بەيسەنبى, 14 قاراشا 2019
جاڭالىقتار 2609 0 پىكىر 30 ءساۋىر, 2011 ساعات 05:00

قازاقستان حالقىنىڭ بىرلىگى كۇنى مەرەكەسى ىستىق ىقىلاس پەن دوستىق نيەتتىڭ شاتتىق مەيرامىنا اينالدى - قازاقستان حالقى اسسامبلەياسى

استانا. 30 ءساۋىر. قازاقپارات - قازاقستان حالقى اسسامبلەياسىنىڭ كەڭەسى بەيبىتشىلىك پەن كەلىسىمنىڭ مەرەكەسى - قازاقستان حالقىنىڭ بىرلىگى كۇنىنە وراي بارشا وتانداستارىمىزعا قۇتتىقتاۋ جولدادى، دەپ حابارلايدى قازاقپارات اسسامبلەيا كەڭەسىنىڭ ءباسپاسوز قىزمەتىنە سىلتەمە جاساپ.

قۇتتىقتاۋ ماتىنىندە بىلاي دەلىنگەن:

قۇرمەتتى وتانداستار!

قازاقستان حالقى اسسامبلەياسى سىزدەردى ىرىس پەن ىنتىماقتىڭ، بەيبىتشىلىك پەن كەلىسىمنىڭ مەرەكەسى - قازاقستان حالقىنىڭ بىرلىگى كۇنىمەن قۇتتىقتايدى!

تاۋەلسىزدىكتىڭ العاشقى كۇندەرىنەن باستاپ ەلدى تۇراقتىلىق پەن بەيبىت دامۋعا باستاعان حالىقتىڭ كەڭدىگى مەن ەلباسى ن.ءا. نازارباەۆتىڭ كەمەڭگەر ساياساتى ەلىمىزدە ەتنوستىق ەرەكشەلىگىنە، الەۋمەتتىك، ءدىني جانە وزگە دە شىعۋ تەگىنە قاراماستان جاس مەملەكەتتىڭ بارشا ازاماتتارىنىڭ ۇيىسۋىنا نەگىز بولدى.

بابالار ارمانى شىندىققا اينالىپ - تۇعىرلى تاۋەلسىزدىككە قول جەتكىزدىك. ەل بىرلىگىن تۋ ەتىپ،  ەلىمىزدە سان-ءتۇرلى ەتنوستىڭ بالاسى ءبىر شاڭىراق استىندا تاتۋ-ءتاتتى ءومىر سۇرۋدە.

استانا. 30 ءساۋىر. قازاقپارات - قازاقستان حالقى اسسامبلەياسىنىڭ كەڭەسى بەيبىتشىلىك پەن كەلىسىمنىڭ مەرەكەسى - قازاقستان حالقىنىڭ بىرلىگى كۇنىنە وراي بارشا وتانداستارىمىزعا قۇتتىقتاۋ جولدادى، دەپ حابارلايدى قازاقپارات اسسامبلەيا كەڭەسىنىڭ ءباسپاسوز قىزمەتىنە سىلتەمە جاساپ.

قۇتتىقتاۋ ماتىنىندە بىلاي دەلىنگەن:

قۇرمەتتى وتانداستار!

قازاقستان حالقى اسسامبلەياسى سىزدەردى ىرىس پەن ىنتىماقتىڭ، بەيبىتشىلىك پەن كەلىسىمنىڭ مەرەكەسى - قازاقستان حالقىنىڭ بىرلىگى كۇنىمەن قۇتتىقتايدى!

تاۋەلسىزدىكتىڭ العاشقى كۇندەرىنەن باستاپ ەلدى تۇراقتىلىق پەن بەيبىت دامۋعا باستاعان حالىقتىڭ كەڭدىگى مەن ەلباسى ن.ءا. نازارباەۆتىڭ كەمەڭگەر ساياساتى ەلىمىزدە ەتنوستىق ەرەكشەلىگىنە، الەۋمەتتىك، ءدىني جانە وزگە دە شىعۋ تەگىنە قاراماستان جاس مەملەكەتتىڭ بارشا ازاماتتارىنىڭ ۇيىسۋىنا نەگىز بولدى.

بابالار ارمانى شىندىققا اينالىپ - تۇعىرلى تاۋەلسىزدىككە قول جەتكىزدىك. ەل بىرلىگىن تۋ ەتىپ،  ەلىمىزدە سان-ءتۇرلى ەتنوستىڭ بالاسى ءبىر شاڭىراق استىندا تاتۋ-ءتاتتى ءومىر سۇرۋدە.

بۇگىندە قازاقستان حالقىنىڭ بىرلىگى كۇنى مەرەكەسى بەيبىت ءومىر مەن ىنتىماقتا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ داستۇرىنە، جارقىن بولاشاققا دەگەن سەنىمنىڭ باستاۋىنا  جانە كوپشىلىكتىڭ اسىعا كۇتەر شاتتىق مەيرامىنا اينالدى. بۇل كۇن ءاربىر قازاقستان ازاماتى ءۇشىن وتانعا دەگەن سۇيىسپەنشىلىك سەزىمنىڭ، ازاماتتىق بورىش پەن جالپىۇلتتىق كەلىسىمنىڭ مەرەكەسى. حالىق بىرلىگى مەرەكەسى كۇنى ەل ازاماتتارى ۇلت پەن ۇلىستىڭ وتكەن كەزەڭدەگى تاريحى مەن ونىڭ ساباقتارىن دارىپتەپ، الەمدىك قاۋىمداستىق تاراپىنان مويىندالعان ەلىمىزدەگى قوعامدىق كەلىسىم مەن ەتنوسارالىق تولەرانتتىلىقتى پاش ەتەدى.

دانا حالقىمىز «كوپتىڭ قولى بىرىكسە - كوككە جەتەدى» دەپ تەگىن ايتپاعان. قازاقستاننىڭ باستى جەتىستىگىنە اينالعان قوعامدىق كەلىسىم ەلدىڭ ناتيجەلى الەۋمەتتىك-ەكونوميكالىق، قوعامدىق-ساياسي دامۋىنىڭ كەپىلىنە جانە نەگىزىنە اينالدى. تاياۋدا ەلىمىزدە وتكەن كەزەكتەن تىس پرەزيدەنت سايلاۋى ەل بىرلىگىن كورسەتىپ، ۇلىستى ۇيىستىرا ءتۇستى. حالقىمىزدىڭ الەم الدىنداعى ابىرويىن تاعى ءبىر اسقاقتاتىپ ءوتتى.

ۇستىمىزدەگى جىلى ەلىمىز تاۋەلسىزدىگىنىڭ 20 جىلدىعىن اتاپ وتۋدە. بۇل ايشىقتى كەزەڭ ءبىزدىڭ سارا جول تاڭداپ، بەرىك بەرەكەنىڭ بەلەسىنە بەتتەگەنىمىزدى دالەلدەپ بەردى. ءاربىر ازاماتىن باۋىر ەتى بالاسىنداي باۋىرىنا باسقان ىستىق وتانىمىزدىڭ گۇلدەنۋىنە جول اشتى. حالقىمىزدىڭ اتىن الەمگە ايگىلەپ، مارتەبەسىن ءوسىردى.

ەلباسىمىز ن.ءا. نازارباەۆ قازاقستان حالقىنىڭ ون جەتىنشى سەسسياسىندا سويلەگەن سوزىندە «قازاقستاندى، قازاقتى دوستىقتىڭ كيەلى شاڭىراعىنا تەڭەسەك، ءتۇرلى ەتنوستار ونىڭ التىن ارايلى ۋىقتارى ىسپەتتى» دەپ كورسەتتى. ول ءوز سوزىندە «تاتۋ ەلگە تىنىشتىق ورنايدى، بەيبىت ەلدە عانا بەرەكە بولادى» دەپ اتاپ ءوتتى.

بارشا ەتنوس ءبىر اتانىڭ بالاسىنداي بەيبىت تۇرىپ جارقان بايتاق دالانىڭ دارحان مىنەزدى ۇلدارىنىڭ بەرەكە مەن  بىرلىكتى ەگىز ۇعىمدار دەپ ءتۇسىنۋى ەلدىڭ بولاشاعىن ايقىنداپ تۇر.

قۇرمەتتى وتانداستار! بارشاڭىزدى بەيبىت كۇننىڭ مەرەكەسى - بىرلىك كۇنىمەن قۇتتىقتايمىز! تاۋەلسىزدىگىمىز باياندى، مەملەكەتتىگىمىز ماڭگى، ەڭسەلى ەلىمىزدىڭ كەلەشەگى جارقىن، بولسىن!

 

قازاقستان حالقى اسسامبلەياسىنىڭ كەڭەسى

استانا قالاسى، 2011 جىل

 

0 پىكىر