ورال قالالىق اكىمدىگى مەن وبلىستىق ىشكى ساياسات باسقارماسىنا جاقىن جەردەگى ورتالىق كوشەدە ورنالاسقان «زەينەتاقى تولەۋ جونىندەگى مەملەكەتتىك ورتالىق» مەملەكەتتىك مەكەمەسىنىڭ ءدال الدىندا مەملەكەتتىك تۋىمىز كوپتەن بەرى تۇعىرىنان تومەن ءتۇسىپ، ۇلتتىق ازا تۇتۋ كۇنىندەگىدەي سالبىراپ تۇر! ال، «قر مەملەكەتتىك رامىزدەرى» تۋرالى زاڭنىڭ 4 -بابىندا: "ۇلتتىق ازا تۇتۋعا بايلانىستى مەملەكەتتiك تۋ ۇلتتىق ازا تۇتۋ مەرزiمi ىشىندە تومەن تۇسiرiلەدى» دەلىنگەن.

ورتالىقتا ورنالاسقان مەملەكەتتىك مەكەمەلەردىڭ الدىنداعى كوك بايراعىمىزدىڭ ءتۇرى مىناۋ بولسا، قالانىڭ شەتىندە نەمەسە تاسادا ورنالاسقان مەكەمەلەردەگى مەملەكەتتىك تۋلاردىڭ ءتۇرى قانداي ەكەنىن ويلاساڭ قانىڭ قارايادى.

ءوز ەلىمىزدىڭ تۋىن قۇرمەتتەي الماساق، جاستارعا قايدان پاتريوتتىق تاربيە بەرەمىز، مەملەكەتتىك مەكەمە باسشىلارى رامىزدەرگە نەمقۇرايلى قاراسا، قاراپايىم ادامدارعا تۋ مەن ەلتاڭبانى قۇرمەتتە دەپ قالاي ايتامىز؟!

جەرگىلىكتى جەردەگى مەملەكەتتىك رامىزدەردىڭ دۇرىس ورنالاسۋىن قاداعالاۋ ورگانى - ىشكى ساياسات باسقارماسى قايدا قاراپ وتىر ەكەن؟

جەرگىلىكتى بيلىك بۇل جاعدايدى اۋا-رايىنا بايلانىستىرۋى مۇمكىن. الايدا، ەلىمىز تىنىش زاماندا اۋا-رايىنا بايلانىستىرۋ كۇلكىلى جاعداي.  سەبەبى، تۋدى تومەن تۇسىرەتىندەي  ورالدا  قالاسىندا قاتتى جەل تۇرىپ «تايفۋن» بولىپ،  تسيكلون سوقپادى (وندايدىڭ بەتىن ارمەن قىلسىن). سونىمەن قاتار  «زەينەتاقى تولەۋ جونىندەگى مەملەكەتتىك ورتالىق» رەسپۋبليكالىق قازىنالىق  مەملەكەتتىك كاسىپورىندا بىرنەشە قىزمەتكەر جۇمىس جاسايدى. اتا-بابالارىمىز جاۋگەرشىلىك، قيىن -قىستاۋ زاماندا  قازاق ەلىنىڭ بايراعىن ەش تومەن تۇسىرمەسە، قۇلاتپاسا، ورالدا قايتالاناتىن وسىنداي جاعدايلار، اكىم-باسشىلاردىڭ پاتريوتتىق سەزىمنىڭ تومەندىگى جانە  مەملەكەتتىك رامىزدەرگە دەگەن نەمقۇرايلى قاراۋلارى بولىپ تابىلادى.

جەرگىلىكتى اكىم-باسشىلار ەلىمىزدىڭ شىنايى پاتريوتى  بولسا،  ازا تۇتا جامان ىرىم باستاپ تۇرعانداي تومەن ءتۇسىپ تۇرعان  مەملەكەتتىك تۋدى زاڭعا سايكەس ورنالاستىرۋى جانە مەكەمە باسشىسىنان شارا الۋعا ءتيىس. جوق، الدە كولگىنوۆتىڭ قاراماعىنداعىلار ازا تۇتۋ كۇنىن اڭساپ ءجۇر مە؟

تالعات قاتاۋوۆ

Abai.kz