قىرعىزستاندىق باق-تىڭ مالىمەتىنشە، 2018 جىلدىڭ جەلتوقسان ايىندا تاسىمالداۋشىلار قوزعالىس كەستەسىن وزگەرتكەن. بىراق قازاق تارابى الدىن-الا كەلىسىلمەگەندىكتەن، زاڭسىز ەكەنىن ايتىپ، ەسكەرتۋ جىبەرگەن. وسىدان كەيىن تاسىمالداۋشىلار ءتيىستى قۇجاتتاردى راسىمدەپ، قازاقستان بيلىگىنە جىبەرگەن. بىراق ءالى جاۋاپ الماعانىن ايتادى.
باق-تا جازىلعانداي، قازاقستاننىڭ كولىك كوميتەتى حالىقارالىق "بىشكەك-تاشكەنت" جولاۋشىلار باعىتىنا قازاقستاندىق تاسىمالداۋشىنى قوسۋدى ۇسىنعان. ازاتتىقتىڭ قىرعىز قىزمەتىنىڭ كولىك مينيسترلىگىندەگى دەرەككوزى بۇل اقپاراتتى راستاعان. ونىڭ ايتۋىنشا، قازىر كەلىسسوز ءجۇرىپ جاتىر.
قىرعىزستان مەن وزبەكستان 2018 جىلدىڭ مامىر ايىنان بەرى بىشكەكتەن تاشكەنتكە جانە كەرى باعىتتاعى رەيستەردى اشقان. بۇل رەيستەردى وزبەكستان تاراپىنان Mironshox Grand Trans, قىرعىزستان جاعىنان "ترانس سويۋز-ازيا" تاسىمالداۋشى كومپانياسى جۇزەگە اسىرادى.
مارشرۋت قاشىقتىعى - 601 كم. اۆتوبۋس جولدا قىرعىزستاننىڭ "چالدوۆار" مەن "سۋپاتاي باتىر", قازاقستاننىڭ "جىبەك جولى" جانە قازاقستان مەن وزبەكستان شەكاراسىنداعى "گيشت كۋپريك" بەكەتتەرىن كەسىپ وتەدى.
Abai.kz
