ءبىزدىڭ عالىمداردى زالىمدار دەپ ويلاماڭىز. ولار اشقان جاڭالىقپەن ويناماڭىز! «ۇندەت» دەگەن اپپارات ويلاپ شىعاردى. ماسەلەن، ۇل بالالاردى جاس كەزىندە سۇندەتتەيدى ەمەس پە؟ سونىڭ «س» ءارپى عانا جوق بۇل اپپارات تەك ۇندەتەدى، ياعني باسقا ءتىل شىعارادى!
مەن دە ءبىرىنىشى سىنىپتا وقيتىن بالام مەن قىزىمدى «ۇندەتىپ» الايىن دەپ، قالالىق ەمحاناعا كەلدىم. قۇدايىم–اي، كەزەك دەگەنىڭ سۇمدىق ەندى! تۇككە تۇسىنبەي، كەزەكتىڭ قۇيرىعىن سۇراپ ەدءىم، ەمحانادان شىعىپ، قالا شەتىندەگى «ءنۇرسات» شاعىن اۋدانىنا دەيىن سوزىلىپ كەتىپتى! قايتادان قايعىرىپ الىپ، تاكسيلەتىپ، كەزەكتىڭ سوڭىنا كەلەيىن. ءبىر دەنەلى ايەلدەن سۇرادىم:
–كەشىرىڭىز، مىنا جىلانداي يرەلەڭدەگەن كەزەكتىڭ سوڭى ءسىز بە؟
–يا، مەن بولامىن، ال نە قىلاسىز؟ ۇراسىز با؟ الدە مەنەن كەيىن كەزەككە تۇراسىز با؟ – دەپ سالدى ول. شىدامى شىتىناپ تۇرسا كەرەك.
–بۇل نەتكەن عاجايىپ اپپارات ەكەن؟ –دەپ سۇرادىم مەن.
–بالالارىمىزدىڭ ءتىلىن ۇشكە كەسىپ بەرەدى. قان دا ، جان دا شىعارمايدى ەكەن.
–ال، كەستىردىك؟ سوسىن؟
–قالاي كەستى، اعىلشىن، ورىس، قىتاي تىلىندە سايراپ جۇرە بەرەدى! ءوز ءتىلىن ۇمىيىپ تا قالادى!
–بۇرىن ءۇش ءتىل ەدى، ەندى ءتورت ءتىل بولامىز عوي؟
–يا، سوسىن بار عوي، ۇلكەندەر ءتىلىن كەستىرسە، بىردەن ميلليونەر بولىپ شىعا كەلەدى دەيدى! قىتايدان، رەسەيدەن، اعىلشىنداردان ۇشقان بايلىق توبەدەن ساۋلاپ، بايلىقتىڭ استىندا تۇنشىعىپ، جان تاپسىرۋىڭ مۇمكىن دەيدى.
–قۇداي–اي، بەتى اۋلاق، مەنىڭ ولگىم كەلمەيدى!
ء–بىرىنشى سىنىپ وقۋشىلارىنىڭ ميلارىن ميپالاۋ ەتىپ ءجۇر ەدىك. ءجۇدا جاقسى بولدى! ءتىلىن ۇشكە ءبولىپ تىلسە بولدى، شەت تىلدەردى ۇيرەنىپ شىعا كەلەدى! انە، اناۋ ءبىر كىسى ءتىلىن توعىز بولىككە ءتىلدىرىپ الدى!
مەن قىزىعىپ كەتىپ، جانىنا جەتىپ باردىم.
–كەشىرىڭىز، مەنىڭ اتىم مىجبان، ءتىلىڭىزدى كورسەتىڭىزشى؟ –دەپ سۇرادىم. ول ىرجيىپ، اۋزىن اشىپ، ءتىلىن شىعارىپ ەدى، قاسىمداعى بالالارىم قاشىپ كەتتى. قۋالاپ، ارەڭ ۇستاپ الدىم. ويتكەنى، ول كىسىنىڭ ءتىلى جالبىراپ، ءتىلىم–تىلىم بولىپ تۇر ەدى. كەدەيشىلىكتىڭ كولەڭكەسىندە جۇرگەن بايعۇس باسىم، مەنىڭ دە ميلليونەر بولعىم كەلىپ كەتتى! ءتىلىمدى سىرتقا شىعاردىم... مايدالاتىپ ون تىلىك جاساپ السام با؟ پوليگلوت بولايىن با؟ بالالارىمدى جەتەكتەسەم، قاشا بەرەدى، ۇلكەنىم اياعىمدى باسا بەرەدى... نە ىستەسەم ەككەن ا؟ سىزدەر دە تىلدەرىڭىزدى تىلگىزىپ كورەسىزدەر مە؟ باي بولعىڭىز كەلمەي مە؟

مۇحتار شەرىمنىڭ facebook پاراقشاسىنان

Abai.kz