سارسەنبى, 20 ناۋرىز 2019
46 - ءسوز 878 0 پىكىر 10 قازان, 2018 ساعات 11:02

ۇلتتىق ءباسپاسوزدىڭ بايراعىن بيىك ۇستاعان ءباhادۇر ساردار!

ء"ۇش-ءتورت جىلداي ءسىز ءولىم مەن ءومىردىڭ اراسىنداعى اراساتتا ارپالىستىڭىز، اعا! ارىستىڭ اتى – ارىس! بارىستىڭ اتى – بارىس! ءسىزدىڭ ميىڭىزدا، جان-جۇرەگىڭىزدە بىلايعىلارعا بىلىنبەس الاپاتتار ءجۇرىپ جاتتى. بارىس سەكىلدى بيىكتە قىڭق ەتپەس قىلىق تانىتىپ، جاراڭىزدى جالاپ، جازىپ، ءۇن-ءتۇنسىز تىرشىلىك كەشتىڭىز.
شەراعاڭ شولپان جۇلدىزعا جول تارتتى. تەڭبىل تورعايى شىرىلداي ۇشىپ، شىعانداي باستاپ بارادى" - دەپ جازىپتى مارxابات اعا كۇڭىرەنىپ...

راس ءسوز. شەراعا شولپان جۇلدىزعا جول تارتتى...

ارعى جىلى سالەم بەرە بارعانىمىزدا ءتىرى ارۋاققا اينالسا دا جانارىنان ايباتى كەتپەگەن ارىستى كورىپ جۇرەگىمىز اۋىرىپ ەدى.
سول جولى اق باتاسىن بەرىپ ەدى، تىلدەن قالسا دا باتادان قالماعان ابىز تۇلعا...

بىلتىر 85 جىلدىعىن اتاپ وتتىك. ءار جىلدارى "ەگەمەندە" جارىق كورگەن وتكىر، وزەكتى ماقالالارىن جيناستىرىپ، "نامىس نايزاعايى" دەگەن كىتاپ شىعارىپ، اقيقاتتىڭ الداسپانىنا تارتۋ ەتتىك.
سوندا بالاشا قۋانىپ، استانادان جەتكەن جاڭا كىتاپتى ءسۇيىپ، تەبىرەنىپ، مەيىرلەنىپ، ماڭدايىنا باسقان ەدى... جادىراپ وتىرعانىن كورىپ، جازىلىپ كەتەر دەپ ۇمىتتەنگەنبىز...

ءوزى اتىن وزگەرتىپ، ەلىمىز ەگەمەندىك الماي تۇرىپ، باسپاسوزگە بوستاندىق لەبىن اكەلگەن "ەگەمەن" بىلتىردان بەرى تۋعان كۇنىن اتاپ ءوتۋدى، جاقسى كورەتىن بيلياردتان تۋرنير وتكىزۋدى داستۇرگە اينالدىرعان ەدى.

بىراق سول تۋرنيردە شار سوعۋ شەراعا جازباپتى. ون كۇن بۇرىن عانا الماتىدا باس قوسقاندا سىرقاتى مەڭدەي تۇسكەن ەدى. اقىرى اجال الىپ تىنىپتى...

باقۇل بولىڭىز، ۇلتتىق ءباسپاسوزدىڭ بايراعىن بيىك ۇستاعان ءباhادۇر ساردارى!

دارحان قىدىرالىنىڭ facebook پاراقشاسىنان

Abai.kz

0 پىكىر