بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى، ونىڭ ءبىرى - ەلدى گازبەن قامتاماسىز ەتۋدى جالعاستىرۋ بولاتىن.

جەتىسايلىقتار جىل سوڭىنا قاراي اۋىل-ايماق حالقىن جاڭعىمدى جاڭالىقپەن قۋانتتى. اۋداندا ءبىر كۇندە بەس اۋىلعا تابيعي گاز بەرىلدى.ءسويتىپ وت جاعىپ كۇل شىعارىپ جۇرگەن اۋىل حالقى وركەنيەت يگىلىگىنە قول جەتكىزدى. سالتاناتتى شاراعا تۇركىستان وبلىسىنىڭ اكىمى جانسەيىت تۇيمەباەۆ ارنايى قاتىسىپ، جەرگىلىكتى تۇرعىنداردىڭ قۋانىشىمەن ءبولىستى.

كوگىلدىر وتىنعا قول جەتكىزگەندەر   شابلان دىلدابەكوۆ اۋىل وكرۋگىنە قاراستى دوستىق، بايدالا، زەردەلى  مەن اتامەكەنتتەگى  تىڭدالا جانە قوعالى ەلدى مەكەندەرىنىڭ تۇرعىندارى.  ايماق باسشىسى دوستىق اۋىلىنداعى گاز تورابىن ىسكە قوسۋ راسىمىنە قاتىسىپ، ەندىگى كەزەكتە 5 مىڭعا جۋىق تۇرعىنى بار بەس اۋىل حالقى   كومىر تاسىپ، كۇل شىعارمايتىنىن جەتكىزدى.

جانسەيىت تۇيمەباەۆ – تۇركىستان وبلىسىنىڭ اكىمى

قۇرمەتتى تۇركىستاندىقتار! قادىرمەندى جەتىساي اۋدانىنىڭ تۇرعىندارى! بۇگىن سىزدەر مەن بىزدەر كوپتەن كۇتكەن ۇلكەن قۋانىشتىڭ كۋاسى بولعالى وتىرمىز. ياعني، بۇگىن تۇركىستان  وبلىسىنا قاراستى جەتىساي اۋدانىندا بەس ەلدىمەكەننىڭ تۇرعىندارى تابيعي گازعا قول جەتكىزىپ وتىر.

كوپتەن بەرى كوگىلدىر وتىندى اڭساپ كەلگەن جۇرتشىلىقتىڭ قۋانىشىندا شەك جوق.سولاردىڭ ءبىرى - احاتوۆتار وتباسى. ەندى بۇل ءۇيدىڭ كەلىندەرى قىستىڭ كۇنى  وشاق كۇزەتىپ، ءتۇن ۇيقىسىن ءتورت بولمەيتىن بولدى.  بالا شاعاعا جىلى جاي، قاريالارعا ىستىق شاي قاشاندا دايىن.

بەگىمتاي احاتوۆ – جەتىساي اۋدانىنىڭ تۇرعىنى

تالاي جىلدان بەرى ارمانداپ ءجۇر ەدىك بۇل گازدى. بۇگىن قۋانىپ وتىرمىز. وسى يگى باستامانى قولعا الاعان ازاماتتارعا العىس بىلدىرەمىز. ەلباسىعا راحمەت.

بيىل جەتىساي اۋدانىنداعى ەلدى مەكەندەردى گازداندىرۋ ءۇشىن 5 نىساننىڭ قۇرىلىسىنا وبلىستىق بيۋدجەتتەن 615 ملن تەڭگە قارالعان بولاتىن. ونىڭ ىشىندە 1 نىساننىڭ قۇرىلىس-مونتاج جۇمىستارى 2018 جىلدىڭ شىلدە ايىندا اياقتالدى.3 ەلدىمەكەندەگى گاز قۇبىرى  جىل سوڭىنا دەيىن ەل يگىلىگىنە تاپسىرىلادى،- دەپ كۇتىلۋدە.

مىرزابەك ابىشەۆ – جەتىساي اۋداندىق تۇرعىنۇي جانە كوممۋنالدىق شارۋاشىلىق ءبولىمىنىڭ باسشىسى

قازىرگى تاڭدا جەتىساي اۋدانىندا 104 ەلدىمەكەننىڭ 46-سى، ياعني 22 096 ابونەنت تابيعي گازبەن قامتىلسا، بۇل اۋدانداعى ەلدى مەكەندەردىڭ جالپى سانىنىڭ 44,2 پايىزىن قۇراپ وتىر. ال ابونەنت سانى بويىنشا 74,4 پايىزعا جەتتى

وركەنيەت جەتىستىگىنە قول جەتكىزبەگەن اۋدان حالقىنىڭ  تەڭ جارتىسى  الداعى جىلدارى قۋانىشقا بولەنەتىن سىڭايلى. سەبەبى جەتىساي اۋدانىنىڭ دامۋ كونتسەپتسياسىنا سايكەس 2019-2025 جىلدارى وسى وڭىردەگى 104 ەلدى مەكەننىڭ ءبارى دەرلىك 100 پايىز گازبەن قامتىلادى دەگەن جوسپار بار.

ك. دۇيسەنبى

Abai.kz