سارسەنبى, 20 ناۋرىز 2019
2241 0 پىكىر 13 اقپان, 2019 ساعات 11:06

مەملەكەت باسشىسى بىرقاتار كادرلىق تاعايىنداۋلار جاسادى

بۇل تۋرالى اقوردانىڭ ءباسپاسوز قىزمەتى حابارلايدى.

مەملەكەت باسشىسىنىڭ جارلىعىمەن يساتاي باقتيارۇلى سارتاەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى قىزمەتىنەن بوساتىلدى.

عابيت جاقىپبايۇلى بايجانوۆ قازاقستان رەسپۋبليكاسى «سىربار» سىرتقى بارلاۋ قىزمەتىنىڭ ديرەكتورى بولىپ تاعايىندالدى، ول قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى قىزمەتىنەن بوساتىلدى.

قالمۇحانبەت نۇرمۇحانبەتۇلى قاسىموۆ قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى بولىپ تاعايىندالدى، ول پرەزيدەنت جارلىعىنا سايكەس قازاقستان رەسپۋبليكاسىنىڭ ىشكى ىستەر ءمينيسترى قىزمەتىنەن بوساتىلدى.

مەملەكەت باسشىسىنىڭ وكىمىمەن ەرلان زامانبەكۇلى تۇرعىمباەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى ىشكى ىستەر ءمينيسترىنىڭ ورىنباسارى قىزمەتىنەن بوساتىلدى. پرەزيدەنت جارلىعىنا سايكەس، ە. تۇرعىمباەۆ قر جاڭا ىشكى ىستەر ءمينيسترى بولىپ تاعايىندالدى.

Abai.kz

0 پىكىر