"بىردە سالىق پايعامباردىڭ اناسى زاعىم قۇزعىندى كورىپ:
– ءاي، قۇزعىن، توبەڭ نەلىكتەن اق؟ – دەپ سۇرادى.
– مەن قابىلدىڭ ءابىلدى ولتىرۋىنە سەبەپ بولدىم. بىردە قاسىمداعى قارعانى كورە الماي، قىزعانىشتان مەرت قىلدىم. جان-جاعىما قاراسام قابىل مەنى باقىلاپ وتىر ەكەن. ارتىنشا بارىپ ءىنىسى ءابىلدى تاسپەن ۇرىپ ءولتىردى. العاش زۇلىمدىققا باستاۋ بولعانىما وكىنگەندىكتەن توبەمدەگى ءجۇنىم ءتۇسىپ قالدى. سول سەبەپتى تاز بولدىم، – دەدى.
– تۇمسىعىڭ نەگە سارى؟
– بىردە ۇجماقتا وسەتىن زاپىران ءشوبىن جەدىم. ءىبىلىس جۇماققا جاسىرىنىپ كىرگەندە، ول شوپكە زاھارىن شاشقان ەكەن. اڭداماي جەگەندىكتەن تۇمسىعىم سارعايىپ كەتتى.
– باۋىرىڭ نەلىكتەن قارا؟
– بىردە اقىماقتىقپەن قۇستارعا جەتى توزاقتىڭ ءۇستىن بۇيىم كورمەي ۇشىپ وتەمىن دەپ ماقتاندىم. قاناتتارىمدى قومداپ، توزاققا جەتە بەرگەنىمدە لاۋلاعان وتى باۋىرىم ءتيدى. زارە قۇتىم قالمادى. داراقىلىعىمنىڭ كەسىرىنەن باۋىرىم قارايىپ كەتتى.
– نەگە ۇشقاندا جان-جاعىڭا جالتاقتاپ قاراي بەرەسىڭ؟
– نۇح پايعامبار جۇمساعاندا جەمتىككە قىزىعىپ كەمەگە ورالمادىم. پايعامباردىڭ رەنىشىنە، اللانىڭ نالاسىنا قالدىم. سودان بەرى قۇدايدىڭ بالەسى قاي جاعىمنان كەلىپ قالادى ەكەن دەپ، جان-جاعىما جالتاقتاپ جۇرەمىن دەپتى..."
قازاق ءۇشىن بار زۇلىمدىقتىڭ باستاۋى بولعان "اق", "قىزىل" قۇزعىندى كەشىرۋ مۇمكىن بە؟ قازاقتىڭ ءتانىن تىستەلەپ، جانىن شۇقىپ كەتكەن؟ مۇمكىن ەمەس! ول قۇزعىندى كەشىرۋ - ءوزىڭدى وشىرۋمەن بىردەي!
الاشتىڭ ءجۇز جىلدىعىن ۇمىتقاندار، "قۇزعىنداردىڭ" قىزىعىن ەسكە الىپتى... الماتى اكىمشىلىگى مەن مادەنيەت مينيسترلىگى قارجى ءبولىپتى.
ە-ە-x, بۇلاردان تىزگىندى الماي، ۇلتتىق مەملەكەت قۇرۋ ازىرگە مۇمكىن ەمەس ەكەن. سونى ۇقتىم.

دينا ەلگەزەكتىڭ facebook پاراقشاسىنان

Abai.kz