتىن ءتيىمدى قۇراستىرىلعان باعدارلاما ءوز ۇلەسىن قوستى. «القيسسا» حالىق اسپاپتارى ءانسامبلىنىڭ ورىنداۋىنداعى قازاقتىڭ حالىق اۋەندەرى مەن اندەرى ابزال مۇحيتدينوۆ باسقاراتىن مەملەكەتتىك كامەرالىق وركەستردىڭ ورىنداۋىنداعى ەۋروپا جانە قازاق كلاسسيكتەرىنىڭ شىعارمالارىمەن اۋىسىپ وتىردى.
«تۇركمەنستاندىق بۇقارالىق اقپارات قۇرالدارىنىڭ حابارلاۋىنشا، قر ەڭبەك سىڭىرگەن مادەنيەت قايراتكەرى جانات شابىقباەۆ تۇركمەن تىلىندە ورىنداعان اتاقتى تۇركمەنستاندىق كومپوزيتور نۋرا حالمامەدوۆتىڭ «حايرانا گالار» ءانى تۇركمەن حالقى ءۇشىن ناعىز سىي بولدى»، - دەپ اتاپ كورسەتەدى ءباسپاسوز قىزمەتى.
«دون كيحوت» بالەتىن ورىنداعان اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ بيشىلەرى قۇرالاي سارقىتباەۆا جانە دوسجان تابىلدى تۇركمەنستاندىق كورەرمەندەردىڭ جۇرەگىندە ۇمىتىلماس اسەر قالدىردى. «ۇلىتاۋ» توبى دا قازاقستانىڭ بۇگىنگى مادەنيەتىنىڭ كوپ قىرلىلىعىن تانىستىردى.
مادەنيەت كۇندەرى قازاقستاندىق كوركەم فيلمدەردىڭ كورسەتىلىمىمەن جالعاستى: «كوشپەندىلەر»، «ستالينگە سىيلىق»، «مۇستافا شوقاي» جانە «قوش بول، گۇلسارى».
تاجىريبە الماسۋ شەڭبەرىندە تۇركمەنستاننىڭ ۇلتتىق كونسەرۆاتورياسىندا شىعارماشىلىق كەزدەسۋلەر مەن شەبەرلىك ساعاتتارى ءوتتى. قورىتىندى كونتسەرتتە قازاق جانە تۇركمەن ارتىستەرىنىڭ بىرلەسىپ ونەر كورسەتكەنى كورەرمەندەردى قاتتى قۋانتتى.
«ەسكەندىر حاسانعاليەۆتىڭ «اتامەكەن» ءانىن تۇركمەنستان كورەرمەندەرى ورىندارىنان تۇرىپ تىڭدادى»، - دەپ اتاپ كورسەتىلگەن حابارلامادا.
قازاقستاننىڭ تۇركمەنستانداعى مادەنيەت كۇندەرى شەڭبەرىندە قر مادەنيەت جانە اقپارات ءمينيسترى مۇحتار قۇل-مۇحاممەد تۇركمەنستان مينيسترلەر كابينەتى توراعاسىنىڭ ورىنباسارى مايسا يازمۇحاممەدوۆامەن، مادەنيەت جانە تەلەراديوتاراتۋ ءمينيسترى گيلمۇرات مىرادوۆپەن كەزدەسىپ، ەكى ەلدىڭ مادەني-گۋمانيتارلىق سالاداعى ىنتىماقتاستىعىنىڭ كەلەشەگىن تالقىلادى.
