مەن وسى ەلدىڭ باس كوتەرىرىمىن، ەرتەڭگى اتقامىنەرىمىن دەسەڭدەر، اينالايىن زامانداستار، اپتىقتارىڭدى باسىڭدار. شارۋا ولاي جاسالمايدى.

راس، ءبىلىمىڭ بار، كورگەنىڭ بار. راس، ءبىزدىڭ ەلدە كوپ نارسە جوق. راس، سەنىڭ ايتقانىڭدى كوپ ادام تۇسىنبەيدى. بىراق ءبىر كىلتيپان بار بۇل جەردە. قازىر ايتامىن.

مىسالى ەلدىڭ ءبارى كوپ نارسەگە ورەسى جەتپەيدى دەيىك. تانىمال بولعانى ءۇشىن ءانشىنىڭ اۋزىنا قارايدى، نە بولسا سوعان كۇلە بەرەدى، توي جاساي بەرەدى دەگەن سياقتى. ونىڭ ءبارى ماعان دا ۇنامايدى.
بىراق شە... سول كوپشىلىك ءبىر نارسەنى انىق سەزىنە الادى. ەگەر سەن ولارعا جاناشىرلىقپەن ەمەس، ولاردى مەنسىنبەي شارۋا ىستەيتىن بولساڭ، ولار ونى ءبارىبىر بايقاپ قويادى. سودان كەيىن كەشىرمەيدى. كوپتى سىيلاماۋ دەگەن وتە قاۋىپتى نارسە. ءبىر كۇنى وڭباي قۇلايسىڭ.

ال ەندى كوپتىڭ الدىندا ۇپاي جيناۋ ءۇشىن ولاردى جاقسى كورۋ دەگەن دە قيىن شارۋا. جاقسى كورۋ ءۇشىن جۇرەك كەرەك، مىنەز كەرەك. ەلگە قىزمەت ەتۋ بىلىمنەن ەمەس، مىنەزدەن دەيتىنى سول. ۇلىق بولساڭ، كىشىك بول دەيتىندەي بولمىسىڭ بولسا، ەرسىڭ. بولماسا، قيىن ەندى.

"ۇرانىم-الاش" سياقتى كىتاپتاردى وقىپ، سول كەزدىڭ ادامدارىنان ۇلگى الۋ كەرەك شىعار مۇمكىن. ايتەۋىر، بايقاڭدارشى.

ارمان المەنبەتتىڭ facebook پاراقشاسىنان

Abai.kz