جەكسەنبى, 20 ماۋسىم 2021
2643 0 پىكىر 30 قاراشا, 2018 ساعات 08:41

تۇركىستاندا اكىمشىلىك-ىسكەرلىك ورتالىعىنىڭ قۇرىلىسى باستالدى

ەلباسى نۇرسۇلتان نازارباەۆ جاڭادان قۇرىلعان تۇركىستان وبلىسىنا ەرەكشە نازار اۋدارىپ وتىرعانى بەلگىلى. وڭىردەگى ءار سالانى دامىتۋعا ناقتى تاپسىرمالار دا بەرگەن بولاتىن. ەلباسىنىڭ سول تاپسىرمالارىنا سايكەس، وڭىردە ءار سالا بويىنشا قارقىندى جۇمىستار اتقارىلىپ جاتىر.

بۇگىن تۇركىستان وبلىسىنىڭ ورتالىعى - تۇركىستان قالاسىنداعى اكىمشىلىك-ىسكەرلىك ورتالىقتىڭ قۇرىلىس جۇمىستارى باستالدى. تۇتىنۋدىڭ جاڭا تەحنولوگيالارى قولدانىلاتىن زاماناۋي نىساننىڭ كاپسۋلاسىن سالعان ءوڭىر باسشىسى جانسەيىت تۇيمەباەۆ وسىناۋ تاريحي ءساتتىڭ ماڭىزدىلىعىنا توقتالىپ، بولاشاق اكىمدىكتىڭ جوسپارىمەن ءبولىستى.

اۋدانى 50 مىڭ شارشى مەتردى قامتيتىن عيمارات 4 قاباتتان تۇرادى. مۇندا زاماناۋي ءتيىمدى كەڭسەلەر، سۋ مەن ەنەرگيانى ءتيىمدى پايدالانۋ جۇيەسى قاراستىرىلعان. ياعني، ىسكەرلىك ورتالىق اۆتوماتتاندىرىلعان "اقىلدى عيمارات" قاعيداسىمەن جوبالانعان", - دەدى وبلىس باسشىسى.

جانسەيىت تۇيمەباەۆ – تۇركستان وبلىسىنىڭ اكىمى

  • قر تۇڭعىش پرەزيدەنت كۇنى قارساڭىندا ۇلكەن وسىندا ءىس-شارا وتكىزىپ وتىرمىز. وزدەرىڭىزگە بەلگىلى بيىلعى جىلدىڭ 19-شى ماۋسىمىندا ەلباسىمىز تۇركىستان قالاسىن وبلىس ورتالىعى جانە جاڭا تۇركستان ورتالىعىن قۇرۋدى جاريالادى. ال، 29-شى قىركۇيەكتە مىنەكەي وسى تۇرعان جەرگە كەلىپ، ەلباسىمىز جاڭا تۇركستان ورتالىعىنى ىرگەتاسىن قالاپ كەتتى. جاڭا تۇركستان ونىڭ ىسكەرلىك اكىمشىلىك  اۋماعى جاڭا تۇركستان ونىڭ مادەني، رۋحاني ورتالىعى كەسەنەنىڭ جانىنان سالىناتىن، سونىڭ بارلىعى  ەلباسىنىڭ تۇركستان حالقىنا، قازاقستان حالقىنا دەگەن سىيلىعى.

نىساننىڭ قۇرىلىسىن «BI group» جاۋاپكەرشىلىگى شەكتەۋلى سەرىكتەستىگى ءوز قاراجاتى ەسەبىنەن جۇرگىزۋدى ۇسىنىپ وتىر. العاشقى ىرگەتاسى 2019 جىلدىڭ قاڭتار ايىنان باستاپ قالاناتىن اكىمدىكتىڭ جوسپار بويىنشا اياقتالۋى 2020 جىلدىڭ ناۋرىز ايىنا تۋرا كەلەدى دەپ كۇتىلۋدە.

عابيت زەيداليەۆ - «BI group» جشس وكىلى

  • قۇىرلىس باستالۋى كۇنى دەپ اتايىق. بۇگىن ءبىز كاپسۋلانى قويىپ، وسى قۇرلىستى باستايمىز. سوعىپ جاتقان عيمارات 50-مىڭ شارشى مەتردى قۇراپ وتىر. ەكى جىلدىڭ ىشىندە سوعىپ بىتىرەمىز.            

ەستەرىڭىزدە بولسا، قر پرەزيدەنتىنىڭ قاتىسۋىمەن 2018 جىلعى 29 قىركۇيەكتەگى وتكەن كەڭەستە ەلباسى ن.نازارباەۆ تۇركىستان قالاسىندا سالىناتىن بىرقاتار نىسانداردىڭ قۇرىلىسىن بيزنەس وكىلدەرىنىڭ ءوز قاراجاتى ەسەبىنەن جۇرگىزۋ جونىندە تاپسىرما بەرگەن بولاتىن. ناتيجەسىندە، سول كەزدە وبلىستار مەن ۇلتتىق كومپانيالار، ءىرى قۇرىلىس ۇيىمدارى، بيزنەس وكىلدەرى جانە شەتەلدىك ينۆەستورلار تاراپىنان بىرقاتار قۇرىلىس نىساندارىن ىسكە اسىرۋعا ۇسىنىستار ەنگىزىلىپ، قولداۋ تاپقان-دى. سولاردىڭ ءبىرى بۇگىنگى قۇرىلىسى باستالعالى وتىرعان دەمەۋشىسى «BI group» جشس-ءى بولىپ تابىلاتىن اكىمشىلىك-ىسكەرلىك ورتالىق عيماراتى.

نۇرسۇلتان ءابدىراشيت    

Abai.kz

0 پىكىر