ينتەرناتتا، جاتاقحانادا تۇرعان كەزدە ستارشاك دەگەن تۇسىنىكتەگى "كوكەلەردىڭ" ايتاتىنى بار ەدى: "ادام ۇرعاندى سىيلايدى" دەپ. ءدال ءوزى. بىزگە قورقىتۋ ءۇشىن جانە سىيلاتۋ ءۇشىن سوتتاۋ كەرەك، زاڭمەن جازالاۋ كەرەك. وعان ايىپپۇل سالىپ بىردەڭە شەشكەندەي بولۋدىڭ دا قاجەتى جوق. ونسىز دا ميلليارد جەپ قويعان ادام، ميلليون ايىپپۇلدى Kaspi Gold ارقىلى ءبىر جەردە شاي ءىشىپ وتىرىپ-اق اۋدارا سالادى ء(ازىل).

جەمقوردىڭ جەپ وتىرعانى بىرەۋدىڭ نە جەكەنىڭ اقشاسى بولسا، تۇسىرەتىن ماقتانىش روليكتەردى تۇسىرە بەرىڭدەر، پلاندى ورىنداي بەرىڭدەر. ماسەلە جەلىنگەن اقشانىڭ 99,9 % بولىگى حالىقتىڭ اقشاسى بولسا، وعان كەشىرىممەن قاراۋعا بولا ما؟

قۇدايدىڭ ءوزى كەشىرىمدى دەيمىز. ارينە، الايدا تەمىر تورعا توعىتىلىپ، بال ءومىردىڭ ءلاززاتىن سول جاقتا جاتىپ سەزىنۋگە ۇيرەتپەي، اقشامەن ۇستاپ، اقشامەن شەشىپ جىبەر سالۋدىڭ ءوزى قىلمىس. "حالىق" دەگەن دە قۇدايدىڭ ءبىر اتى بولار... (ناقتى بىلمەيمىن) ولاي بولسا قۇدايدىڭ قازىناسىنداعى مۇلىككە قول سالعان ادامعا نە دەۋگە بولادى؟

مارعۇلان اقاننىڭ facebook پاراقشاسىنان

Abai.kz