تۇركىستاندا 2019 جىلدىڭ كوكتەمىندە 1560 پاتەر ەل يگىلىگىنە بەرىلەدى. ونىڭ 360 باسپاناسى «7-20-25» باعدارلاماسى ارقىلى ۇلەستىرىلمەك. بۇل تۋرالى Abai.kz اقپاراتتىق پورتالى وبلىس اكىمدىگىنىڭ ءباسپاسوز قىزمەتىنە سىلتەمە جاساي وىترىپ حابارلايدى. 

وسى يگىلىك ارقىلى جەرگىلىكتى اكىمدىكتە ءۇي كەزەگىندە تۇرعان ازاماتتاردىڭ 20 پايىزىنىڭ ءوتىنىشى قاناعاتتاندىرىلادى.

تۇركىستاندا جاڭادان بوي كوتەرگەن وتىرار مولتەكاۋدانى قازىر قارقىندى قۇرىلىس الاڭىنا اينالعان. وسى ماڭداعى 100 گەكتار القاپقا 100 كوپقاباتتى ءۇي سالىنادى دەپ جوسپارلانعان. قازىر سونىڭ 62-سىندە  قۇرىلىس جۇمىستارى  قىزۋ ءجۇرىپ جاتىر.

«سول جەر تەلىمدەرى بولىنگەندە ايتىلعان، سول ماڭعا 100 ءۇي سالىنادى دەپ، قازى سول ءسوز راس بولىپ وتىر. مىنە كوكتەمدە 1500 ءۇي بەرسەك، بۇل دەگەن ۇلكەن جۇمىس»، — دەيدى  تۇركىستان قالاسىنىڭ اكىمى الىپبەك وسەرباەۆ.

وتىرار مولتەكاۋدانىندا  6 پاتەرلى 11 ءۇيدىڭ قۇرىلىسى ءجۇرىپ جاتىر. سونداي-اق، جەكە كاسىپكەرلەردىڭ ينۆەستيتسياسى نەگىزىندە 60 پاتەرلى 6 ءۇي تۇرعىزىلۋدا. بۇل ۇيلەر  ەلباسىنىڭ «5 الەۋمەتتىك باستاماسى» اياسىندا 7-20-25 باعدارلاماسىمەن بەرىلمەك. بۇگىندە تۇركىستان قالالىق اكىمدىگىندە 8343  ازامات ءۇي كەزەگىندە تۇر. ونىڭ 2 مىڭدايى مەملەكەتتىك قىزمەتكەرلەر. كەلەر جىلدان باستاپ وسى ازاماتتاردىڭ وتىنىشتەرى كەزەڭ-كەزەڭىمەن جۇزەگە اساتىن بولادى. ول ءۇشىن مەملەكەت تارىپىنان ءبولىنىپ وتىرعان قارجىنىڭ كولەمى دە اۋقىمدى.

Abai.kz