ەۋروپا قازاقتارىنىڭ  كىشى قۇرىلتايى بيىل لوندوندا ءوتتى

تاعدىر ايداپ بارعان تالاي قانداسىمىز الەمنىڭ 40-تان استام مەملەكەتىندە تۇرمىس كەشىپ جاتىر. ەۋروپانىڭ ون شاقتى ەلىندە 12-15 مىڭ قازاق تۇرادى. سونداعى اعايىنداردىڭ ءبىر جەرگە باسىن قوسىپ، ساناۋلى كۇن بولسا دا اتاجۇرتتا جۇرگەندەي سەزىمگە بولەيتىن ەۋروپا قازاقتارىنىڭ كىشى قۇرىلتايى بيىل تۇماندى البيوندا ءوتتى.

سونىمەن، الەمنىڭ  ءار تۇسىنا تارىداي شاشىراعان قانداستارىمىزدى ۇيىتىپ وتىرعان دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆپەن اڭگىمەلەسىپ، ەۋروپاداعى باۋىرلاردىڭ اتاجۇرتقا  اماناتتاعان دۇعاي-دۇعاي سالەمىن تىڭدادىق.

- تالعات اسىلۇلى، قارجىلىق داعدارىسقا قاراماستان، ەۋروپاداعى قازاقتار لوندوندا توعىستى. قازىرگى احۋال قۇرىلتايدى وتكىزۋگە كەدەرگى بولعان جوق پا؟

- ەۋروپا قازاقتارىنىڭ 9-شى مارتە ۇيىمداستىرىلعان ءداستۇرلى كىشى قۇرىل­تايىن بيىل ۇلىبريتانيا استاناسىندا وتكىزۋگە قول جەتكىزدىك. الەمدى جايلاعان ەكونوميكالىق قيىنشىلىقتارعا بايلانىستى ءتۇرلى پىكىرلەر بولدى. بىراق، ءبىز جىلداعىداي ۇلكەن دەلەگاتسيا ەمەس، شاعىن توپپەن بارعانى­مىز ءجون شىعار دەگەن ۇيعارىمعا كەلگەنبىز.

ەۋروپا قازاقتارىنىڭ  كىشى قۇرىلتايى بيىل لوندوندا ءوتتى

تاعدىر ايداپ بارعان تالاي قانداسىمىز الەمنىڭ 40-تان استام مەملەكەتىندە تۇرمىس كەشىپ جاتىر. ەۋروپانىڭ ون شاقتى ەلىندە 12-15 مىڭ قازاق تۇرادى. سونداعى اعايىنداردىڭ ءبىر جەرگە باسىن قوسىپ، ساناۋلى كۇن بولسا دا اتاجۇرتتا جۇرگەندەي سەزىمگە بولەيتىن ەۋروپا قازاقتارىنىڭ كىشى قۇرىلتايى بيىل تۇماندى البيوندا ءوتتى.

سونىمەن، الەمنىڭ  ءار تۇسىنا تارىداي شاشىراعان قانداستارىمىزدى ۇيىتىپ وتىرعان دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆپەن اڭگىمەلەسىپ، ەۋروپاداعى باۋىرلاردىڭ اتاجۇرتقا  اماناتتاعان دۇعاي-دۇعاي سالەمىن تىڭدادىق.

- تالعات اسىلۇلى، قارجىلىق داعدارىسقا قاراماستان، ەۋروپاداعى قازاقتار لوندوندا توعىستى. قازىرگى احۋال قۇرىلتايدى وتكىزۋگە كەدەرگى بولعان جوق پا؟

- ەۋروپا قازاقتارىنىڭ 9-شى مارتە ۇيىمداستىرىلعان ءداستۇرلى كىشى قۇرىل­تايىن بيىل ۇلىبريتانيا استاناسىندا وتكىزۋگە قول جەتكىزدىك. الەمدى جايلاعان ەكونوميكالىق قيىنشىلىقتارعا بايلانىستى ءتۇرلى پىكىرلەر بولدى. بىراق، ءبىز جىلداعىداي ۇلكەن دەلەگاتسيا ەمەس، شاعىن توپپەن بارعانى­مىز ءجون شىعار دەگەن ۇيعارىمعا كەلگەنبىز.

لوندونداعى كىشى قۇرىلتاي ويداعىداي ءوتتى. دۇنيەجۇزى قازاقتارى قاۋىمداستىعىنىڭ توراعاسى بولىپ تابىلاتىن ەلباسى نۇرسۇلتان نازارباەۆتىڭ: "سىزدەردى لوندوندا ءوتىپ جاتقان ەۋروپا قازاقتارىنىڭ ءداستۇرلى كىشى قۇرىل­تايىنىڭ اشىلۋىمەن شىن جۇرەكتەن قۇت­تىقتايمىن! وسىدان ون جىل بۇرىن اتا­جۇرت­تارىڭىز - قازاقستان رەسپۋبليكاسىنىڭ قولداۋىمەن گەرمانيانىڭ كەلن قالاسىندا باستاۋ العان كىشى قۇرىلتايلار بۇگىندە ەۋروپا­دا تۇراتىن قانداستارىمىزدىڭ باسىن قوسىپ، توپتاستىراتىن اۋقىمدى ءىس-شاراعا اينالدى. ەل تاۋەلسىزدىگىنىڭ ارقاسىندا قازاقستاندا ءۇش رەت دۇنيەجۇزى قازاقتارىنىڭ باسىن قوستىق. الىس جانە جاقىن شەتەلدەردە تۇراتىن باۋىر­لارىمىزعا ۇدايى مادەني-رۋحاني قامقورلىق جاسالىپ كەلەدى. وتكەن جىلى قابىلدانعان "نۇرلى كوش" باعدارلاماسى ارقىلى الىستا ءجۇر­گەن اعايىننىڭ ات باسىن اتاجۇرتقا بۇرۋىنا جاعداي جاسالۋدا. قازىرگى الەمدىك داعدارىس قازاقستاندى دا اينالىپ وتكەن جوق. ەلىمىز سىناقتى كەزەڭنەن سۇرىنبەي ءوتۋدىڭ بارلىق مۇمكىندىكتەرىن جۇزەگە اسىرۋدا. داع­دارىسقا قاراماستان، شەتتە جۇرگەن باۋىر­لا­رىمىزبەن اراداعى بايلانىس نىعايا بەرەتىن بولادى. جان-جاقتى قارىم-قاتىناستىڭ ودان ءارى ورىستەي بەرۋىنە سىزدەر دە ەلەۋلى ۇلەس قو­سا­سىزدار دەپ سەنەمىن. بارشاڭىزدىڭ وتباستارى­ڭىز­عا ىرىس-بەرەكە، ەڭبەكتەرىڭىزگە تابىس تىلەي­مىن", دەگەن سالەمىن ەۋروپانىڭ 10 ەلىنەن كەلگەن 600-دەن استام دياسپورا وكىلدەرىنە جەتكىزدىك. بيىلعى باسقوسۋدىڭ ءبىر ەرەكشەلىگى - ەۋروپا قازاقتارىنىڭ كىشى قۇرىلتايىنا موڭعوليا، رەسەي، سينگاپۋر، پاكستان، تۇرىك ەلدەرىنەن دە از بولسا دا اعايىندار كەلىپ قوسىلدى.

- انگليا ەۋروپادا جاتقانىمەن، ۇستانىمى بولەك ەل عوي، شەنگەن ايماعىنا كىرمەيتىندىكتەن، بۇل مەملەكەتكە ۆيزا الۋ دا قيامەت-قايىم. وسىنداي جايتتەر كىشى قۇرىلتاي وتكىزۋدى قيىنداتقان جوق پا؟

- ...16 ميلليوننان استام حالىق تۇراتىن لوندوندا قاي ۇلتتىڭ وكىلى جۇرمەگەن؟! سونىڭ ىشىندە 45 قازاق وتباسى تۇرادى. بىراق، ءبىرىن-ءبىرى قولداپ وتىراتىن قانداستارىمىز ۇلكەن شارانى ويداعىداي اتقاردى. بۇل ەلدىڭ ەكىنشى ەرەكشەلىگى، ءبىر عانا لوندوندا 3 مىڭنان استام قازاق ستۋدەنتى وقيدى. 600-دەن استامى "بولا­شاق" باعدارلاماسىمەن، مەملەكەتتىك گرانتتار­مەن وقىپ جاتقان جاستار. بۇكىل ۇلىبريتانيا­دا قازاقستاندىق ستۋدەنتتەردى جيناساڭىز 5 مىڭعا جەتىپ جىعىلادى. سونداعى ستۋدەنتتەرى­مىز ءتۇرلى قوعامدىق ۇيىمدار قۇرعان. جاستارى­مىز قازاق دياسپوراسىمەن جاقسى قارىم-قاتىناس ورناتىپتى، بارلىق شارالارىنا اتسالىسادى. ستۋدەنتتەرىمىز وسى قۇرىلتايعا كوپ كومەك بەردى. قوناقتاردى قارسى الىپ، ورنا­لاستىرىپ، ءتارجىماشى بولىپ، يگى ىسكە ورتاق­تاس­قانىن كورىپ، قۋانىپ جۇردىك. ەلدەن جىل­دا­عىداي كوپ ونەرپازدار اپارا المادىق. وسى ولقىلىقتىڭ ورنىن سونداعى تالانتتى جاستار تولىقتىردى.

- بيىلعى ەۋروپا قازاقتارىنىڭ كىشى قۇرىلتايىن وتكىزۋ-وتكىزبەۋ ماسەلەسى قيىندىق تۋعىزعانىن ايتىپ قالدىڭىز. بىراق، ونى سونداعى قانداستارىمىز شەشپەي مە؟

- ارينە! بۇل - سونداعى باۋىرلاردىڭ ءوز شاراسى. ماسەلەن، ولار الداعى جىلدارى وتەتىن قۇرىلتايدىڭ جاي-جاپسارىن جوسپارلاپ وتىر. بىلتىر نورۆەگيانىڭ وسلو قالاسىندا وتكەن قۇرىلتايدا الداعى ءۇش جىلدىڭ جۇمىسى جوبالانىپ قويعان. كەلەر جىلى ۆەنادا باس قوسادى. مۇنىڭ ءوزى كوكەيگە ابدەن قونىمدى. قازاقستان ەقىۇ-عا توراعالىق ەتەتىن جىلى بۇكىل ەۋروپاداعى اعايىندار وكىلدەرىنىڭ سول قالادا توعىسۋى جاراسىپ تۇرماق. 2011 جىلى شۆەتسيانىڭ ۆەستەروس قالاسىندا جينالادى. الىستاعى اعايىندار وسىنداي ۇيعارىم جاساپ، بۇكىل ۇيىمداستىرۋشىلىق شارالارىنا وزدەرى ۇيىتقى بولادى.

- ۇلىبريتانياداعى ازعانتاي قازاق وتباسى­نىڭ ءبىر-بىرىمەن ارالاس-قۇرالاستىعى قالاي ەكەن؟

- انگلياداعى قازاق دياسپوراسى 1960-جىل­دا­رى تۇرىك ەلىنەن تۇرىكتەرمەن بىرگە ەۋروپا­عا ەڭبەك ميگراتسياسىمەن بارعان اعايىندار. ءتۇبى قىتايدان شىعىپ، ەۋروپاعا تابان تىرەگەن قازاقتار. ايتالىق، لوندوندا 600-گە جۋىق تۇرىك تۇرادى. سولارمەن ىلەسىپ بارعان قانداس­تارى­مىز، وزدەرىنىڭ قازاق ەكەندىگىن ءتۇيسىنىپ، رەسمي تىركەۋدەن ءوتىپ، قازاق مادەني ورتالىعىن قۇرعان. ول ورتالىق 20 جىلدان بەرى جۇمىس جۇرگىزىپ وتىر. كەيىنگى ون جىلدا يسمايىل كەسيجي دەگەن باۋىرىمىز وسى قازاق مادەني ورتالىعىن باسقارادى. بۇرىن انگلياداعى قازاق وتباسى 40 قانا بولاتىن، بيىل ولارعا 5 وتباسى قوسىلىپتى. جاستار ۇيلەنىپ، جەكە وتاۋ تىككەن. نەگىزىنەن ولار شاعىن كاسىپكەرلىكپەن اينالىسادى. جاستارى وقىپ جاتىر، ءتۇرلى كوم­پانيالاردا جۇمىس ىستەيدى. لوندوندا تۇراتىن ءباشىر جانالتاي دەگەن باۋىرىمىز جاقىندا قازاقستانعا كوشىپ كەلدى. بالا-شاعاسى لون­دوندا تۇرادى. ول - سول بالالارىن ءتۇپتىڭ تۇبىندە قازاقستانعا كوشىرىپ الۋدى كوكسەپ وتىرعان قانداستىڭ ءبىرى.

- فرانتسيادا تۇراتىن قانداستارىمىزدىڭ بالاسى فرانتسۋز تىلىندە، گەرمانيادا نەمىس تىلىندە، ۇلىبريتانياداعىسى اعىلشىن تىلىندە ءبىلىم الۋدا. ەۋروپاداعى قازاق دياسپوراسى جاستارىنىڭ ءتىل بىلمەيتىنى جانعا باتاتىنى تۋرالى تالاي ايتىپ ەدىڭىز...

- ەۋروپا جاستارىنىڭ ۇلكەن ماسەلەسى دە وسى. تىلدىك ورتا، ارينە، جوق. ولارعا ءتىل مەڭ­گەر­تۋ ماسەلەسىندە ءبىراز تىرلىكتەر جاسالىنىپ جاتىر. ناتيجەسىن ۋاقىت كورسەتەر. اكە-شەشە­لەرى قازاقشا بىلگەنىمەن، بالالارى قازاقشا ءبى­لەدى دەپ ايتۋ قيىن. ءداستۇرلى كىشى قۇرىلتاي­لار­عا بارىپ، دوڭگەلەك ۇستەلدەر وتكىزگەندە، ءبىرىنشى تالقىلاناتىن ءجايت وسى. بيىل دا ءسوز بولدى.

- ەلباسىنىڭ بيىلعى جولداۋىن قۇرىل­تاي­عا تۇرىك تىلىنە اۋدارىپ اپارۋعا دا وسى تۇرتكى بولىپ وتىرعان شىعار؟

- ەۋروپانىڭ ون ەلىندە جۇرگەن باۋىرلارعا ون تىلدە اۋدارىپ اپارۋ بىزگە قيىن بولدى. بىراق، ءبارى تۇرىك ءتىلىن بىلەدى. دوڭگەلەك ۇستەلدە جولداۋدى تانىستىرىپ، ەلدەگى ەكونوميكالىق جاعدايدان مالىمەتتەر بەردىك. قازاقشا-تۇرىك­شە ءتىلاشار جاساپ اپاردىق. قالتاعا سالىپ ءجۇرىپ، كۇندەلىكتى ءتىل ۇيرەنۋگە ىڭعايلى. 2006 جىل­دان بەرى قازاق ءتىلىن ۇيرەنۋدىڭ كومپيۋ­تەر­لىك باعدارلاماسىن جاساپ ءجۇرمىز. العاشقى نۇس­قاسى 780 سوزدىك قوردان تۇرادى. بىلتىر ەكىنشى جەتىلدىرىلگەن نۇسقاسىن جاساپ اپارعان­بىز. بيىل جاڭا باعدارلامانىڭ سوزدىك قورى 3 مىڭعا جەتتى. ءتىل ۇيرەتۋدى بىرتە-بىرتە كۇردە­لەن­دىرىپ وتىرمىز. ايتپەسە، بىردەن جىراقتا ءجۇرىپ انا ءتىلىن ۇيرەنىپ الۋ وڭاي ەمەس. CD تاسپاداعى باعدارلامانى قازىرگىدەي اقپاراتتىق تەحنولوگيالار زامانىندا كوبەيتىپ الۋ قيىن ەمەس. مەن ونداعى قانداستارىمىزعا "قازىرگى­دەي كومپيۋتەر زامانىندا ەلدەن قازاق ءتىلىن ۇيرەتەتىن وقىتۋشى جىبەرىڭدەر دەگەن ون جىل بۇرىنعى اڭگىمەنى قويىڭىزدار", دەپ ايتتىم. مۇعالىم دە جىبەرىپ كورگەنبىز. بارعان ادامنىڭ جىلداپ جاتىپ، ءتىل ۇيرەتۋگە مۇمكىندىگى جوق. ون كۇنگە بارعان وقىتۋشىدان نە ۇيرەنۋگە بو­لا­دى؟ ال جاز كەزىندە ءتىل سەمينارلارىن ۇيىم­داس­تىرىپ تۇرۋدىڭ ءجونى باسقا. فرانتسياداعى، ۇلىبريتانيا مەن گەرمانياداعى ەلشىلىكتەرى­مىز سونداعى اعايىنداردىڭ بالالارىنا ءتىل ءۇي­رەتۋ كۋرستارىن وتكىزىپ ءجۇر. العىسىمىزدى ايتتىق.

- ەلشىلىك وسى شارانى وتكىزۋگە دەمەۋشى تا­بۋ­عا دا ۇيىتقى بولعانىن ەستىپ، قۋانىپ وتىرمىز.

- قازاقستان رەسپۋبليكاسىنىڭ ۇلىبريتا­نيا كورولدىگىندەگى ەلشىسى قايرات ابۋسەيىتوۆ باستاپ، ەلشىلىك قىزمەتكەرلەرى وسى قۇرىل­تاي­دى وتكىزۋگە دە مۇرىندىق بولدى. سىرتتاعى اعايىننىڭ ءبارى بيزنەسمەن ەمەس. وسى جەردە ەلشىلىك تاعى دا كومەككە كەلدى. دەمەۋشىلەر تاۋىپ، قازاقستاندا جۇمىس ىستەپ جاتقان بىرنەشە اعىلشىن كومپانيالارىن بۇرىپ، قا­رايلاستىردى. ويتكەنى، بىرنەشە كۇنگە ستاديون، كونتسەرت زالىن جالعا الۋ، تاماقتاندىرۋ، 600-دەي ادامدى قوناقۇيلەرگە ورنالاستىرۋ وڭاي ەمەس. فرانتسيا، گەرمانياداعى قانداستارىمىز كوپ بولعاندىقتان، ولار الىستان كەلگەن اعايىنداردى ءبولىپ الىپ كەتەتىن، ول جاقتاردا قۇرىلتاي وتكىزۋ وڭايىراق. مەن ەلىمىزدىڭ سىرت­تاعى ەلشىلىكتەرىمەن ءجيى ارالاساتىندىق­تان، ولاردىڭ ەلىن سۇيەتىن ناعىز ازاماتتار ەكەندىگىن كورىپ، ءتانتى بولىپ جۇرەمىن.

- وسى قۇرىلتايدىڭ جاقسى ءداستۇرى بار، ول - جاستار ءبىر-بىرىمەن تانىسىپ، ارالاسىپ، دوستاسسىن دەگەن نيەتتەن تۋعان بي كەشى. وسى كەشتەردىڭ سوڭى ۇيلەنۋ تويلارىنا ۇلاسقان كەزدەرى بولدى ما؟

- بولدى، بولىپ تا جاتىر. 2000 جىلدىڭ باسىندا باستالعان ءۇردىس ەدى. اقساقالدار ويلاسا كەلە جاساعان ۇلكەن ءداستۇردىڭ ءبىرى وسى. فۋتبول ءتۋرنيرى، كونتسەرت، كورمە ءوز الدىنا. بي كەشىندەگى تانىستىقتىڭ سوڭى دوستىققا، ماحابباتقا اينالىپ جاتقان كەزدەرى بار. مىسالى، الدىڭعى جىلى شۆەتسياعا بارعانى­مىزدا ءاليحان جانالتاي سوندا بارىپ قۇدا ءتۇسىپ جاتىر ەكەن. سول بالالار 2006 جىلى ميۋن­حەندەگى بي كەشىندە تانىسقان. لوندوندا بيىل باس قوسقان بەس وتباسى دا وسىلايشا قۇرال­عان. لوندونداعى قازاق مادەني ورتالى­عىن باسقارىپ وتىرعان يسمايىل كەسيجي دە كەلىنشەگىن قازاقستانعا ىسساپارلارمەن كەلىپ ءجۇرىپ تاپقان. سول شولپانىمىز 2-3 بالانىڭ اناسى، وسى قۇرىلتايدى وتكىزۋگە ءبىر كىسىدەي جۇگىرىپ، ەڭبەك ەتتى.

- قۇرىلتايدىڭ ءداستۇرلى دۋمانى - فۋتبول دوداسى. بيىلعى تۋرنيرگە قانشا كوماندا قاتىستى؟

- جىلدا ەۋروپانىڭ ون ەلىنەن قۇرىعاندا ءبىر-ءبىر كوماندا كەلەتىن. بيىل دانيا مەن نور­ۆە­گيا سان جاعىنان ازداۋ بولعان سوڭ، ءبىر كو­ماندا بولىپ كەلدى. فرانتسيا مەن انگليا ەكى كو­ماندادان قاتىستى. دياسپورا وكىلدەرى ءبىر كوماندا بولدى، ءبىزدىڭ ەلشىلىكتىڭ جاس قىز­مەتكەرلەرى مەن ستۋدەنتتەرىمىز دە ءبىر كومانداعا بىرىگىپتى. 12 كوماندا تەڭبىل دوپ تەپتى. اقتىق سىندا شۆەتسيا مەن گوللانديادان كەلگەن قان­داستارىمىز دوپ دوداسىنا شىعىپ، گوللان­ديالىق اعايىندار باس جۇلدەنى الىپ كەتتى.

- ءسىزدىڭ لوندوننان الىپ كەلگەن فوتوشەجىرەڭىزدەن "بولاشاق" باعدارلاماسىمەن وقىپ جۇرگەن بوتاگوز بەن بولات تىنىبەكوۆتەردى كوزىمىز شالدى. ءبىزدىڭ بالالار قالاي وقىپ ءجۇر ەكەن؟ ەلگە قايتاتىن نيەتتەرى بار ما؟

- مەن وسى ارادا مەملەكەتتىك گرانتپەن، "بولاشاق" باعدارلاماسىمەن وقىپ جۇرگەن بالالاردان بولەك قانشاما قازاق ستۋدەنتتەرى سىرتتا وقىپ جاتقانىن ەسكە سالا وتىرىپ، ولاردى قاداعالاۋدى ەلىمىزدىڭ ءبىلىم جانە عىلىم مينيسترلىگى رەتتەيتىن كەز كەلىپ جەتكەنىن باسا ايتقىم كەەلەدى. بۇل - بولەك ويلاساتىن ماسەلە. مينيسترلىك گرانتپەن وقىپ جاتقان بالالاردى ەسەپتەپ، باقىلاپ وتىر. ال باسقاسى ءبىزدىڭ بالالارىمىز ەمەس پە؟ ەلشىلىك­تەگى جىگىتتەر ولاردىڭ كونسۋلدىق ەسەپكە دە تۇرمايتىنىن ايتىپ ءجۇر. بوتاگوز بەن بولاتتى باياعىدا مادەنيەت مينيسترلىگىندە قىزمەت ىستەگەن كەزىمنەن بىلەمىن. تاعدىرى قيىن، تالانتتى بالالار. وقۋلارى اياقتالىپ قالىپتى. كورولدىك مۋزىكا اكادەمياسىن ءتامامدايدى. ولار مامان بولىپ، ەلگە قايتىپ كەلە جاتىر. ماگيستراتۋراعا قالۋعا اسا قۇلىقتى ەمەس. "ەلدى ساعىندىق، سىرتتا ءجۇرىپ قالدىق. قارا­عاندى وبلىستىق فيلارمونياسىمەن كەلىسىم-شارت جاسادىق", دەپ وتىر. ءبىر ايدان كەيىن ەلگە كەلەدى.

- داعدارىس-داعدارىس دەپ ءجۇرىپ دۋشانبەدە دە ورتالىق ازيا ەلدەرى قازاقتارىنىڭ قۇرىلتايىن وتكىزىپسىزدەر...

- جىلىنا ءبىر رەت ەۋروپا قازاقتارىنىڭ كىشى قۇرىلتايىمەن جۇرەتىن ەدىك. باسقا ەلدەردەگى جاعداي ءارتۇرلى بولاتىن. بيىل قارجىلىق قيىنشىلىقتارعا قاراماي، بىرقاتار اۋقىمدى تىرلىكتەر اتقارىپپىز. تەك تىلەك بولسا، وسىنى ورىندايمىز دەگەن ىنتا بولسا، ءبارى ىسكە اسادى ەكەن. ءساۋىر ايىندا قازاق­ستان، قىرعىزستان، وزبەكستان، تۇركىمەنستان، تاجىكستان، يران، اۋعانستانداعى قازاق دياسپوراسى باس قوستى. وسى ەلدەردەگى قانداستارىمىزدىڭ قوردالانعان ماسەلەلەرى، الەۋمەتتىك جاعدايلارى ورتاق. دۋشانبەدەگى ەلشى ءابۋتالىپ احمەتوۆ تە كوپ كومەكتەستى. كورشى ەلدەرمەن قاتىناسۋ وڭاي بولعانىمەن، يران مەن اۋعانستانداعى باۋىرلارمەن قارىم-قاتىناس قيىنداۋ ەدى. ولار دا كەلدى. جەكە كەز­دەسۋلەردە كوپتەگەن جايتتەرگە قانىقتىق. وسى قۇرىلتايدى كەلەر جىلى بىشكەكتە وتكىزۋگە ۇيعارىم جاساپ وتىرمىز. قىرعىز ەلىندەگى ەلشىمىز باقىت وسپانوۆ تا قولداۋ بىلدىرۋدە.

- ماۋسىم ايىنىڭ سوڭىندا ۋلان-باتىردا وتەتىن باسقوسۋدىڭ جاي-جاپسارى تۋرالى بىلگىمىز كەلىپ وتىر.

- موڭعولياداعى قازاقتارعا كوڭىل بولمەي جاتىرمىز دەسەك وتىرىك بولار، بىراق، ولگيدەگى قانداستارىمىزعا كوپ قارايلايدى ەكەنبىز. ۋلان-باتىر اينالاسىندا 20 مىڭعا جۋىق اعايىن تۇرادى. موڭعوليانىڭ ولگيدەن دە باسقا 20 ايماعى بار. سولاردىڭ بارىندە قانداستارىمىز كۇن كەشىپ جاتىر. ولار دا ء"بىز دە قازاق ەمەسپىز بە؟!" دەپ وكپە ايتادى. سونداعى ەلشىمىز ورمان نۇرباەۆ جىل باسىندا ىشكى موڭعوليادا جۇرگەن قانداستارىمىزدىڭ كىشى قۇرىلتايىن وتكىزسەك دەگەن ۇسىنىس ايتقان. اماندىق بولسا، 27 ماۋسىمدا موڭعولياداعى قازاقتار ۋلان-باتىردا باس قوسقالى وتىر. مۇنان دا بولەك رەسەيدە كىشى قۇرىلتاي وتكىزۋ جوسپارىمىزدا تۇر. كۇزگە قاراي وزبەكستانعا قازاق مادەني ورتالىعىنىڭ قۇرىلۋىنا 20 جىل تولۋىنا وراي توقايلاسۋ مۇمكىندىگى بار.

- اڭگىمەڭىزگە راحمەت.

ايناش ەسالي، الماتى.

«ەگەمەن» قازاقستان» گازەتى 6 ماۋسىم 2009 جىل