استانا. 17 مامىر. قازاقپارات  -  قازاق اقپارات اگەنتتىگى رەسپۋبليكالىق باسىلىمداردا 17 مامىر، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» گازەتى بۇگىنگى سانىندا «جۇمىسسىزدىقتى جويۋدىڭ جولدارى» دەگەن تاقىرىپپەن ماقالا جاريالادى. وندا ەلدى يندۋستريالاندىرۋ كارتاسى اياسىندا 370 مۋىق جۇمىس ورنى قۇرىلاتىندىعى ايتىلادى. بۇل تۋرالى كەشە ءماجىلىس توراعاسىنىڭ ورىنباسارى ا.بوبروۆتىڭ توراعالىعىمەن وتكەن «ەڭبەكپەن قامتۋ-2020» باعدارلاماسى تالقىلانعان ۇكىمەت ساعاتىندا ەڭبەك جانە حالىقتى الەۋمەتتىك قورعاۋ ءمينيسترى ءمالىم ەتكەن. مينيستر گ.ابدىقالىقوۆانىڭ ايتۋىنشا، جاڭا نىساندار قۇرىلىسى كەزەڭىندە 207 مىڭ ادام قاتىسىپ، كەيىن جاڭا كاسىپورىنداردا 61 مىڭ تۇراقتى جۇمىس ورنى قۇرىلاتىن بولادى. ال 2011 جىلدىڭ 1 قاڭتارىنداعى مالىمەت بويىنشا ەلىمىزدە حالىق سانى 16,4 ميلليون بولسا، سونىڭ 48 پايىزىنان استامى جۇمىسپەن قامتىلعان.

استانا. 17 مامىر. قازاقپارات  -  قازاق اقپارات اگەنتتىگى رەسپۋبليكالىق باسىلىمداردا 17 مامىر، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«ەگەمەن قازاقستان» گازەتى بۇگىنگى سانىندا «جۇمىسسىزدىقتى جويۋدىڭ جولدارى» دەگەن تاقىرىپپەن ماقالا جاريالادى. وندا ەلدى يندۋستريالاندىرۋ كارتاسى اياسىندا 370 مۋىق جۇمىس ورنى قۇرىلاتىندىعى ايتىلادى. بۇل تۋرالى كەشە ءماجىلىس توراعاسىنىڭ ورىنباسارى ا.بوبروۆتىڭ توراعالىعىمەن وتكەن «ەڭبەكپەن قامتۋ-2020» باعدارلاماسى تالقىلانعان ۇكىمەت ساعاتىندا ەڭبەك جانە حالىقتى الەۋمەتتىك قورعاۋ ءمينيسترى ءمالىم ەتكەن. مينيستر گ.ابدىقالىقوۆانىڭ ايتۋىنشا، جاڭا نىساندار قۇرىلىسى كەزەڭىندە 207 مىڭ ادام قاتىسىپ، كەيىن جاڭا كاسىپورىنداردا 61 مىڭ تۇراقتى جۇمىس ورنى قۇرىلاتىن بولادى. ال 2011 جىلدىڭ 1 قاڭتارىنداعى مالىمەت بويىنشا ەلىمىزدە حالىق سانى 16,4 ميلليون بولسا، سونىڭ 48 پايىزىنان استامى جۇمىسپەن قامتىلعان.

«كەدەن وداعىنىڭ كەلەشەگى كەمەل». اتالمىش باسىلىمنىڭ بۇگىنگى سانىندا وسىنداي تاقىرىپپەن جاريالانعان ماقالاعا كەشە «نۇر وتان» حدپ-نىڭ پارلامەنتتەگى فراكتسياسى جانىنداعى ەكونوميكالىق ساياسات جونىندەگى كەڭەس ۇيىمداستىرعان «كەدەن وداعى قازاقستان رەسپۋبليكاسىنىڭ ەكونوميكاسىن ءارتاراپتاندىرۋدىڭ قوزعاۋشى كۇشى» اتتى دوڭگەلەك ۇستەل وتىرىسىندا كوتەرىلگەن ماسەلەلەر ارقاۋ بولعان. باسىلىمنىڭ جازۋىنشا، كەدەن وداعىنىڭ العاشقى ءناتي­جەلەرى كورسەتكەندەي، 2010 جىلى رەسەيمەن ءوزارا ساۋدا-ساتتىق 27,2 پايىزعا، ال بەلورۋسسيامەن 55,8 پا­يىزعا وسكەن. قازاقستان ءونىم­دەرىنىڭ رەسەيگە ەكسپورتى 35,9 پايىزعا ارتقانى اتاپ وتەرلىك. سونىمەن، كەدەن وداعى ەلدەرىمەن سىرتقى ساۋدا 28,1 پايىزعا ارتىپ، 12,9 ميلليارد اقش دوللارىنان 16,5 ميلليارد دوللارعا دەيىن ءوسىپ، قازاقستاننىڭ جالپى ساۋدا اينالىمىنىڭ 18,5 پايىزىن قۇ­راعان. 2011 جىلدىڭ 1 توقسانىندا ەلىمىز بيۋدجەتىنە ءتۇس­كەن سىرت­تان اكەلىنگەن تاۋار­لارعا سالىن­عان سالىق وتكەن جىلدىڭ وسى مەرزىمىمەن سالىستىرعاندا 233,2 پايىزعا ارتقان.

***

«تامشىلاپ سۋارۋ ءتيىمدى ەكەن». «ايقىن» باسىلىمىنىڭ بۇگىنگى سانىندا وسىنداي تاقىرىپپەن ماقالا جارىق كوردى. باسىلىمنىڭ جازۋىنشا، الماتى مەن قاپشاعاي قالاسىنىڭ اراسىن جالعاستىرىپ جاتقان كۇرە جولدىڭ كۇنشىعىس قاپتالىندا قاپتاعان تەحنيكا قاۋىرت جۇمىس جۇرگىزىپ جاتىر. جالپى اۋدانى 5,1 گەكتار جەرگە جاڭا تەحنولوگياعا ساي ونەركاسىپتى جىلىجايدىڭ قۇرىلىسىن قولعا العاندار الداعى كەزدە ونىڭ كولەمىن 20 گەكتارعا دەيىن ارتتىرۋدى ويلاستىرىپ وتىر. جوبانىڭ نەگىزگى ماقساتى - جىل ون ەكى اي بويى جوعارى ساپالى كوكونىس ونىمدەرىن ءوندىرۋ.

سونداي-اق «ايقىننىڭ» بۇگىنگى سانىندا «ىرىس نەگە ارتپاي تۇر؟» دەگەن تاقىرىپپەن وزەكتى ماقالا باسىلدى. وندا توپىراق قۇنارلىعىنىڭ تومەندەۋىنە تابيعي فاكتورلاردان باسقا مينەرالدىق جانە ورگانيكالىق تىڭايتقىشتاردىڭ قولدانىلماۋى، اگروتەحنيكالىق تالاپتاردىڭ ساقتالماۋى، عىلىمي نەگىزدەلگەن اۋىسپالى ەگىنشىلىك جۇيەلەرىنىڭ بولماۋى دا باستى سەبەپ بولىپ وتىرعاندىعى ايتىلادى. «مىسالى، 1990 جىلى 1 گەكتار ەگىستىك القاپقا بەرىلەتىن تىڭايتقىشتار 19,1 كەلى بولسا، 2010 جىلى بار بولعانى 4,14 كەلىدەن تۋرا كەلىپ، 4,6 ەسەدەن اسا كەمىپ كەتكەن. وسىدان سوڭ قالاي ىرىسىمىز ارتىپ، جەر-انانىڭ ءتوسى ءيىسىن؟ اۋىلىن تاستاپ، قالاعا كەتكەن بالاسىنا قاتتى ايتپاسا دا ىشتەي رەنجىپ جۇرگەن اناداي، ول دا رەنجىپ جاتقان شىعار، كىم ءبىلسىن؟!»، - دەلىنگەن ماقالادا.

***

«الاش ايناسى» باسىلىمىنىڭ جازۋىنشا، كوكتەم شىعا كاسپي تەڭىزىنىڭ جاعالاۋى يتبالىقتاردىڭ ولەكسەلەرىنە تولىپ كەتەدى. بيىل دا بۇل جاعداي قايتالانباي قالعان جوق. ماڭعىستاۋ وبلىسىنىڭ تۇپقاراعان اۋدانىنىڭ تۇرعىندارى تەڭىز جاعاسىنان يتبالىقتاردىڭ قاڭقاسىن تاۋىپ العاندىقتارىن ايتىپ، دابىل قاقتى. بۇل جايىندا تولىق مالىمەتتى «كاسپيدىڭ يتبالىعىنا ىندەت نەدەن كەلدى؟» دەگەن  تاقىرىپپەن باسىلعان ماقالادان بىلە الاسىزدار.

سونداي-اق اتالمىش باسىلىمنىڭ جازۋىنشا، قازىرگى جاسوسپىرىمدەر اراسىندا اراق ءىشۋ، تەمەكى تارتۋ، سپيد، ناشاقورلىق، قىزدارىمىز ون ەكىدە ءبىر گۇلى اشىلماي جاتىپ، بالا كوتەرۋ دەگەن سەكىلدى جاعىمسىز قىلىقتار كوبەيىپ كەتتى. «مۇنىڭ سىرى نەدە؟ ءبىز مۇنى ارنايى زەرتتەپ، ءتۇيىنىن تارقاتىپ كوردىك پە؟. اينالىپ كەلگەندە، وسىنىڭ بارلىعى ءبىزدىڭ حالىقتىق پەداگوگيكادان اجىراپ، مەكتەپتەگى باعدارلامالارىمىزدى ەۋروپالىق جۇيەگە سايكەستەندىرىپ جاقاندىعىمىزدان ەمەس پە؟»، - دەلىنگەن «الاش ايناسىنىڭ» بۇگىنى سانىندا جاريالانعان «حالىقتىق پەداگوگيكا قازاق مەكتەپتەرىنە قاشان ەنگىزىلەدى؟» دەگەن ماقالادا.

***

«كازاحستانسكايا پراۆدا» باسىلىمى يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ مەن مەترولوگيا كوميتەتىنىڭ بيىلعى جىلدىڭ العاشقى توقسانىنداعى ناتيجەلەرىنە بايلانىستى «كتو ۆ وتۆەتە زا كاچەستۆو توۆاروۆ?» اتتى ماقالا جاريالادى. باسىلىمنىڭ مالىمەتتەرىنشە، تەحنيكالىق رەتتەۋ جانە مەترولوگيا كوميتەتى ەلىمىزدىڭ وبلىستارى مەن استانا جانە الماتى قالالارىندا بيىلعى جىلدىڭ 1-توقسانىندا 1 مىڭ 72 تەكسەرۋ جۇرگىزگەن. تەكسەرۋلەر بارىسىندا ولار 645 تەحنيكالىق رەگلامەنتتەرى مەن مەترولوگيالىق ءتارتىپ پەن نورمالارىن بۇزۋ ارەكەتتەرىن انىقتاعان. مەملەكەتتىك ينسپەكتورلار كىنالى ازاماتتارعا قۇنى 25 ملن. 425 مىڭ 910 تەڭگە بولاتىن 669 قاۋلى شىعارعان.