الماتىدا كولىكتى رەفورمالاۋ اياسىندا قالانىڭ قوعامدىق كولىگىن جاڭارتۋ ودان ءارى جالعاسۋدا. جۇمىس ساپارى كەزىندە الماتى اكىمى باۋىرجان بايبەك جەكە تاسىمالداۋشىلار العان جاڭا اۆتوبۋستاردى كوردى.

«الماگۇل» ەلدى مەكەنى مەن مەترونىڭ «رايىمبەك بەكەتى اراسىن جالعاستىراتىن №98 باعىت بويىنشا «City-BUS» جەكە تاسىمالداۋشى «ماز» ماركالى ءارى ەۆرو-5 ەكولگيالىق سىنىبىنا ساي، تومەن ەدەندى 15 اۆتوبۋس ساتىپ الدى. اۆتوبۋستاردىڭ سىيىمدىلىعى ۇلكەن، كونديتسيونەرلەرمەن جابدىقتالعان جانە كۋزوۆى يىلمەلى. جاقىن كۇندەرى الماتىعا وسىنداي تاعى 35 اۆتوبۋس جەتكىزىلەدى.

ءوز كەزەگىندە №2 اۆتوبۋس پاركى №67 باعىت بويىنشا قىزمەت كورسەتۋ ءۇشىن 17 تومەن ەدەندى اۆتوبۋستار العان ەدى، ەندى تاعى ەكى باعىتتىڭ جىلجىمالى سوستاۆىن جاڭارتۋ جوسپارلانۋدا.

«ءبىز جولاۋشىلاردى سوناۋ 90-شى جىلدارداعى ەسكى كولىكتەرمەن تاسىمالداپ كەلدىك.ادامدار ۇنەمى رەنىش بىلدىرەتىن. باعىتتاردى سۋبسيديالاۋ ارقاسىندا ءبىز اۆتوبۋستاردى جاڭارتىپ، جيىلىكتى 100%-عا قامتاماسىز ەتۋدەمىز ءارى جۇرگىزۋشىلەردىڭ ايلىعىن 240 مىڭ تەڭگەگە دەيىن كوتەردىك»، - دەدى كومپانيا ديرەكتورى شاميل نۋريەۆ.

بۇلاردان وزگە، «باتۋ Travel» كومپانياسى №102 باعىتىنداعى كولىكتەردى جاڭارتتى، ولار شاڭىراق، اكبۇلاق، ۇلجان، وجەت، اينابۇلاق ەلدى مەكەندەرى مەن «الماتى-1» تەمىرجول ۆوكزالىن قامتيدى. باعىتتا سىيىمدىلىعى شاعىن 18 اۆتوبۋس جۇرۋدە، بارلىعى ۆيدەوكامەرالارمەن جابدىقتالعان.

ايتا كەتەرلىگى، الماتىدا جىل اياعىنا دەيىن جاڭا قوعامدىق كولىكتىڭ دەڭگەيىن 80%-عا دەيىن جەتكىزۋ جوسپارلانعان.

باعىتتاردى سۋبسيديالاۋ ەرەجەسىنىڭ باستى تالاپتارىنىڭ ءبىرى اۆتوبۋس پاركتەرىنىڭ جۇرگىزۋشىلەر جالاقىسىن كوتەرۋلەرى بولىپ تابىلادى، سونىڭ ارقاسىندا ءوز ءىسىنىڭ بىلىكتى ماماندارى تارتىلىپ، سەرۆيس ساپاسى ارتۋدا.

بۇرىندارى الماتى كولىك جۇيەسىنىڭ كەشەندى جۇيەسىن جۇزەگە اسىرعانى ءۇشىن اقىلدى قالالار ەۋروپالىق فورۋمىنىڭ جوعارى ماراپاتىن يەلەندى.

كونكۋرس كوميتەتى الماتىنىڭ كولىك رەفورماسىن جۇيەلى جۇرگىزگەنىن، قوعامدىق كولىكتەگى تابىستىڭ اشىقتىعىنا تسيفرلىق تەحنولوگيانى ۇتىمدى پايدالانعانىن، كىرىستى كولەڭكەلى اينالىمنان شىعارعانىن، ەكولوگيانى جاقسارتۋعا باسىمدىق بەرگەنىن جانە باسقا نەگىزگى كريتەريلەردى جۇزەگە اسىرعانىن اتاپ ءوتتى.

Abai.kz