جۇما, 29 ناۋرىز 2024
جاڭالىقتار 4331 12 پىكىر 6 جەلتوقسان, 2018 ساعات 12:54

استانانىڭ ىرگەسىندەگى اۋىلدا بەس جىلدان بەرى جىلۋ جوق

اقمولا وبلىسى ارشالى اۋدانىنىڭ تۇرعىندارى پرەزيدەنت ن.ءا.نازارباەۆتان كومەك سۇرايدى. سەبەبى – بەس جىلدان بەرى ارشالى كەنتىندەگى پاتەرلەردە جىلۋ جوق. تۇرعىنداردىڭ ايتۋىنشا، جۇزگە جۋىق ادام جىلدا وسى ماسەلە بويىنشا اۋداندىق اكىمشىلىككە شاعىمدانادى. الايدا، ولاردىڭ وتىنىشىنە قۇلاق اسقان اكىمدىك بولماپتى.

ال، جىلۋعا جاۋاپتى «ارشالى سۋ-2030»  ۇيىمى بۇل ماسەلەن ساپالى كومىردىڭ جوقتىعىنا بايلانىستى دەيدى. ۇيىمنىڭ ايتۋىنشا، ارشالى اۋدانىنىڭ  اكىمشىلىگى وبلىسقا سىلتەيدى، ال وبلىستاعىلار جوعارى ساپالى كومىردى ساتىپ الۋعا اقشا بولمەيدى ەكەن.

سونداي-اق، بۇل كەنتتەگى ەلەكتر ەنەرگياسىنىڭ قۇنى دا تىم جوعارى. ماسەلەن، استانالىقتار جارىققا – 11 تگ. تولەسە، ارشالىنىڭ تۇرعىندارى – 20,84 تەڭگە تولەيتىن كورىنەدى. ارشالى استانادان نەبارى 60 شاقىرىم جەردە ورنالاسقان. بىراق، ەلەكتر قۋاتىنىڭ  نەلىكتەن ەكى ەسە جوعارى ەكەنى تۇسىنىكسىز.

جۋىردا تاعى دا سول استانانىڭ ىرگەسىندەگى قوياندى اۋىلىنىڭ تۇرعىندارى جول جوق دەپ دابىل قاققان ەدى. وقۋشىلاردىڭ قىستى كۇنگى ايازدا 5 شاقىرىم جەردەگى مەكتەپكە جاياۋ باراتىنى تۋرالى دا جازىلعان بولاتىن. وسى ورايدا، استانانىڭ وڭ جاعالاۋىنان شىقپايتىن شەندىلەر نەگە ىرگەدەگى اۋىلدارعا ءبىر ءسات نازار اۋدارمايتىنى تۇسىنىكسىز.

وتكەندە عانا قر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى جەمقورلىققا ءجيى باراتىن -  اكىمدىكتەر مەن قۇقىق قورعاۋ سالاسىنىڭ قىزمەتكەرلەرى ەكەنىن ايتىپ ءوتتى. جوعارىداعى ماسەلەگە قاراپ، سول ءسوزدى راستاۋعا بولاتىن سياقتى. سەبەبى، سوڭعى كەزدە حالىقتىڭ جەرگىلىكتى بيلىكتەن كوڭىلى قالعانى سونشا، ءوز ماسەلەلەرىن تىكەلەي پرەزيدەنتكە جولداپ جاتاتىن جاعدايلار ءجيى كەزدەسەدى.

ماسەلەن، كەشە عانا تالدىقورعان اكىمدىگىنەن ابدەن كوڭىلدەرى قالعان التىن القالى انالار ءوز وتىنىشتەرىن بىردەن ەلباسىنا جولدادى. ال، جەرگىلىكتى بيلىككە ءسوزىن تىڭداتا الماعان ارشالى اۋدانىنىڭ تۇرعىندارى دا تىكەلەي ن.نازارباەۆقا شىعۋدى ءجون كورىپتى.

قورىتا ايتقاندا، اۋداندىق، وبلىستىق، قالالىق اكىمدىكتەر ءوز ىستەرىنە سالعىرت قاراماسا. بىراق، حالىقتىڭ مۇڭ-مۇقتاجىن تىڭداي بىلۋگە ءتيىس ماماندار ءوز ىستەرىن ەشكىمگە پايداسى جوق ناۋقانشىلىقپەن شاتاستىرىپ العاندارى وكىنىشتى.

نۇربيكە بەكسۇلتانقىزى

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616