بۇل تۋرالى ازاتتىققا اقبەرديەۆانىڭ ادۆوكاتى جانار سۇندەتقاليەۆا حابارلادى.

- سوت اقبەرديەۆانىڭ ءىس-ارەكەتىندە قىلمىستىق قۇرام جوق دەپ تاۋىپ، ونى تولىق اقتادى جانە بۇل ءىس بويىنشا سوت دەيىنگى تەرگەۋ جۇرگىزگەن پوليتسيا قىزمەتكەرلەرىنە قاتىستى جەكە ۇيعارىم شىعاردى، - دەدى ول.

ادۆوكاتتىڭ سوزىنشە، ەگەر پروكۋرور قارسىلىق بىلدىرمەسە سوت ۇكىمى 15 كۇننەن سوڭ كۇشىنە ەنبەك.

بۇعان دەيىن ايگۇل اقبەرديەۆا سوتتاعى سوڭعى سوزىندە كىناسىز ەكەندىگىن، ايىبىن مويىندامايتىنىن مالىمدەگەن ەدى. پروكۋرور سۋديادان اقبەرديەۆانى ايىپتى دەپ تانىپ، باس بوستاندىعىن بەس جىل مەرزىمگە شەكتەۋ جازاسىن تاعايىنداۋدى مۇراعان بولاتىن.

39 جاستاعى ايگۇل اقبەرديەۆانىڭ ۇستىنەن قوزعالعان قىلمىستىق ءىس بويىنشا سوت 2018 جىلى 24 قىركۇيەكتە باستالعان. سونىڭ الدىندا اقبەرديەۆانىڭ كۇيەۋى 45 جاستاعى ابلوۆاس جۇماەۆ تا قدت چاتىنداعى جازبالارى ءۇشىن "الەۋمەتتىك الاۋىزدىق تۋدىردى", "بيلىكتى كۇشتەپ قۇلاتپاق بولدى" دەپ ايىپتالىپ، سوت ونى ءۇش جىلعا باس بوستاندىعىنان ايىرعان. 2018 جىلى 5 جەلتوقساندا ماڭعىستاۋ وبلىستىق اپەللياتسيالىق سوتى ۇكىمدى كۇشىندە قالدىرعان.

ەرلى-زايىپتى جۇماەۆ پەن اقبەرديەۆا وزدەرىنە تاعىلعان ايىپتىڭ ساياسي استارى بار دەپ سانايدى.

2018 جىلعى 13 ناۋرىزدا استانا سوتى باس پروكۋراتۋرانىڭ ارىزىمەن شەتەلدە تۇراتىن بۇرىنعى بانكير ءارى بيلىكتىڭ سىنشىسى مۇحتار ءابىليازوۆ باسقاراتىن قدت قوزعالىسىن "ەكسترەميستىك" دەپ تانىپ، قازاقستان اۋماعىندا تىيىم سالعان. سودان بەرى وسى قوزعالىستىڭ جاقتاستارىنا قارسى بىرنەشە قىلمىستىق ءىس قوزعالعان ەدى.

Abai.kz