قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى، «نۇر وتان» پارتياسى پارلامەنتتىك فراكتسياسى جەتەكشىسىنىڭ ورىنباسارى نۇرتاي سابيليانوۆ شىعىس قازاقستان وبلىسىندا سايلاۋشىلارمەن جۇزدەستى، - دەپ حابارلايدى اباي-اقپارات.

شىعىس قازاقستان وبلىسىنىڭ تۇرعىندارى دەپۋتاتقا دەنساۋلىق ساقتاۋ، الەۋمەتتىك قامسىزداندىرۋ، ءبىلىم بەرۋ سالالارىنداعى، اگروونەركاسىپتىك كەشەندى دامىتۋ، كاسىپكەرلىكتى قولداۋ، تۇرعىن ۇيمەن، ينتەرنەت بايلانىسىمەن قامتاماسىز ەتۋ، اۆتوجولداردى جوندەۋ جانە باسقا دا ماسەلەلەردى پارلامەنت مىنبەرىندە كوتەرۋىن سۇرادى.

نۇرتاي سابيليانوۆ اياگوز اۋدانىنىڭ مالكەلدى، بارشاتاس، وركەن، بوزاي، شىڭقوجا اۋىلدارىندا جانە اياگوز قالاسىندا، ءۇرجار اۋدانىنىڭ ءۇرجار، قاراتۋما، كوكوزەك، ناۋالى، كەلدىمۇرات، ماقانشى، قاراتال اۋىلدارىندا، اباي اۋدانىنىڭ قاراۋىل، كەڭگىرباي بي، قۇندىز اۋىلدارىنا بارىپ، حالىقتىڭ جاي كۇيىمەن تانىستى.

نۇرتاي سابيليانوۆ اۋىل تۇرعىندارىنا قازاقستان رەسپۋبليكاسىنىڭ پرەزيدەنتى ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىنىڭ، پرەزيدەنتتىڭ بەس الەۋمەتتىك باستاماسىنىڭ، «نۇر وتان» پارتياسىنىڭ سايلاۋالدى باعدارلاماسىنىڭ جۇزەگە اسىرىلۋى تۋرالى اقپارات بەردى.

سونىمەن قاتار دەپۋتات سايلاۋشىلارعا پارلامەنت دەپۋتاتتارىنىڭ زاڭ شىعارۋ قىزمەتى تۋرالى ايتتى.

سايلاۋشىلاردىڭ قويىلعان بارلىق سۇراقتارىنا دەپۋتات جاۋاپ بەردى. سونداي-اق، اياگوز قالاسىندا دەپۋتات مەديتسينا قىزمەتكەرلەرمەن، ءبىلىم بەرۋ قىزمەتكەرلەرىمەن، قۇقىق قورعاۋشىلار ورگانى وكىلدەرىمەن جەكە كەزدەسۋلەر وتكىزدى.

سونىمەن قاتار نۇرتاي سابيليانوۆ اياگوز قالاسىندا جاستارمەن، ال ءۇرجار اۋدانىنىڭ ناۋالى اۋىلىندا بالالار ءۇيىنىڭ تاربيەلەنۋشىلەرىمەن كەزدەستى.

Abai.kz