جەكسەنبى, 16 مامىر 2021
1458 0 پىكىر 4 قازان, 2018 ساعات 08:45

الماتىدا اسسامبلەيا وكىلدەرى دوڭگەلەك ۇستەلدە باس قوستى

قازاقستانداعى ۇلتارالىق جانە دىنارالىق تاتۋلىقتى نىعايتۋ، ەل بىرلىگى مەن بەيبىتشىلىك يدەياسىن ناسيحاتتاۋ ماقساتىندا «ەتنوسارالىق كەلىسىمنىڭ قازاقستاندىق ۇلگىسى» اتتى دوڭگەلەك ۇستەل ءوتتى. ونى الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى ي.ا.كرىلوۆ اتىنداعى بالالار كىتاپحاناسىنىڭ كونفەرەنتسيا زالىندا وتكىزدى.

دوڭگەلەك ۇستەلگە «قازاقستان دۇنعان قوعامى» قوعامدىق بىرلەستىگىنىڭ تورعاسى ابۋباكير ۆوينتسە، گرۋزين ەتنو-مادەني بىرلەستىگىنىڭ توراعاسى كاحابەر گابەلاشۆيلي، «سومونيەن» تاجىك ەتنو-مادەني بىرلەستىگى توراعاسىنىڭ ورىنباسارى ينوياتۋلو ۆاليەۆ، «احىسكا» حالىقارالىق گازەتىنىڭ جاۋاپتى حاتشىسى ايناگۇل تولەۋتاەۆا، الماتى قۇرىلىس جانە حالىقتىق كاسىپشىلىك كوللەدجىنىڭ، الماتى تەحنولوگيا جانە فلورەستيكا كوللەدجىنىڭ ستۋدەنتتەرى قاتىستى. جيىنعا بەلگىلى قوعام بەلسەندىسى باتىرجان سەيدومار مودەراتورلىق ەتتى.

العاشقى ءسوز العان ابۋباكير ۆوينتسە ستۋدەنتتەرگە: “قازاق حالقىنىڭ ەجەلدەن باسقا ۇلتتارمەن تاتۋ-ءتاتتى بولعانىن، جانە قوناقجايلىلىقپەن قامقور بولعانىن”،- ايتتى. كاحابەر گابەلاشۆيلي ەلباسىنىڭ ۇلتارالىق جانە دىنارالىق تاتۋلىقتى نىعايتۋ بويىنشا  ساياساتىنىڭ وڭدى ناتيجەلەرىنەن مىسالدار كەلتىرىپ سويلەدى. ينوياتۋلو ۆاليەۆ وسى تاقىرىپ بويىنشا ءوز ويىمەن ءبولىسىپ كەتتى. مادەنيەتتانۋشى بەردالى وسپانوۆ اعامىز ەجەلگى اتا-بابامىزدان قالىپتاسقان ۇلتارالىق تاتۋلىقتان بىرنەشە مىسالدار كەلتىرىپ، قازىرگى ءبىز ۇرپاقتار سول جولدىڭ جالعاستىرۋشىسى ەكەنىمىزدى جەتكىزدى. دوڭگەلەك ۇستەلدە 70-تەن استام ستۋدەنت اسسامبلەيا مۇشەلەرىمەن ەتنومادەني بىرلەستىكتەر باسشىلارىنا سۇراقتار قويىپ، كوپتەگەن پايدالى اقپاراتتار الدى. قاتىسۋشىلار ءبىر ساعاتتىق كەزدەسۋدىڭ قالاي تەز وتكەنىن بايقاماي قالدى. كەزدەسۋ سوڭىندا ستۋدەنتتەر اسسامبلەيا مۇشەلەرىمەن جانە ۇيىمداستىرۋشىلارمەن بىرگە ەستەلىك فوتوعا ءتۇستى.

Abai.kz

0 پىكىر