بەيسەنبى, 28 ناۋرىز 2024
ديدار-عايىپ 5804 4 پىكىر 19 قازان, 2018 ساعات 11:56

"بوزتورعاي" بولىپ شىرىلداعان اقىن ومىردەن وزدى

قازاق ادەبيەتى مەن رۋحانياتى اۋىر قازاعا دۋشار بولدى. 81 جاسقا قاراعان شاعىندا كورنەكتى اقىن، اۋدارماشى ابدراحمان اسىلبەك دۇنيەدەن وزدى، - دەپ حابارلايدى اباي-اقپارات.

ابدراحمان اسىلبەك 1938 جىلى 1 مامىردا جامبىل وبلىسىنىڭ تالاس اۋدانىنا قاراستى ءۇشارال اۋىلىندا تۋعان. قازپي-ءدىڭ تاريح-فيلولوگيا فاكۋلتەتىن بىتىرگەننەن كەيىن مەكتەپتە مۇعالىم بولعان. اسپيرانتۋرادا وقىعان، وبلىستىق گازەتتە، رەسپۋبليكالىق قازاق راديوسىندا، قازاق كسر مينيسترلەر كەڭەسىنىڭ باسپا، پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىندە قىزمەت جاساعان.

سونداي-اق، «جازۋشى»، «جالىن» باسپالارىندا، قازاقستان جازۋشىلار وداعىنداعى كوركەم ادەبيەتتى ناسيحاتتاۋ بيۋروسىندا، قازاقستان جازۋشىلار وداعىنىڭ جامبىل وبلىستىق بولىمشەسىندە، رەسپۋبليكالىق «ادىلەت»، «مادەنيەت»، «زاڭ»، «كوزقاراس» گازەتتەرىندە قىزمەت ىستەگەن.

«زاڭگەر» جۋرنالىندا ءبولىم مەڭگەرۋشىسى، رەداكتوردىڭ ورىنباسارى، قر باس پروكۋراتۋراسىنىڭ «قۇقىقتىق قازاقستان» گازەتىنىڭ باس رەداكتورى بولعان، كەيىننەن وسى گازەتتىڭ باس رەداكتوردىڭ ورىنباسارى بولدى.

1955 جىلى «بەيبىتشىلىك باقشاسى»، «جاۋدى اياعان جارالى» سياقتى تىرناقالدى شىعارمالارى باسىلعان. بالالارعا ارنالعان العاشقى ولەڭدەر جيناعى 1961 جىلى جارىق كورگەن.  سودان بەرگى ۋاقىتتا 31 جىر كىتابىن شىعاردى.

ليريكا، ءان ماتىندەرىن جازىپ، ساتيرا جانە اۋدارما جانرلارىمەن دە اينالىستى. جالپى قازاققا تانىمال "جەلتوقسان جەلى", "جار-جار", "قاراتورعاي" سەكىلدى ونداعان ءاننىڭ ءماتىنىن جازعان.

ابدراحمان اسىلبەكوۆ اعامىزدىڭ قازاسىنا وراي بۇكىل قازاق حالقىنا قايعىرىپ كوڭىل ايتامىز.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525