دۇيسەنبى, 26 تامىز 2019
1407 2 پىكىر 8 اقپان, 2019 ساعات 10:06

تالعات ەشەنقۇلوۆ قر ءبىلىم جانە عىلىم ۆيتسە-ءمينيسترى لاۋازىمىنا تاعايىندالدى

قازاقستان رەسپۋبليكاسى ۇكىمەتىنىڭ قاۋلىسىمەن تالعات ءىلياسۇلى ەشەنقۇلوۆ قر ءبىلىم جانە عىلىم ۆيتسە-ءمينيسترى قىزمەتىنە تاعايىندالدى.

ت. ەشەنقۇلوۆ 1978 جىلى جامبىل وبلىسىندا دۇنيەگە كەلگەن. م. ح. دۋلاتي اتىنداعى تاراز مەملەكەتتىك ۋنيۆەرسيتەتىن، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىن تامامداعان.

ەڭبەك جولىن 2000 جىلى باستاعان. ءار جىلدارى قر قارجى مينيسترلىگىندە، قر جوعارعى سوتىندا، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە قىزمەت اتقارعان. 2007–2011 جىلدارى قر ءبىلىم جانە عىلىم مينيسترلىگى جامبىل وبلىسىنىڭ بالالاردىڭ قۇقىقتارىن قورعاۋ دەپارتامەنتىن باسقارعان.

2016–2018 جىلدارى — قر بعم ءبىلىم جانە عىلىم سالاسىنداعى باقىلاۋ كوميتەتى توراعاسى ورىنباسارى. 2018 جىلعى ناۋرىز–قىركۇيەك ارالىعىندا نەگىزگى قىزمەتكەردىڭ الەۋمەتتىك دەمالىسى ۋاقىتىندا قر ءبىلىم جانە عىلىم ۆيتسە-ءمينيسترى لاۋازىمىن اتقارعان.

2018 جىلعى قىركۇيەكتەن باستاپ قازىرگى تاڭعا دەيىن — قر بعم ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى قىزمەتىن اتقارعان.

تۇپنۇسقا: primeminister.kz

Abai.kz

2 پىكىر