2018 جىلعى 28 قاراشادا وڭىرلەردى قوسۋ ارقىلى بەينەكونفەرەنتسبايلانىس رەجيمىندە قازاقستان رەسپۋبليكاسىنىڭ ءبىلىم جانە عىلىم ءمينيسترى ەرلان ساعاديەۆتىڭ توراعالىعىمەن قازاقستان رەسپۋبليكاسى ۇكىمەتى جانىنداعى كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ (بۇدان ءارى - ۆاك) ححIII-ءشى وتىرىسى وتەدى، - دەپ حابارلايدى اباي-اقپارات.

كەزەكتى ۆاك وتىرىسىندا كەلەسى سۇراقتاردى قاراۋ جوسپارلانۋدا:

1.  بالالاردىڭ ءبىلىم الۋعا كونستيتۋتتسيالىق قۇقىعىن قامتاماسسىز ەتۋ;

2.  ۆاك-تىڭ  XXI جانە XXII وتىرىستارىنىڭ قورىتىندىسى بويىنشا حاتتاما شەشىمدەرىنىڭ ورىندالۋى تۋرالى;

3.  بالالارعا قاتىستى زورلىق-زومبىلىق جانە قاتىگەزدىك كورسەتۋدىڭ الدىن الۋدىڭ 2018 – 2021 جىلدارعا ارنالعان ۆەدومستۆوارالىق بىرلەسكەن ءىس-قيمىل جوسپارىن بەكىتۋ تۋرالى;

4.  2019 جىلعا ارنالعان ۆاك-تىڭ جۇمىس جوسپارىن بەكىتۋ تۋرالى;

5.  ءارتۇرلى سۇراقتار.

ۆاك جۇمىسىنا قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتى، قازاقستان رەسپۋبليكاسىنداعى بالا قۇقىقتارى جونىندەگى ۋاكىل س. ايتپاەۆانىن، قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا سەكرەتارياتىنىڭ، ادام قۇقىقتارى جونىندەگى ۇلتتىق ورتالىقتىڭ، قازاقستان رەسپۋبليكاسىنىڭ دەنساۋلىق ساقتاۋ، ەڭبەك جانە حالىقتى الەۋمەتتىك قورعاۋ، ىشكى ىستەر، سىرتقى ىستەر، ينۆەستيتسيالار جانە دامۋ، اقپارات جانە كوممۋنيكاتسيا، ۇلتتىق ەكونوميكا، مادەنيەت جانە سپورت مينيسترلىكتەرىنىڭ، جەرگىلىكتى اتقارۋشى ورگانداردىڭ، سونداي-اق ۇكىمەتتىك ەمەس ۇيىمدارى وكىلدەرىنىڭ قاتىسۋى جوسپارلانۋدا.

ۆاك قورىتىندىسى بويىنشا ورتالىق مەملەكەتتىك جانە جەرگىلىكتى اتقارۋشى ورگاندارعا ارنالعان ناقتى ۇسىنىمدار تۇجىرىمدالادى.

كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيا (ۆاك) قازاقستان رەسپۋبليكاسى ۇكىمەتى جانىنداعى كونسۋلتاتسيالىق-كەڭەسشى ورگان بولىپ تابىلادى.

ۆاك كامەلەتكە تولماعاندار اراسىنداعى قۇقىق بۇزۋشىلىقتاردىڭ، قاداعالاۋسىز جانە پاناسىز قالۋدىڭ الدىن الۋ، ولاردىڭ قۇقىقتارى مەن زاڭدى مۇددەلەرىن قورعاۋ جانە بالالاردىڭ قۇقىقتارىن قورعاۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتۋ جونىندەگى ۇسىنىستاردى ازىرلەۋ ماقساتىندا 2007 جىلى قۇرىلدى.

Abai.kz