پرەمەر-ءمينيستردىڭ رەسمي سايتىنىڭ جازۋىنشا، كەزدەسۋ بارىسىندا ساۋدا-ەكونوميكالىق جانە شەكارا ماڭى ىنتىماقتاستىعىن تەرەڭدەتۋ جانە كەڭەيتۋ، ەلدەردىڭ ترانزيتتىك-كولىكتىك الەۋەتىن پايدالانۋ، عىلىمي-تەحنيكالىق جانە مادەني-گۋمانيتارلىق سالالاردا ءوزارا ءىس-قيمىلدى جانداندىرۋ ماسەلەلەرى تالقىلاندى. ماڭعىستاۋ وبلىسى مەن بالقان ءۋالاياتى شەكاراسىندا شەكارا ماڭى ساۋداسىنىڭ ارنايى ايماعىن قۇرۋ جوباسى باسىمدىقتا قالىپ وتىر. سونىمەن قاتار، تۇرىكمەنستاندا جەردى قاشىقتىقتان زوندتاۋدىڭ عارىشتىق جۇيەسىن قۇرۋ بويىنشا بىرلەسكەن جوبانى ىسكە اسىرۋ كەلەشەگى قاراستىرىلدى.

«ءبىزدىڭ مەملەكەتتەردىڭ باسشىلارى – قازاقستان پرەزيدەنتى نۇرسۇلتان نازارباەۆ پەن تۇرىكمەنستان پرەزيدەنتى گۋربانگۋلى بەردىمۋحامەدوۆ – وزارا ساۋدادا ميللياردتىق مەجەگە جەتۋ مىندەتىن قويدى. ەكونوميكالىق، عىلىمي-تەحنيكالىق جانە مادەني ىنتىماقتاستىق بويىنشا بىرلەسكەن ۇكىمەتارالىق كوميسسيا جۇمىسىن جانداندىرۋ قاجەت. ەكى ەل اراسىندا ءوزارا ءتيىمدى ەكسپورتتىق جەتكىزۋلەردى ىنتالاندىرۋ قۇرالدارىن قولدانا وتىرىپ، ءوزارا ساۋدا كولەمىن بىرتىندەپ ارتتىرۋ جانە جەتكىزىلەتىن تاۋارلار نومەنكلاتۋراسىن كەڭەيتۋ قاجەت»، — دەدى قر پرەمەر-ءمينيسترى مەتاللۋرگيا، ماشينا جاساۋ، قۇرىلىس ماتەريالدارى، ازىق-تۇلىك، حيميا ونىمدەرى، جەڭىل ونەركاسىپ، فارماتسەۆتيكا جانە باسقا سالالاردا تاۋار اينالىمىن ارتتىرۋ كەرەكتىگىن اتاپ وتە وتىرىپ.

اسقار مامين سونىمەن قاتار كەشە استانادا ۇكىمەتارالىق كوميسسيانىڭ كەزەكتى 10-وتىرىسىن وتكىزۋ ىنتىماقتاستىققا قوسىمشا سەرپىن بەرىپ، ەكىجاقتى كۇن تارتىبىندەگى وزەكتى ماسەلەلەردى شەشۋگە مۇمكىندىك تۋدىراتىنىنا سەنىم ءبىلدىردى.

Abai.kz