ەلباسى نۇرسۇلتان نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان كەزەكتى جولداۋىندا “مۇمكىندىگى شەكتەۋلى جانداردىڭ كۇندەلىكتى قاجەتتەرىن وتەۋگە كومەك بەرىلسىن” دەگەن ناقتى تاپسىرما بەرىلگەن بولاتىن.

وسىعان سايكەس، تۇركىستان وبلىسى، وتىرار اۋدانىندا مۇمكىندىگى شەكتەۋلى بالالارعا ارنالعان بەيىمدەۋ ورتالىقتارىن اشۋ قولعا الىنعان. اۋداندا 2017 جىلدان باستاپ مۇنداي مەكەمەنىڭ ۇشەۋى قالىپتاسسا، بيىل دا يگى ءىس جالعاسىن تاۋىپ ، قوعام جانە اققۇم ەلدىمەكەندەرىندە  الەۋمەتتىك كومەك كورسەتەتىن كۇندىزگى قاتىناۋ بولمەلەرى اشىلدى.

«ەلباسىمىز نۇرسۇلتان نازارباەۆتىڭ باستاماسىمەن ەلىمىزدە مۇمكىندىگى شەكتەۋلى ازاماتتارعا قامقورلىق جاساۋ باستى نازارعا الىنعانى بەلگىلى. بۇل ورتالىقتى اشۋداعى ماقسات – قىزمەت الۋشىلاردىڭ جەكە قاجەتتىلىكتەرىن ەسكەرە وتىرىپ، دامۋ دەڭگەيىن ارتتىرۋعا، ارناۋلى الەۋمەتتىك قىزمەت ساپاسىنىڭ تيىمدىلىگىن ەسەلەپ، مۇمكىندىگى شەكتەۋلى بالالاردى قالىپتى ورتاعا بەيىمدەۋ بولىپ تابىلادى. ەلىمىزدىڭ بارلىق ازاماتىنىڭ قوعام ءۇشىن ەرەكشە ورنى بار. جىل باسىنان بەرى اۋدان كولەمىندە ءدال وسىنداي بىرقاتار مەكەمەلەر ىسكە قوسىلعان بولاتىن. بۇگىنگى قولدانىسقا بەرىلگەن مەكەمەدە بالعىن بالالار ەم الىپ، ءتۇرلى ماماندار باقىلاۋىندا بولۋىمەن قاتار اتا-انالار ءۇشىن دە ءتيىمدى»، -دەگەن اۋدان اكىمى ەرلان ايتاحانوۆ بالالاردىڭ كەشكى ۋاقىتقا دەيىن  قوعامدىق ورتاعا بەيىمدەلۋى مەن اتا-انالارعا جايلى جاعداي جاساۋعا ۇلەس قوسقان جەرگىلىكتى كاسىپكەرلەر مەن جانى جومارت، قولى اشىق ازاماتتارعا شىنايى العىسىن جەتكىزدى.

جالپى اۋداندا مۇمكىندىگى شەكتەۋلى 90 بالا بار. جىل باسىنان بەرى وتىرار اۋدانىندا مۇمكىندىگى شەكتەۋلى بالالاردى كەزەڭ-كەزەڭىمەن كۇندىزگى قاتىناۋ بولمەلەرىنە ورنالاستىرۋ جۇزەگە اسىرىلۋدا. قازىرگى تاڭدا وتىرار، ماياقۇم، بالتاكول اۋىل وكرۋگتەرىندە شاعىن قاتىناۋ بولمەسى اشىلىپ، قىزمەت كورسەتىلىپ جاتسا، يگىلىكتى باستاماعا تاعى دا ەكى عيمارات قوسىلدى.

شارا بارىسىندا اۋىل تۇرعىندارى اتىنان قوعامدىق كەڭەس جۇماشۇلى مەن اققۇم ەلدىمەكەنىنەن قۇتىشبەك ەسەنعاراەۆتار  بالعىن بالالاردىڭ ومىرىنە بەي-جاي قاراماي، يگى ءىستىڭ باسىندا جۇرگەن ازاماتتارعا  العىس سەزىمىن ءبىلدىرىپ، اق باتالارىن بەردى.

جومارت بەگىمبەت

Abai.kz