ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىندا اۋىلشارۋشالىعىن دامىتۋدىڭ ەكونوميكامىز ءۇشىن اسا قاجەت ەكەندىگى باسا ايتىلدى. سونداي-اق، سول ونىمدەردى شەت ەلگە ەكسپورتتاۋ دا ەكونوميكامىز ءۇشىن ءتيىمدى بولماق.

وسىعان سايكەس، پولياك ينۆەستورلارى تۇركىستان وبلىسىندا كاسىپكەرلىكتىڭ دامۋىنا قوماقتى قارجى بولگەلى وتىر. ناقتىراق ايتساق، پولشا ىسكەرلەرى اۋىل شارۋاشىلىعى سالاسىنا شامامەن 15 ملن. ەۋرو سالماق نيەتتە.

جاقىن ارادا وڭىردە بيوقىزاناق وسىرەتىن، كولەمى 11 گەكتاردى قۇرايتىن جىلىجاي كەشەنى اشىلادى دەپ جوسپارلانعان. بۇل شارا ەلباسى جولداۋىنداعى وتاندىق ءونىمدى حالىقارالىق نارىققا شىعارۋ جوسپارىنا سايكەس كەلەدى. وسى تۇرعىدا پولياك سەرىكتەرى بىرىگىپ قىزمەت ەتۋگە، ءارى اگروونەركاسىپ سالاسىندا تاجىريبەسىمەن الماسۋعا ءازىر ەكەنىن ايتادى. ماسەلەن، ورتالىق ەۋروپا مەن پولشاداعى «KazakhInvest» ۇق وكىلى اركاديۋش ياكۋبچاك «قازىر نەگىزىنەن گوللانديادا وسىرىلگەن قىزاناقتار كوپتەپ ساتىلادى. ەندى نارىققا قازاقستاندىق ءونىم شىعارىلاتىن بولادى. ەل ۇكىمەتى ۇسىنعان سالىق سالاسىنداعى جەڭىلدەكتەر بىزگە ءتيىمدى. كوپتەگەن شەتەلدىك ينۆەستورلار قىزىعۋشىلىق تانىتىپ وتىر. قازاقستاننىڭ ماڭىندا شامامەن جارتى ميلليارد ادام تۇرادى. ولار دا ءبىزدىڭ ونىمگە قىزىعۋشىلىق تانىتىپ وتىر. رەسەيگە جىبەرە الامىز. ۇلكەن نارىق زور مۇمكىندىك بەرەدى» دەيدى.

دەمەك، قازاقستاننىڭ قىزاناعى شەت مەملەكەتتەردەگى ساۋدا نۇكتەلەرىنىڭ سورەلەرىنەن تابىلار كۇن الىس ەمەس.

Abai.kz