پارلامەنت سەناتىنىڭ توراعاسى قاسىم-جومارت توقاەۆ «China General Technology Holding» (Genertec) حولدينگى باسقارماسىنىڭ توراعاسى لۋ ءيميندى قازاقستانداعى اۆتوموبيل جاساۋ سالاسىن جاڭعىرتۋدى كوزدەيتىن ينۆەستيتسيالىق ءىرى كەلىسىمگە قول قويىلۋىمەن قۇتىقتادى. ق.توقاەۆتىڭ ايتۋىنشا، بۇل كەلىسىم ساۋدا جانە ينۆەستيتسيا سالاسىنداعى ۇلكەن وقيعا رەتىندە حالىقارالىق بۇقارالىق اقپارات قۇرالدارىندا زور سەرپىلىس تۋعىزىپ وتىر.

لۋ يمين Genertec حولدينگىنىڭ قازاقستاندا قول جەتكىزگەن كەلىسىمدەرى مەن جاڭا جوبالاردى جۇزەگە اسىرۋ جونىندەگى جوسپارلارى تۋرالى ءبىزدىڭ تاراپتى حاباردار ەتتى.

سەنات توراعاسى الەمدىك ەكونوميكاداعى قحر-دىڭ ورنى قازاقستاندا بەلگىلى ەكەنى جانە قىتايمەن ىنتىماقتاستىق باسىم باعىت رەتىندە سانالاتىنىن اتاپ ءوتتى. ق. توقاەۆ قىتاي توراعاسى سي ءتسزينپيننىڭ بەس جىل بۇرىن استانادا جاريا ەتكەن جىبەك جولى جاڭا ستراتەگياسىن ىسكە اسىرۋدا بىرلەسكەن ءىس-قيمىلدىڭ ماڭىزدى ەكەنىن ايتتى.

سەنات باسشىسى ساياسي، ساۋدا-ەكونوميكالىق جانە ينۆەستيتسيالىق ىنتىماقتاستىقتى ىنتالاندىرۋدا ەكى مەملەكەتتىڭ زاڭ شىعارۋ ورگاندارىنىڭ ءرولى زور ەكەنىنە توقتالدى. حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ توراعاسى لي چجانشۋدىڭ قازاقستانعا ساپارى پارلامەنتارالىق ۇنقاتىسۋلارعا جاڭا سەرپىن بەرە الادى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz