ەرتەڭ، 16 قاراشا كۇنى جازۋشىلار وداعىندا جازۋشى داۋرەن قۋاتتىڭ «بورىسوقپاق» جانە اقىن الىبەك شەگەبايدىڭ «اق جاۋىن»  اتتى كىتاپتارىنىڭ تۇساۋكەسەرى وتەدى.

م. قاشقاري اتىنداعى جانە ع. مۇسىرەپوۆ اتىنداعى سىيلىقتاردىڭ لاۋرەاتى، «قازاق ادەبيەتى» گازەتىنىڭ باس رەداكتورى داۋرەن قۋاتتىڭ بۇعان دەيىن «القيسسا» اتتى پروزالىق كىتابى جارىق كورگەن. ەرتەڭ تۇساۋى كەسىلەتىن «بورىسوقپاق» كىتابىنا وقىرمان قاۋىمعا جاقسى تانىس "تاس مونشا", "كىرەكەي-كۇنەكەي", ء"مۇيىز تاراق" سىندى اڭگىمەلەرىمەن قاتار ءالى كوپ ەشكىمنىڭ كوزىنە تۇسپەگەن سونى شىعارمارى ەنىپ وتىر.

ال «شابىت» فەستيۆالىنىڭ لاۋرەاتى، «قازاق ادەبيەتى» گازەتىنىڭ جاۋاپتى حاتشىسى الىبەك شەگەباي بۇعان دەيىن وقىرماندارىنا «الاكەۋىم»، «اينەككە تۇسكەن ساۋلە» قاتارلى جىر جيناقتارىن ۇسىنعان.

كەشتى جازۋشىلار وداعى توراعاسىنىڭ ورىنباسارى، اقىن باقىت بەدەلحان جۇرگىزەدى. ەركىن شۇكىمان، ەرلان تولەۋتاي، ەرشات قايىرحان سىندى سال-سەرىلەر اننەن قۇتتىقتاۋ جولدايدى. ەڭ قىزىعى، كەش يەلەرى دە ءبىرى دومبىرامەن، ءبىرى گيتارامەن ءان شىرقايدى.

 وتەتىن جەرى: جازۋشىلار وداعى

الماتى قالاسى، ابىلاي حان داڭعىلى، 105,

باستالۋى: ساعات 16:00

Abai.kz