سارسەنبى, 16 قازان 2019
1605 0 پىكىر 13 قاراشا, 2018 ساعات 16:40

WeArt شىعارماشىلىق ورتالىعى اشىلدى

الماتى قالاسىندا الەۋمەتتىك جاعدايى تومەن جاسوسپىرىمدەرگە ارنالعان WeArt اتتى شىعارماشىلىق ورتالىق جۇمىسىن باستادى. مۇندا، اتا-اناسىنىڭ قامقورلىعىنسىز قالعان نەمەسە قارجىلاي قيىندىققا تاپ بولعان جاسوسپىرىمدەر، بالالار ءۇيىنىڭ تۇلەكتەرى ءوز شىعارماشىلىقتارىن دامىتۋعا، تەگىن كاسىپتىك-تەحنيكالىق ءبىلىم الۋىنا بولادى.

WeArt شىعارماشىلىق ورتالىعى بولات وتەمۇراتوۆ قورىنىڭ قولداۋىمەن اشىلعان. ولار بيىل بۇل ورتالىققا 21 ميلليون تەڭگە كولەمىندە گرانت بولگەن. ماقساتى – بالالار ۇيىندە تاربيەلەنىپ جاتقان جاستارعا ءۇمىت بەرۋ. ياعني، بالالار ۇيىنەن شىققان تاربيەلەنۋشىلەر بولاشاقتا ماماندىق الىپ، جۇمىسقا ورنالاسىپ ۇلكەن ومىرگە نىق قادام باسۋىنا سەپتىگىن تيگىزەدى.

بۇگىندە مۇندا 40 قا جۋىق بالا شىعارماشىلىق، تەحنيكالىق ماماندىقتار بويىنشا ءبىلىم الىپ جاتىر. ولارعا شەشەندىك ونەر، اكتەرلىق شەبەرلىك، تۆ، راديو ت.ب سالالار بويىنشا كاسىبي ماماندار ءتالىم بەرەدى. تالىمگەرلەردىڭ اراسىندا New York Film Academy تۇلەكتەرى، كاسىبي رەجيسسەر، ستسەناريستەر دياس ءازىمجانوۆ، جانەل ساريەۆالار بار.

سونداي-اق، SMM, ونەركاسىپتىك ديزاين ت.ب زاماناۋي ماماندىقتار بويىنشا ءبىلىم الادى. ورتالىق قىزمەتكەرلەرى ءارى قاراي جاستاردى ىرىكتەپ، ولاردى جۇمىسقا ورنالاستىرۋمەن دە اينالىسادى.

شىعارماشىلىق ورتالىق  نارحوز ۋنيۆەرسيتەتى، جاندوسوۆ 55/4 مەكەن-جايىندا ورنالاسقان.

Abai.kz  

0 پىكىر