ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان كەزەكتى جولداۋىندا ءبىلىم سالاسىنا ەرەكشە نازار اۋدارعانى بەلگىلى. سونداي-اق، جاستاردىڭ ءبىلىم الۋىنا دا مەملەكەت تاراپىنان جاسالىپ جاتقان قولداۋلار از ەمەس.

وسىعان وراي، تۇركىستان وبلىسى، وتىرار اۋدانىندا كوۆوركينگ ورتالىعى اشىلدى. كوۆوركينگتىڭ اشىلۋ راسىمىنە «نۇر وتان» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى نۇرماحان جولداس پەن وتىرار اۋدانىنىڭ اكىمى ەرلان ايتاحانوۆ قاتىستى.

«وتىرار — ۇلىلار وتانى دەسەك، سول ۇلىلاردىڭ بارلىعى كىتاپتان ءبىلىم الىپ، ۇلى بولعان. يا، كىتاپ — رۋحاني ازىعىمىز، ول تۋرالى كوپ ايتۋعا بولادى. قازىرگى كىتاپحانالار تەك قىزمەت كورسەتۋ مەكەمەسى عانا ەمەس، تۇرعىندار ءۇشىن زياتكەرلىك دەمالىس ورنىنا اينالۋى ءتيىس. مىنە بۇگىنگى اشىلىپ وتىرعان كوۆوركينگ ورتالىعى سونىڭ دالەلى. كوۆوركينگ دەگەنىمىزدىڭ ءوزى — بىرلەسىپ جۇمىس جاساۋ دەگەندى بىلدىرەدى. ياعني، ءبىر سوزبەن ايتقاندا كىتاپحاناعا كەلۋشىلەردىڭ بوس ۋاقىتىن ءتيىمدى ءارى پايدالى وتكىزۋىنە بار جاعدايدى جاسايتىن ورتالىق.

ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ كەڭىنەن قانات جايۋىنا ىقپال جاسايتىن، جاستارىمىزدىڭ ءبىلىمىن شىڭدايتىن ناعىز زاماناۋي ءبىلىم ورتالىعىنا، كىتاپسۇيەر قاۋىمنىڭ باسقوسار ورتالىعىنا اينالسىن. سوندىقتان ءبارىڭىزدى وسى ورتالىققا كەلۋگە شاقىرامىن. ەڭ ماڭىزدىسى — كوۆوركينگ ورتالىعى سىزدەر ءۇشىن قىزمەت ەتەدى، — دەدى جيىن بارىسىندا وتىرار اۋدانىنىڭ اكىمى ەرلان ايتاحانوۆ.

كوۆوركينگ دەگەنىمىز – كىتاپحانادان ارنايى ءبىر بولمەنى وقىرماندارعا ساي ەتىپ ازىرلەۋ.

كوۆوركينگ ورتالىعى كەز كەلگەن ادامعا ءوزىنىڭ سۇيىكتى ىسىمەن اينالىسۋىنا، ارنايى تاقىرىپتاردا دوڭگەلەك ۇستەلدەر ۇيىمداستىرۋعا، شاحمات، دويبى ويناۋعا، گۇل ءوسىرىپ، قولونەر بۇيىمدارىن جاساۋعا زور مۇمكىندىك تۋدىرادى.

ءبىر سوزبەن ايتقاندا كىتاپحاناعا كەلۋشىلەردىڭ بوس ۋاقىتىن ءتيىمدى ءارى پايدالى وتكىزۋىنە بار جاعدايدى جاسايتىن ورتالىق بولماق. سوندىقتان مۇنداي ورتالىقتاردى قۇرۋ ءارى ولاردىڭ سانىن كوبەيتۋ زامان تالابىنان تۋىنداپ وتىر.
كىتاپحانالار ەندى تەك قىزمەت كورسەتۋ مەكە­مە­سى عانا ەمەس، قالا، اۋىل تۇر­عىن­دارى ءۇشىن زياتكەرلىك دەم­الىس ورنىنا اينالادى.

كىتاپحانا تەك كىتاپ وقيتىن ورىن ەمەس، ءتۇرلى سەمينارلار، ترەنينگتەر، دارىستەر وتەتىن، جاستار ءجيى باس قوساتىن ناعىز ءبىلىم ورتالىعى بولۋى ءتيىس.

سوندىقتان وسىنداي ورتالىقتاردى مازمۇندى، ءماندى دۇنيەلەرمەن تولتىرۋىمىز كەرەك. جوبانىڭ نەگىزگى ماعىناسى دا وسى، ياعني ءداستۇرلى كىتاپحانالارعا جاستاردى تارتىپ، ولاردىڭ كىتاپ وقۋعا، ساپالى ءبىلىم الۋىنا جاعداي جاساۋ، جاستار ءۇشىن وزدەرىنىڭ شىعارماشىلىق جانە عىلىمي الەۋەتىن ىسكە اسىرۋعا جاقسى مۇمكىندىك.

Abai.kz