قازاقستان ۇلتتىق قاۋىپسىزدىك كوميتەتىنىڭ قارسى بارلاۋ قىزمەتى سوڭعى جىلدارى رەسپۋبليكادا استىرتىن جۇمىس ىستەپ جاتقان 18 شەتەلدىك تىڭشىنى زالالسىزداندىردى، دەپ مالىمدەدى قر ۇلتتىق قاۋىپسىزدىك كوميتەتىنىڭ توراعاسى، گەنەرال-لەيتەنانت امانگەلدى شابدارباەۆ.
«شەتەلدىك ارنايى قىزمەتتىڭ تىڭشىلىق ارەكەتىنە قارسى كۇرەسۋ – ۇلتتىق قاۋىپسىزدىك كوميتەتى ءۇشىن نەگىزگى مىندەتتەردىڭ ءبىرى. سوڭعى جىلدارى شەتەلدىك ارنايى قىزمەت تاراپىنان ءبىزدىڭ ەلگە دەگەن قىزىعۋشىلىق ەسەلەنە ءتۇستى. ولاردىڭ نەگىزگى كوزدەگەن نىساندارى – قازاقستاننىڭ جەر قويناۋىنداعى بايلىق، مەملەكەتتىڭ سىرتقى جانە ىشكى ساياساتى. سوڭعى جىلدارى 18 تۇلعانىڭ وسى زاڭسىز بارلاۋ قىزمەتىنە قاتىسى بارى انىقتالدى. ولاردىڭ ايىبى دالەلدەندى. ءبىر بولىگى سوتتالدى، قالعاندارىنا حالىقارالىق قۇقىق نورمالارىنا سايكەس شارا قولدانىلدى»، – دەپ مالىمدەدى ۇلتتىق قاۋىپسىزدىك ۆەدومستۆوسىنىڭ باسشىسى ا.شابدارباەۆ.

قازاقستان ۇلتتىق قاۋىپسىزدىك كوميتەتىنىڭ قارسى بارلاۋ قىزمەتى سوڭعى جىلدارى رەسپۋبليكادا استىرتىن جۇمىس ىستەپ جاتقان 18 شەتەلدىك تىڭشىنى زالالسىزداندىردى، دەپ مالىمدەدى قر ۇلتتىق قاۋىپسىزدىك كوميتەتىنىڭ توراعاسى، گەنەرال-لەيتەنانت امانگەلدى شابدارباەۆ.
«شەتەلدىك ارنايى قىزمەتتىڭ تىڭشىلىق ارەكەتىنە قارسى كۇرەسۋ – ۇلتتىق قاۋىپسىزدىك كوميتەتى ءۇشىن نەگىزگى مىندەتتەردىڭ ءبىرى. سوڭعى جىلدارى شەتەلدىك ارنايى قىزمەت تاراپىنان ءبىزدىڭ ەلگە دەگەن قىزىعۋشىلىق ەسەلەنە ءتۇستى. ولاردىڭ نەگىزگى كوزدەگەن نىساندارى – قازاقستاننىڭ جەر قويناۋىنداعى بايلىق، مەملەكەتتىڭ سىرتقى جانە ىشكى ساياساتى. سوڭعى جىلدارى 18 تۇلعانىڭ وسى زاڭسىز بارلاۋ قىزمەتىنە قاتىسى بارى انىقتالدى. ولاردىڭ ايىبى دالەلدەندى. ءبىر بولىگى سوتتالدى، قالعاندارىنا حالىقارالىق قۇقىق نورمالارىنا سايكەس شارا قولدانىلدى»، – دەپ مالىمدەدى ۇلتتىق قاۋىپسىزدىك ۆەدومستۆوسىنىڭ باسشىسى ا.شابدارباەۆ.
سوڭعى كەزدەردە شەتەل تىڭشىلارى ءار سالادان تابىلىپ، ۇستالىپ جاتىر. ۇقك الماتى قالاسى بويىنشا دەپارتامەنتىنىڭ باستىعى گەنەرال-مايور نۇرجان مىرزاليەۆ الماتى قالاسىندا شەتەلدىك بارلاۋعا قىزمەت ەتىپ جۇرگەن بىرنەشە اگەنتتەردى ۇستاعاندارىن مالىمدەگەن بولاتىن. ارنايى قىزمەت شەت مەملەكەتتىڭ مۇددەسىنە قۇپيا مالىمەتتەر جيناپ، شەتەلدىك بارلاۋ قىزمەتىنە وتكىزىپ جۇرگەن ەكى الماتىلىقتى ۇستاعان. بۇدان باسقا «ۋران-235» راديواكتيۆتى ەلەمەنتىنىڭ ەكى كەلىسىن شەتەلدىك اگەنتتەرگە ساتقان ەكى ادام، راديواكتيۆتى وتىندىق ۋران تابلەتكاسىن ساتپاق بولعان الماتىلىق قولعا ءتۇسىپ، ءىسى سوتقا تاپسىرىلعان بولاتىن.
ۇلتتىق قاۋىپسىزدىك كوميتەتىنىڭ قارسى بارلاۋ قىزمەتى شەتەلدىك ارنايى قىزمەتكە استىرتىن جۇمىس ىستەگەن مەملەكەتتىك قىزمەتتە ىستەگەن قازاقستاندىق جانسىزدار دا ۇستالدى. شىعىس قازاقستان وبلىستىق سوتى، قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ الماتى قالاسى بويىنشا بۇرىنعى پروكۋرورى ءدىلمۇرات ابدىرايىموۆقا جانە قازاقستان قارۋلى كۇشتەرىنىڭ بۇرىنعى وفيتسەرى، زاپاستاعى پودپولكوۆنيك كونستانتين كولەسنيكوۆقا ساتقىندىق جاساعان جانە «شپيوناجبەن» اينالىسقان دەگەن ايىپ تاعىپ، ۇكىم شىعاردى. بۇلار اۋحان دەگەن قىتاي بارلاۋ قىزمەتىنىڭ اگەنتىنە قازاقستانداعى عارىش جانە قورعانىس سالاسىندا قولدانىلاتىن، زىمىراندىق سۇيىق وتىندى توتىقتاندىرۋشى «دەكابوران-14» دەگەن حيميالىق زاتتىڭ ءبىر ءليترىن 30 مىڭ دوللارعا ساتپاق بولعان جەرىندە قولعا تۇسكەن.

قايىرجان تورەجان
«ايقىن» گازەتى، 12 ماۋسىم 2009 جىل