Abai.kz اقپاراتتىق پورتالىندا ابايدىڭ 45 ءسوزىنىڭ جالعاسى بولۋعا لايىق دۇنيەلەردى جاريالايتىن “46-ءcوز”  دەگەن ايدار بار. مۇندا الەۋمەتتىك جەلىدەگى بەلسەندى ازاماتتاردىڭ وي سالارلىق جازبالارىن قاز-قالپىندا جاريالاپ وتىرامىز.

3-قاڭتار كۇنى وسى ايدارعا تاريحشى مامبەت قويگەلدىنىڭ “ساياسي ەليتانىڭ ساتقىن بولعانىن مويىندايتىن ۋاقىت كەلدى” دەگەن جازباسىن جاريالاعان بولاتىنبىز. الايدا، تاريحشى رەداكتسياعا حابارلاسىپ، ماتىندە قاتەلىك بار ەكەنىن ايتتى. ءبىز مۇنى الەۋمەتتىك جەلىدەگى توپتاردان العاندىقتان، تۇپنۇسقادان ايىرماشىلىعى بار ەكەنىن بىلمەدىك. سوسىن، ماتەريال وقىلىمدى بولۋى ءۇشىن ماقالاداعى ءبىر سويلەمدى ("ساياسي ەليتانىڭ ساتقىن بولعانىن مويىندايتىن ۋاقىت بولدى") تاقىرىپ ەتتىك.

ءبىز بەلگىلى عالىمعا ماقالاسىن ەسكەرتپەي وسىنداي تاقىرىپپەن جاريالاعانىمىز جانە جازبانىڭ استىنداعى وقىرماندارىمىزدىڭ بىرجاقتى پىكىرى ءۇشىن مامبەت قويگەلدى اعامىزدان كەشىرىم سۇرايمىز!

تاريحشى الداعى ۋاقىتتا بۇل تاقىرىپقا قاتىستى بارلىق پىكىرلەردى قامتي وتىرىپ، كەڭىنەن جاۋاپ بەرەتىنىن ايتتى.

Abai.kz