جۇما, 29 ناۋرىز 2024
ساڭلاق 5342 2 پىكىر 29 قىركۇيەك, 2018 ساعات 14:24

«استانا ارلاندارى» التىن مەدال الا المادى

كەشە بۇكىلالەمدىك بوكس سەرياسىنىڭ (WSB) سەگىزىنشى ماۋسىمى مارەسىنە جەتتى.

بۇل سىندا باق سىناعان «استانا ارلاندارى» فينالدا «كۋبا دومادورەس» كومانداسىنان جەڭىلىپ، كۇمىس جۇلدەگەر اتاندى. «Astana Arlans» بۇل ءتۋرنيردىڭ سەگىز ماۋسىمىنا دا قاتىسىپ كەلەدى. بۇعان دەيىن ءۇش مارتە التىن، ءبىر كەزەك كۇمىس، ءۇش رەت قولا مەدال جەڭىپ العان. دەمەك، ەشقاشان جۇلدەسىز قالىپ كورگەن جوق.

«Astana Arlans» پەن «Cuba Domadores» بۇعان دەيىن فينالدا ەكى مارتە كەزدەسكەن. 2015 جىلى دا، 2017 جىلى دا قازاقستاندىق كوماندا جەڭگەن بولاتىن. بىراق، بيىل جەڭىستى جول جالعاسقان جوق.

قىتايدىڭ سيامىن قالاسىندا وتكەن العاشقى فينالدىق كەزدەسۋدە 3:2 ەسەبىمەن، ەكى كۇننەن كەيىن تسزينتسزيان قالاسىندا وتكەن ەكىنشى كەزدەسۋدە 4:1 ەسەبىمەن كۋبالىقتار جەڭىسكە جەتتى. جالپى ەسەپ 7:3.

ەندى «Astana Arlans» كلۋبىنىڭ وسى ماۋسىمداعى جورىق جولىنا قىسقاشا توقتالىپ وتەيىك:

جەرەبە بويىنشا «Astana Arlans» ازيا ايماعىنداعى توپتا قىتاي - «China Dragons»، ءۇندىستان -«Indian Tigers» جانە رەسەي - «Patriot Boxing Team» قۇرامالارىمەن ءبىر توپقا تۇسكەن بولاتىن.

وتانداستارمىز العاشقى كەزدەسۋىن قاراعاندى قالاسىندا «Indian Tigers» كومانداسىنا قارسى وتكىزىپ، قارسىلاستارىن 4:1 ەسەبىمەن وڭاي ۇتقان ەدى.

ەكىنشى كەزدەسۋىندە رەسەيلىك «Patriot Boxing Team» كلۋبىن بۋرابايدا قابىلداپ 5:0 ەسەبىمەن جەڭگەن.

رەسەيدىڭ سانكت-پەتەربۋرگ قالاسىندا وتكەن ءۇشىنشى كەزدەسۋىندە استانالىقتار دال سول قارسىلاسىنا ءدال سونداي ەسەپپەن ەسە جىبەردى.

ءتورتىنشى كەزدەسۋدە استانالىقتار ۇندىستان ەلىنە قوناققا بارىپ، جەرگىلىكتى «Indian Tigers» كلۋبىن 2:3 ەسەبىمەن جەڭىپ قايتتى.

بەسىنشى كەزدەسۋىندە قىتايلىق «China Dragons» كومانداسىن سىرت الاڭدا 0:5 ەسەبىمەن جەڭگەن بولاتىن.

ال توپتاعى سوڭعى كەزدەسۋدە تاراز قالاسىندا ءدال سول قىتايلىق «China Dragons» بوكسشىلارىن قابىلداپ، تاعى دا 5:0 ەسەبىمەن جەڭىسكە جەتكەن وتانداستارىمىز جارتىلاي فينالعا جولداما العان ەدى.

جارتىلاي فينالدا استانالىقتاردىڭ جولى ۇلىبريتانيانىڭ «British Lionhearts» كومانداسىمەن ءتۇيىستى.

جارتىلاي فينالدىڭ العاشقى ماتچى انگليانىڭ شەففيلد قالاسىندا ءوتىپ، «استانا ارلاندارى» 3:2 ەسەبىمەن جەڭىسكە جەتتى.

ال اتىراۋ قالاسىندا وتكەن قارىمتا كەزدەسۋ 4:1 ەسەبىمەن قازاقستاندىقتاردىڭ پايداسىنا شەشىلىپ، قوس كەزدەسۋدىڭ قورىتىندى ەسەبى 7:3 بولعان ەدى. وسىلايشا، «استانا ارلاندارى» بۇكىلالەمدىك بوكس سەرياسىنىڭ (WSB) سەگىزىنشى ماۋسىمىنىڭ فينالىنا جولداما العان بولاتىن.

قۋانىش قاپپاس

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604