سارسەنبى, 16 قازان 2019
«سوقىر» فەميدا 3159 22 پىكىر 12 ناۋرىز, 2019 ساعات 11:51

ولار ماجىلىستەگى «حالىق قاھارماندارى»...

ءبىر-ەكى كۇن ءوتتى. بۇكىل جۇرت جاپاتارماعاي جامىراپ ءجۇرىپ 8-ناۋرىزدى تويلادىق. سابەتتەن قالعان سارقىندى دەگەنىمىزبەن، سيمۆوليكالىق تۇردە قىز-كەلىنشەكتەردى ماراپاتتادىق. مەيرامدارىمەن قۇتتىقتادىق. وسى ءبىر مەرەكەلىك داتاعا وراي قازاقستاننىڭ ساياساتىنداعى ايەلدەردىڭ تيپتىك وبرازىن جاساۋ تۋرالى ويعا كەلدىك.

ال ەندى جالپىلاما ءسوز قۇراۋعا جانە كەلمەيدى.  سەناتتا دا، ۇكىمەتتە دە، ماجىلىستە دە ايەل ساياساتكەرلەر از ەمەس. ارقايسىسى ءبىر-ءبىر تيپتىك وبراز.

قايسىسىن جازامىز؟ «ءبىر بالا دا، ەكى بالا» دەپ بىدىقتاپ سويلەيتىن پەنسيونەر قاراقۇسوۆانى ما، الدە پرەزيدەنت تۋرالى اسقان پافوسپەن سويلەۋدە شاشاسىنا شاڭ جۇقتىرمايتىن جۇيرىك حامەنوۆانى ما؟ ويباي-وۋ، ايتقان ءار ءسوزى «حيت» ءداۋ ۇيدەگى داريعا اپاي بار عوي. «قۇدايعا شۇكىر، ورىس ءتىلىن ەشكىم الىپ تاستاعان جوق» دەپ جۇرگەن ول كىسىنىڭ ءار ايتقانى قوعامدىق رەزونانستى تۋدىرادى، راس. ساياساتتىڭ اۋلاسىندا جۇرگەن داريعا، گۇلجان، باقىتگۇل سەكىلدىدەر از ەمەس.

ەندى وسىنىڭ بارلىعىن قالاي جينايمىز؟ بۇرىندارى بىرەۋدىڭ ساياسي سۇلباسىن ءتۇزۇ ءۇشىن ول ادامنىڭ سويلەگەن سوزدەرىنە ەكپىن بەرۋشى ەدىك.

بۇ جولى جاسايتىن جۇمىسى مەن تاققان تەمىر-تەرسەكتەرىن تىلگە تيەك ەتتىك. اۋەلى پارلامەنتتىڭ تومەنگى پالاتاسىنان باستايىق.

پارلامەنتتىڭ تومەنگى پالاتاسى – ءماجىلىس. ماجىلىستە 27 دەپۋتات ايەل بار ەكەن. جاڭاعى حامەنوۆا مەن قاراقۇسوۆالار وسى جەردە جۇمىس جاسايدى.

بۇل جيىرما جەتى حانىمنىڭ كەۋدەسىندەگى تەمىر القالارى سولتۇستىك كورەيانىڭ «ارداگەرلەرىنەن» ءبىر كەم ەمەس. ارقايسىسى وردەن تاققان. ارقايسىسى «ەرەن ەڭبەك سىڭىرگەن». كىل مىقتىلار. كىل دوكەيلەر. وزدەرىڭىز كورىڭىزدەر... مارحابات...

ماجىلىستەگى دەپۋتات ايەلدەر

مايرا ايسينا – بيىل 63 جاستا. اعىلشىن ءتىلىن ەركىن مەڭگەرگەن. 2007 جىلدان بەرى ءماجىلىس دەپۋتاتى بولىپ كەلەدى. IV, V, VI شاقىرىلىمنىڭ دەپۋتاتى. نۇر وتان پارتياسىنىڭ وكىلى. دەپۋتاتتىق قىزمەتىنە بيىل – 12 جىل.

العان اتاق-ابىرويى مەن تاققان تەمىر-تەرسەكتەرى:

«ءبىلىم بەرۋ ءىسىنىڭ ۇزدىگى» توسبەلگىسى (1999ج.),

«ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسى (2001ج.),

«قر تاۋەلسىزدىگىنە 10 جىل» مەدالى (2001ج.),

«قر قۇرمەتتى سپورت قايراتكەرى» توسبەلگىسى (2004ج.),

«ءتۋريزمدى دامىتۋعا قوسقان ۇلەسى ءۇشىن» توسبەلگىسى (2004 ج.),

«قر كونستيتۋتسياسىنا 10 جىل» مەرەكەلىك مەدالى (2005ج.),

«ەرەن ەڭبەگى ءۇشىن» مەدالى (2005ج.),

«ى.التىنسارين اتىنداعى مەدال» (2006ج.),

«استانا» ەستەلىك مەدالى (2006ج.),

«عىلىمداعى جەتىستىگى ءۇشىن» توسبەلگىسى (2009ج.),

«قر تاۋەلسىزدىگىنە 20 جىل» مەرەكەلىك مەدالى (2011ج.),

«قۇرمەت» وردەنى (2011 ج.).

زاۋرەش امانجولوۆا – 15-ناۋرىز كۇنى 61 جاسقا تولادى. ماماندىعى دارىگەر. مەديتسينا عىلىمىنىڭ دوكتورى دەگەن دارداي اتاعى بار. الماتىدا ۇزاق جىل اكىمنىڭ ورىنباسارى بولدى. 2016 جىلى ءماجىلىس دەپۋتاتى بولىپ تاعايىندالدى. دەپۋتاتتىق قىزمەتىنە بيىل – 3 جىل.

العان اتاق-ابىرويى مەن تاققان تەمىر-تەرسەكتەرى:

«قر دەنساۋلىق ساقتاۋ ءىسىنىڭ ۇزدىگى» توسبەلگىسى (1999 ج.),

«قر تاۋەلسىزدىگىنە 10 جىل» مەرەكەلىك مەدالى (2001 ج.),

«قازاقستاننىڭ ۇزدىك اكۋشەر-گينەكولوگى» ماراپاتى (2005 ج.),

«قر كونستيتۋتسياسىنا 10 جىل» مەرەكەلىك مەدالى (2005 ج.),

«التىن ساكلپەل» بەلگىسى (2007 ج.),

«بەلسەندى قىزمەتى ءۇشىن» «نۇر وتان» پارتياسىنىڭ توسبەلگىسى (2007 ج.),

«زا پروفەسسيوناليزم ي دەلوۆۋيۋ رەپۋتاتسيۋ» ا.پ.چيجەۆسكي اتىنداعى التىن مەدال (2007 ج.),

گيپپوكرات وردەنى (2007 ج.),

«ۇلت ماقتانىشى» مەدالى (2014 ج.),

«قحا 20 جىل» مەرەكەلىك مەدالى (2015 ج.),

«قر كونستيتۋتسياسىنا 20 جىل» مەرەكەلىك مەدالى (2015 ج.),

«قازاق حاندىعىنا 550 جىل» مەرەكەلىك مەدالى (2015 ج.),

«قۇرمەت» وردەنى (2011 ج.).

يرينا ارونوۆا – بيىل 62 جاسىن اتاپ وتەدى. رەسەيدىڭ كالينينگراد وبلىسىندا تۋعان. شىمكەنتتە، قوستانايدا وقۋ بىتىرگەن. ماماندىعى پەداگوگ. مادەنيەت سالاسىندا ءبىراز جىل قىزمەت ەتكەن. 2007 جىلدان باستاپ نۇر وتان پارتياسىنىڭ قوستاناي وبلىستىق فيليالىندا توراعا ورىنباسارى بولعان.

2012 جىلدىڭ 20-قاڭتارىنان بەرى ماجىلىستە ءجۇر.  دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

«قر تاۋەلسىزدىگىنە 10 جىل» مەرەكەلىك مەدالى (2001 ج.),

«قر پارلامەنتىنە 10 جىل» مەدالى (2006 ج.),

«قر تاۋەلسىزدىگىنە 20 جىل» مەرەكەلىك مەدالى (2011 ج.),

«قۇرمەت» وردەنى (2012 ج.),

قر پرەزيدەنتىنىڭ قۇرمەت گراموتاسىمەن (2007 ج.) ماراپاتتالعان.

گالينا بايماحانوۆا – بيىل 67 جاستا. گەولوگو-مينەرالدى عىلىمدار كانديداتى، دوتسەنت. ماماندىعى گەولوگ. ۇزاق جىل ءوز سالاسى بويىنشا قىزمەت ەتكەن. 40-تان استام عىلىمي-مەتوديكالىق ەڭبەك جازعان.

گالينا اپا بايماحانوۆا 70-جىلدارى گەولوگيالىق بارلاۋ فاكۋلتەتىندە كومسومول ۇيىمىنىڭ حاتشىسى بولعان. 1987 جىلدان بەرى كوممۋنيست. كوممۋنيستىك پارتيانىڭ باسشىلىق قۇرامىنا دا سايلانعان. 2012 ماجىلىسكە ءدال وسى كومپارتيا اتىنان وتكەن. دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

«ەرەن ەڭبەگى ءۇشىن» مەدالى (2013 ج.),

«قر قارجى پوليتسياسىنا 20 جىل» مەدالى (2014 ج.),

«قكحپ 10 جىل» (2014 ج.),

«قازاقستان حالقى اسسامبلەياسىنا 20 جىل»، (2014 ج.),

«قازاقستان حالقى اسسامبلەياسىنىڭ قوعامدىق «بىرلىك» التىن مەدالى» (2015ج.),

«قازاقستان كونستيتۋتسياسىنا 20 جىل» (2015 ج.).

زاعيپا باليەۆا – بيىل قازان ايىندا 61 جاسقا تولادى. ەڭبەك جولىن سپتۋ-دا لابورانت بولىپ باستاعان. ماماندىعى ەكونوميست. الماتى اكىمدىگىندە دە قىزمەت ەتكەن.

1994-1995 جىلدارى قازاقستاننىڭ جوعارعى كەڭەسىنىڭ دەپۋتاتى بولعان. 1995-1996 جىلدارى قر ورتالىق سايلاۋ كوميسسياسىنىڭ ءتورايىمى بولدى.  ال 2005-2009 جىلدارى قر ادىلەت ءمينيسترى كرەسلوسىنا وتىردى.

6 بالانىڭ اناسى. نۇر وتان پارتياسىنىڭ وكىلى. 2009 جىلدان بەرى دەپۋتات. دەپۋتاتتىق قىزمەتىنە بيىل – 10 جىل.

العان اتاق-ابىرويى مەن تاققان تەمىر-تەرسەكتەرى:

«كۇمىس القا» مەدالى،

«قر تاۋەلسىزدىگىنە 10 جىل» مەرەكەلىك مەدالى،

«قر تاۋەلسىزدىگىنە 20 جىل» مەرەكەلىك مەدالى،

«قر كونستيتۋتسياسىنا 10 جىل» مەرەكەلىك مەدالى،

«قۇرمەت» وردەنى،

«پاراسات» وردەنى.


گۇلنارا بيجانوۆا – 1969 جىلى قاراعاندىنىڭ قاراجالىندا تۋعان. بيىل 50 جاستا. ماماندىعى زاڭگەر، قۇقىقتانۋشى. قاراعىندىدا زاىگەرلىكتى وقىعان، قاراعاندىدا قارجىگەرلىكتى وقىعان. رف پرەزيدەنتى جانىنداعى مەملەكەتتىك باسقارۋ جانە حالىق شارۋاشىلىعى اكادەمياسىن بىتىرگەن.

ەڭبەك جولىن 1987 جىلى ساتۋشىلىقتان باستاعان. كەيىن پروكۋراتۋراعا اۋىسقان. ءسويتىپ ءجۇرىپ 2010 جىلى «قازاقمىستان» ءبىر-اق شىعادى. وندا باسقارما توراعاسىنىڭ كەڭەسشىسى بولىپ قىزمەت ەتەدى.

نۇر وتان پارتياسىنىڭ وكىلى. 2016 جىلدان بەرى ماجىلىستە دەپۋتات. دەپۋتاتتىق قىزمەتىنە بيىل – 3 جىل.

العان اتاق-ابىرويى مەن تاققان تەمىر-تەرسەكتەرى:

«پروكۋراتۋرا وزاتى» 2-دارەجە (2006 ج.),

«ادىلەت ورگاندارى جۇيەسىن دامىتۋعا قوسقان ۇلەسى ءۇشىن» (2014ج.),

«قازاقستان ماسليحاتتارىنا 20 جىل» (2014ج.),

«قازاقستان كونستيتۋتسياسىنا 20 جىل» (2015ج.),

«قازاقستان رەسپۋبليكاسىنىڭ پروكۋراتۋراسىنا 20 جىل» (2016ج.),

«قازاقستان رەسپۋبليكاسىنىڭ تاۋەلسىزدىگىنە 25 جىل» (2016ج.),

«قازاقستان رەسپۋبليكاسىنىڭ پروكۋراتۋراسىنا 25 جىل» (2017ج.),

 «ەرەن ەڭبەگى ءۇشىن» (2017ج.).

سۆەتلانا بىچكوۆا – بيىل شىلدەدە 62 جاسقا تولادى. ماماندىعى – زاڭگەر، فيزيك. سوت سالاسىندا ءبىراز جىل قىزمەت ەتكەن. «پروفەسسور» عىلىمي اتاعىن العان. 180-نەن استام ماقالا جازعان. نۇر وتان پارتياسىنىڭ وكىلى. ءماجىلىستىڭ IV, V, VI شاقىرىلىمنىڭ دەپۋتاتى. دەپۋتاتتىق قىزمەتىنە بيىل – 12 جىل.

العان اتاق-ابىرويى مەن تاققان تەمىر-تەرسەكتەرى:

«ەرەن ەڭبەگى ءۇشىن» مەدالى (2001 ج.),

«قۇرمەت» وردەنى (2011 ج.).

دانيا ەسپاەۆا – بيىل 5-ناۋرىزدا 58 جاسقا تولدى. جوعارى ءبىلىمدى. ماماندىعى – ەكونوميست. ەڭبەك جولىن كسرو كەزىندە بانك سالاسىنان باستاعان. بانك سالاسىندا 34 جىل قىزمەت ەتكەن. ونىڭ 17 جىلىندا باسشىلىق قىزمەتتە بولعان. 2 مارتە اقتوبە وبلىستىق ماسليحاتىنا سايلانعان. اق جول پارتياسىنىڭ وكىلى.

العان اتاق-ابىرويى مەن تاققان تەمىر-تەرسەكتەرى:

«ۇزدىك قارجىگەر» قوعامدىق مەدالى،

«قر تاۋەلسىزدىگىنە 20 جىل» مەرەكەلىك مەدال،

«قۇرمەت» وردەنى.

انار جايىلعانوۆا – بيىل شىلدەدە 50 جاسقا تولادى. سەمەي ءوڭىرىنىڭ تۋماسى. ماماندىعى – زاڭگەر. سوت سالاسىندا 1994 جىلدان باستاپ قىزمەت ەتكەن. 1999 جىلدارى پرەزيدەنت اكىمشىلىگىندە ىستەگەن. 2004 جىلى جوعارعى سوتتىڭ سۋدياسى اتانعان. 2008 جىلى سەنات شەشىمىمەن كونستيتۋتسيالىق كەڭەس مۇشەسى بولدى. 2003 جىلى ەكىنشى جوعارعى ديپلومىن الىپ، ەكونوميست اتاندى.

2016 جىلى نۇر وتان پارتياسىنا مۇشەلىككە قابىلدانىپ، كونستيتۋتسيالىق كەڭەستەن شىقتى. ءسويتىپ 2016 جىلى ءماجىلىس دەپۋتاتى اتاندى. دەپۋتاتتىق قىزمەتىنە بيىل – 3 جىل.

العان اتاق-ابىرويى مەن تاققان تەمىر-تەرسەكتەرى:

«قر تاۋەلسىزدىگىنە 10 جىل» مەرەكەلىك مەدالى،

«استانانىڭ 10 جىلدىعى» مەرەكەلىك مەدالى،

«قر تاۋەلسىزدىگىنە 20 جىل» مەرەكەلىك مەدالى،

«ۇزدىك مەملەكەتتىك قىزمەتشى» توسبەلگىسى،

«قر تاۋەلسىزدىگىنە 25 جىل» مەرەكەلىك مەدالى،

«كونستيتۋتسيالىق زاڭدىلىقتى نىعايتۋعا قوسقان ۇلەسى ءۇشىن» مەدالى،

«قازاقستان حالقى اسسامبلەياسىنا 20 جىل» مەدالى،

«قازاقستان رەسپۋبليكاسى كونستيتۋتسياسىنا 20 جىل» مەدالى،

«قر پروكۋراتۋراسىنا 25 جىل» مەدالى،

«ءۇش بي» قۇرمەت بەلگىسى،

«قۇرمەت» وردەنى.

ناتاليا جۋماديلداەۆا – بيىل 29-ناۋرىزدا 54 جاسقا تولادى. قاراعاندىنىڭ تەمىرتاۋىندا تۋعان. موردوۆادا وقۋ بىتىرگەن. ماماندىعى – فيلولوگ.

ەڭبەك جولىن 1987 جىلى قىزىلوردادا باستاۋىش سىنىپ مۇعالىمىنەن باستاعان. 1987-2013 جىلدار ارالىعىندا مۇعالىم، مەكتەپ ديرەكتورى ت.ب. بولىپ قىزمەت ەتكەن.   2016 جىلدان بەرى ماجىلىستە دەپۋتات. اسسامبلەيا اتىنان سايلانعان. دەپۋتاتتىق قىزمەتىنە بيىل – 3 جىل.

العان اتاق-ابىرويى مەن تاققان تەمىر-تەرسەكتەرى:

«قازاقستان حالقى اسسامبلەياسىنا 20 جىل» مەدالى،

«قىزىلوردا وبلىسىنا 70 جىل» توسبەلگىسى،

«ى.التىنسارين اتىنداعى» توسبەلگى.

گۇلنار يكسانوۆا – بيىل ساۋىردە 61 جاسقا تولادى. ەكونوميكا عىلىمىنىڭ كانديداتى. 1994 جىلدان باستاپ تەلەراديو حابار تاراتۋ سالاسىندا قىزمەت ەتكەن. تان تەلەكومپانياسىنىڭ ۆيتسە-پرەزيدەنتى بولعان. «مير» ارناسىندا رەفەرانت، «حابار» اگەنتتىگىندە ۆيتسە-پرەزيدەنت بولدى.

نۇر وتان پارتياسىنىڭ مۇشەسى. 2012 جىلى ماجىلىسكە دەپۋتات بولىپ تاڭدالعان. سودان بەرى سول جاقتا ءجۇر. دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

بىرنەشە مەرەكەلىك مەدالمەن ماراپاتتالعان.

«قۇرمەت» وردەنى،

«پاراسات» وردەنى،

«باق سالاسىنداعى قر پرەزيدەنتىنىڭ» سىيلىعىن العان.

سنەجاننا يماشەۆا – 1981 جىلى باتىس قازاقستاندا تۋعان. بيىل ساۋىردە 38 جاسقا تولادى. ماماندىعى – زاڭگەر. نۇر وتان پارتياسىنىڭ مۇشەسى. 2016 جىلدان بەرى ءماجىلىس دەپۋتاتى. ماجىلىسكە پارتيالىق تىزىممەن وتكەن. دەپۋتاتتىق قىزمەتىنە بيىل – 3 جىل.

العان اتاق-ابىرويى مەن تاققان تەمىر-تەرسەكتەرى:

جوق.

گۇلميرا يسيمباەۆا – 23-تامىزدا 62 جاسقا تولادى. ماماندىعى – ورىس ءتىلى مەن ادەبيەتىنىڭ مۇعالىمى. ءماجىلىستىڭ ۆيتسە-سپيكەرى. ەڭبەك جولىن مۇعالىمدىكتەن باستاعان. 12 جىلدىق ءبىلىم بەرۋ جۇيەسىنە ارناپ جازىلعان 1 سىنىپتارعا ارنالعان «بۋكۆار» وقۋلىعىنىڭ اۆتورى.

1990 جىلى قازاق سسر جوعارعى كەڭەسىنە دەپۋتات بولعان.

2007 جىلدان بەرى ماجىلىستە دەپۋتات بولىپ كەلەدى. ماجىلىستەگى نۇر وتان فراكتسياسىنىڭ جەتەكشىسى. دەپۋتاتتىق قىزمەتىنە ءبيىل – 12 جىل.

العان اتاق-ابىرويى مەن تاققان تەمىر-تەرسەكتەرى:

الماتى قالاسى اكىمدىگىنىڭ العىس حاتى،

«ا.س.پۋشكين» مەدالى مەن العىس حاتى،

«م.ۆ.لومونوسوۆ اتىنداعى» سىيلىقتىڭ لاۋرەاتى،

«ى.التىنسارين اتىنداعى» توسبەلگى،

قر پرەزيدەنتىنىڭ العىس حاتى،

«ەرەن ەڭبەگى ءۇشىن» مەدالى،

«قۇرمەت» وردەنى،

«پاراسات» وردەنى.

مەرۋەرت قازبەكوۆا – كوكشەتاۋدىڭ تۋماسى. بيىل 58 جاستا. ساياسات عىلىمدارىنىڭ كانديداتى. رف پرەزيدەنتى جانىنداعى مەملەكەتتىك قىزمەت اكادەمياسىن بىتىرگەن. بىرقاتار جەكەلەگەن كاسىپورىندار مەن كومپانيالاردا قىزمەت ەتكەن. «قازاقستان تەمىر جولىندا» قىزمەتتە بولعان. اقش-تا تاجىربيەدەن وتكەن. قازاق جانە ورىس تىلدەرىن مەڭگەرگەن.

2002 جىلدان بەرى «اق جول» پارتياسىنىڭ مۇشەسى. 2012 جىلى «اق جولدىڭ» پارتيالىق تىزىمىمەن ماجىلىسكە بارعان. سودان بەرى پارلامەنتتە ءجۇر. دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

«قر تاۋەلسىزدىگىنە 10 جىل» مەرەكەلىك مەدالى.

گۇلجان قاراقۇسوۆا – ماجىلىستەگى «حيت» اپالاردىڭ ءبىرى. بيىل 69 جاستا. ەكونوميكا عىلىمىنىڭ دوكتورى، پروفەسسور.

ءبىر كەزدەرى پرەزيدەنت نازارباەۆتىڭ ءوزى ايتقانداي-اق، 1994 جىلدەن بەرى نازارباەۆتىڭ قاسىندا ءجۇر. اعىلشىن ءتىلىن بىلەدى. 3 بالا، 8 نەمەرە ءسۇيىپ وتىرعان اجە.

1994 جىلى پرەزيدەنتتىڭ كومەكشىسى بولعان. 1997-2001 جىلدار ارالىعىندا سەنات دەپۋتاتى بولدى. 2001-2007 جىلدار ارالىعىندا ەڭبەك ءمينيسترى بولىپ كوردى.

ال 2007 جىلى ماجىلىسكە ويىستى. سودان بەرى گۇل اپا ماجىلىستەن كەتكەن جوق. پرەزيدەنتتىڭ سەنىمدى سەرىكتەرىنىڭ ءبىرى. گۇلجان اپانىڭ دەپۋتاتتىق قىزمەتىنە بيىل، سەنات پەن ءماجىلىستى قوسىپ ەسەپتەگەندە – 16 جىل.

العان اتاق-ابىرويى مەن تاققان تەمىر-تەرسەكتەرى:

گۇل اپانىڭ تاققان تەمىر-تەرسەكتەرىن ساناپ بىتپەسپىز، دەسەك تە، ءبىر سىپىراسىن جازايىق...

«قر تاۋەلسىزدىگىنە 20 جىل» مەرەكەلىك مەدالى،

«استانانىڭ 10 جىلدىعى» مەرەكەلىك مەدالى،

«قر كونستيتۋتسياسىنا 10 جىل» مەرەكەلىك مەدالى،

«قر تاۋەلسىزدىگىنە 10 جىل» مەركەلىك مەدالى،

«استانا» مەدالى،

«بارىس» وردەنى II- دارەجە،

«دوستىق» وردەنى،

«پاراسات» وردەنى.

قۇرالاي قارەكەن – بيىل 61 جاستا. اقتوبەدە تۋعان. ماماندىعى – دارىگەر. مەديتسينا سالاسىندا ءبىرازجىل قىزمەت ەتكەن. 2 بالا 5 نەمەسە باعىپ وتىرعان اجە.

2012 جىلدان بەرى ماجىلىستە دەپۋتات. نۇر وتان پارتياسىنىڭ وكىلى. دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

«قازاقستان رەسپۋبليكاسىنىڭ كونستيتۋتسياسىنا 10 جىل»،

«قازاقستان رەسپۋبليكاسىنىڭ تاۋەلسىزدىگىنە 10 جىل»،

«استانانىڭ 10 جىلدىعى»،

«قازاقستان رەسپۋبليكاسىنىڭ تاۋەلسىزدىگىنە 20 جىل»،

«ەرەن ەڭبەگى ءۇشىن»،

«قازاقستان كونستيتۋتسياسىنا 20 جىل»,

«قازاقستان دەنساۋلىق ساقتاۋ ءىسىنىڭ ۇزدىگى»،

«دەنساۋلىق ساقتاۋ ىسىنە قوسقان ۇلەسى ءۇشىن»،

«قازاقستان رەسپۋبليكاسى دەنساۋلىق ساقتاۋ قىزمەتكەرلەرى كاسىپوداعىنىڭ ۇزدىگى».

بالايىم كەسەباەۆا – بيىل 53 جاستا. شىمكەنت وبلىسىنىڭ تۋماسى. تالدىقورعاندا وقۋ بىتىرگەن. ماماندىعى – زاڭگەر. ادىلەت دەپارتامەنتىندە ءبىراز جىل ەڭبەك ەتكەن.

2012 جىلى «نۇر وتان» پارتياسىنىڭ مۇشەسى. 2016 جىلى ءماجىلىس دەپۋتاتى اتانعان. سودان بەرى ماجىلىستە ءجۇر.

العان اتاق-ابىرويى مەن تاققان تەمىر-تەرسەكتەرى:

«قر تاۋەلسىزدىگىنە 20 جىل» مەرەكەلىك مەدالى،

«ادىلەت ورگاندارى جۇيەسىن دامىتۋعا قوسقان ۇلەسى ءۇشىن» توسبەلگىسى،

«ادىلەت ورگاندارى جۇيەسىنىڭ قۇرمەتتى قىزمەتكەرى» توسبەلگىسى، 

«ەرەن ەڭبەگى ءۇشىن» مەدالى،

«قۇرمەت» وردەنى.

نارينە ميكاەليان – بيىل ساۋىردە 36 جاسقا تولادى. ماجىلىستەگى ەڭ جاس دەپۋتات ايەلدەرىنىڭ ءبىرى. ايەل دەيمىز-اۋ، بۇل سىلقىم ءالى وتباسىن قۇرماعان ەكەن. الماتىداعى اباي اتىنداعى پەدۋنيۆەردى بىتىرگەن.

ەڭبەك جولىن 2007 جىلى باستاعان. 2012 جىلى ارمەنيانىڭ قازاقستانداعى ەلشىلىگىندە كونسۋلدىڭ كومەكشىسى بولىپ قىزمەت ەتكەن. ارميان مادەني ورتالىعىندا ءبىراز جىل جۇمىس جاساعان. اسسامبلەيا مۇشەسى.

اسسامبلەيانىڭ اتىنان 2016 جىلى ماجىلىسكە دەپۋتات بولىپ تاعايىندالعان.

العان اتاق-ابىرويى مەن تاققان تەمىر-تەرسەكتەرى:

«قازاقستان حالقى اسسامبلەياسىنا 20 جىل» مەدالى.

ەكاتەرينا نيكيتينسكايا – الماتىنىڭ تۋماسى. كاتيا اپاي بيىل 64 جاستا. ماماندىعى – ەكونوميست. ەكونوميكا عىلىمىنىڭ دوكتورى. ءبىراز كاسىپتىڭ باسىن قايىرعان. «حابار» اگەنتتىگىندە قارجىگەر بولعان.

«اق جول» پارتياسىنىڭ وكىلى. ماجىلىستەگى «اق جول» فراكتسياسىنىڭ توراعا ورىنباسارى بولعان.

2012 جىلدان بەرى ماجىلىستە دەپۋتات. دەپۋتاتتىق قىزمەتىنە بيىل – 7 جىل.

العان اتاق-ابىرويى مەن تاققان تەمىر-تەرسەكتەرى:

«قۇرمەت» وردەنى.

ايگۇل نۋركينا – بيىل 53 جاسقا تولادى. كەرەكۋدە تۋعان. ماماندىعى – زاڭگەر. «زاڭگەر» دەپ اتالاتىن قوعامدىق قوردى باسقارعان.  2004 جىلى بۇرىنعى «اسار» پارتياسىنىڭ پاۆلودارداعى فيليالىن باسقارعان. 2006 جىلى «نۇر وتان» پارتياسىنىڭ پاۆلودارداعى فيليالىنىڭ توراعا ورىنباسارى بولعان. 2007-2011 جىلدار ارالىعىندا پاۆلوداردا ماسليحاتقا تاعايىندالعان.

2011 جىلى ماجىلىسكە كانديدات رەتىندە ۇسىنىلعان. 2012 جىلى ءماجىلىس دەپۋتاتى اتانعان. سودان بەرى پارلامەنت قابىرعاسىندا ءجۇر.  دەپۋتاتتىق ءوتىلى – 7 جىل.

العان اتاق-ابىرويى مەن تاققان تەمىر-تەرسەكتەرى:

قر پرەزيدەنتىنىڭ العىس حاتى،

تۇركىتىلدەس ەلدەر پارلامەنتى اسسامبلەياسىنىڭ العىس حاتى،

پاۆلودار وبلىسى اكىمىنىڭ العىس حاتى،

تمد ەلدەرى پارلامەنتارالىق اسسامبلەياسىنىڭ قۇرمەت گراموتاسى،

«بەلسەندى قىزمەتى ءۇشىن» توسبەلگىسى،

«قر تاۋەلسىزدىگىنە 20 جىل» مەرەكەلىك مەدالى،

«قر تاۋەلسىزدىگىنە 25 جىل» مەرەكەلىك مەدالى،

«استانا 10 جىل» مەدالى،

«ەرەن ەڭبەگى ءۇشىن» مەدالى،

«قۇرمەت» وردەنى.

جاميلا نۋرمانبەتوۆا – بيىل اقپاندا 55 جاسقا تولدى. فيلوسوفيا عىلىمدارىنىڭ كانديداتى. دكانديداتتىق ديسسەرتاتسيانى ماسكەۋدە قورعاعان. پروفەسسور. ۇعا كورەسپوندەنت مۇشەسى. ەۇۋ-دە پرورەكتور بولعان.

2016 جىلدار بەرى پارلامەنتتىڭ تومەنگى پالاتاسىندا ءجۇر. نۇر وتان پارتياسىنىڭ مۇشەسى. استانا فيليالىن باسقارعان. دەپۋتاتتىق ءوتىلى – 3 جىل.

العان اتاق-ابىرويى مەن تاققان تەمىر-تەرسەكتەرى:

«قر ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسى،

«ى.التىنسارين اتىنداعى» توسبەلگى،

«استانا 10 جىل» مەدالى،

«قر تاۋەلسىزدىگىنە 20 جىل» مەرەكەلىك مەدالى،

«قحا 20 جىل» مەرەكەلىك مەدالى،

«قر كونستيتۋتسياسىنا 20 جىل» مەرەكەلىك مەدالى،

«قازاقستاننىڭ ەڭبەك سىڭىرگەن قايراتكەرى»،

«قۇرمەت» وردەنى.

جانات وماربەكوۆا – بيىل تامىز ايىندا 58 جاسقا تولادى. فيزيكا-ماتەماتيكا عىلىمدارىنىڭ كانديداتى. ەڭبەك جولىن سەمەيدە ورتا مەكتەپتە مۇعالىم بولىپ باستاعان.

نۇر وتان پارتياسىنىڭ مۇشەسى. 2016 جىلى پارتيا تىزىمىمەن پارلامەنتكە بارعان. دەپۋتاتتىق ءوتىلى – 3 جىل.

العان اتاق-ابىرويى مەن تاققان تەمىر-تەرسەكتەرى:

«قايسار تۇلعا» پرەمياسىنىڭ لاۋرەاتى. ول بۇل سىيلىقتى پاراوليمپيادالىق سپورتتى دامىتۋعا قوسقان ۇلەسى ءۇشىن العان.

ءاليا ساپاروۆا – 1984 جىلعى. بيىل قىركۇيەكتە 35 جاسقا تولادى. قوستانايدىڭ اۋليەكولىندە تۋعان. ءماجىلىستىڭ ەڭ جاس ايەل دەپۋتاتى.  ماماندىعى – جۋرناليست. وڭىرلىك تەلەكومپانيادا قىزمەت ەتكەن. نۇر وتان پارتياسىنىڭ مۇشەسى.

العان اتاق-ابىرويى مەن تاققان تەمىر-تەرسەكتەرى:

جوق.

يرينا ۋنجاكوۆا – بيىل 55 جاستا. رەسەيدىڭ يركۋتسكى وبلىسىندا، ۋست-كۋتە قالاسىندا تۋعان. 1983 جىلى وسكەمەندەگى قۇرىلىس تەحنيكۋمىن بىتىرگەن. ەڭبەك جولىن سول 1983 جىلى قۇرىلىسشى، ماليار بولىپ باستاعان. 1995-1997 جىلدارى تەلەجۋرناليستيكاعا بەت بۇرعان. وسكەمەندە تەلەجۇرگىزۋشى بولعان. ماقالالار جازعان.

بەيبىتشىلىك جونىندەگى نوبەل سىيلىعىن دا الماقشى بولعان ەكەن. 2004 جىلى نوبەلدىڭ بەيبىتشىلىك سىيلىعىنا ۇسىنىلعان 1000 ايەلدىڭ قاتارىنا كىرگەن.

2016 جىلدان بەرى ءماجىلىس دەپۋتاتى. نۇر وتان پارتياسى مۇشەسى. دەپۋتاتتىق ءوتىلى – 3 جىل.

العان اتاق-ابىرويى مەن تاققان تەمىر-تەرسەكتەرى:

«استانا 10 جىلدىعى» مەدالى،

«ەرەن ەڭبەگى ءۇشىن» مەدالى،

«قر تاۋەلسىزدىگىنە 25 جىل» مەرەكەلىك مەدالى.

 

باقىتگۇل حامەنوۆا – اتىراۋدىڭ تۋماسى. بيىل 38 جاستا. ماماندىعى – قازاق ءتىلى مەن ادەبيەتى ءپانىنىڭ مۇعالىمى. تەلەجۋرناليست بولعان. ۋنيۆەرسيتەتتە كافەدرا باسقارعان.

2016 جىلدان بەرى دەپۋتات. نۇر وتان پارتياسىنىڭ مۇشەسى. دەپۋتاتتىق ءوتىلى – 3 جىل.

العان اتاق-ابىرويى مەن تاققان تەمىر-تەرسەكتەرى:

«ى.التىنسارين اتىنداعى» توسبەلگى،

«قر ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسى،

قر پرەزيدەنتىنىڭ العىس حاتى،

«قازاقستان ماسليحاتىنا 20 جىل» مەدالى،

«بەلسەندى قىزمەتى ءۇشىن» توسبەلگىسى،

«قر كونستيتۋتسياسىنا 20 جىل» مەرەكەلىك مەدالى،

«ەكونوميكا ماقتانىشى» وردەنى،

«قۇرمەت» وردەنى.


ولگا شيشيگينا – بيىل 51 جاستا. داڭقتى سپوتشى. وليمپيادا جۇلدەگەرى. 1987-1992 جىلدار ارالىعىندا قر قارۋلى كۇشتەرى ساپىندا بورىشىن وتەگەن. 1994-2013 جىلدار ارالىعىندا قر ۇقك-دە قىزمەتتە بولعان. حالىقارالىق دارەجەدەگى سپورت شەبەرى. 1994-1998 جىلدارى ازيا ويىندارىن جەڭگەن. ازيا چەمپيونى. سەدنەي وليمپياداسىنىڭ چەمپيونى. الەم چەمپيوناتىنىڭ قولا جۇلدەگەرى. قازاقستاننىڭ جەڭىل اتلەتيكادان ەڭبەك سىڭىرگەن سپورتشىسى.

2013 جىلدان بەرى ءماجىلىس دەپۋتاتى. نۇر وتان پارتياسىنىڭ مۇشەسى.

العان اتاق-ابىرويى مەن تاققان تەمىر-تەرسەكتەرى:

«دارىن» مەملەكەتتىك جاستار سىيلىعىنىڭ لاۋرەاتى،

«دوستىق» وردەنى II-دارەجە،

«بارىس» وردەنى I-دارەجە،

«قۇرمەت» وردەنى.

تاتيانا ياكوۆلەۆا – بيىل 61 جاستا. رەسەيدىڭ ۆورونەج وبلىسىندا تۋعان. اقمولادا اۋىلشارۋاشىلىق ينستيتۋتىن بىاتىرگەن. ەكونوميكا عىلىمىنىڭ كانديداتى. قارجىگەر. ۇلى جانە 2 نەمەرەسى بار.

2007 جىلدان بەرى ءماجىلىس دەپۋتاتى. نۇر وتان پارتياسىنىڭ مۇشەسى. دەپۋتاتتىق ءوتىلى – 12 جىل.

العان اتاق-ابىرويى مەن تاققان تەمىر-تەرسەكتەرى:

بىرنەشە مەرەكەلىك مەدال،

«قۇرمەت» وردەنى.

ءتۇيىن.

جوعارىداعى ۇزىن-سونار تىزىمدىكتى وزدەرىڭىز وقىپ كوردىڭىزدەر. قازاقستان پارلامەنتىنىڭ تومەنگى پالاتاسى دەسەك تە نەگىزگى زاڭ شىعارۋشى ورگان سانالاتىن ماجىلىستەگى نازىك جاندىلاردىڭ ەسىم-سويلارى وسى.

اناۋ، قاراقۇسوۆا، حامەنوۆا سىندى جۇرت كوزىنە تۇسكىسى كەلمەسە دە كوپ جەردە كورىنىپ قالا بەرەتىن «حيت» حانىمداردى ايتپاساق، كوبىسىن بىلايعى جۇرت بىلە بەرمەيتىنى انىق. شىندىعىنا كەلسەك، بۇل اپايلار مەن تاتەيلەردىڭ  كەيبىرىنىڭ ەسىمدەرىن ايتۋ تىلگە اۋىر.

جاستارى 40-قا جەتپەگەن 4-اق ايەل دەپۋتات بار

مىنە، بۇل كىسىلەر – «حالىق قالاۋلىلارى» دەگەن دارداي اتتى ارقالاپ جۇرگەندەر. ەندى بۇل تىزىمدىكتى ءارى قاراي ساراپتايىق.

قاراپ وتىرساڭىز، ماجىلىستە 27 ايەل دەپۋتات بار ەكەن.

35-40 جاس ارالىعىندا – 4 دەپۋتات بار.

40-50 جاس ارالىعىندا – 0.

50- 60 جاس ارالىعىندا – 11 دەپۋتات بار.

60-70 جاس ارالىعىندا – 12 دەپۋتات بار.

2014 جىلعى زەينەتاقى جۇيەسىن ودان ءارى جاڭعىرتۋ جونىندەگى كونتسەپتسياعا سايكەس، 2018 جىلدىڭ شىلدەسىنەن باستاپ ايەلدەردىڭ زەينەت جاسى كەزەڭ-كەزەڭىمەن كوتەرىلە باستاعان. وسى اريفمەتيكاعا ساپ ەسەپتەسەك، قازىر ءماجىلىس كۋلۋارىندا جۇرگەن مىناۋ اپايلار مەن تاتەيلەردىڭ اراسىندا زەينەت جاسىنان اسىپ كەتكەندەرى قانشاما. دەمەك، زەينەت جاسى 2019 جىلدىڭ 1-قاڭتارىنان باستاپ 59 جاس.

ماجىلىستەگى 27 ايەلدىڭ 12-ءى زەينەتكەر

جوعارىداعى 27 دەپۋتات حانىمداردىڭ ىشىندە 12 دەپۋتات زەينەتكە وسىدان 3-4 جىل بۇرىن شىعىپ قويعاندار ەكەن.

مىسالى، جاستارى 70-كە تاياپ قالعان بايماحانوۆا، نيكيتينسكايا مەن قاراقۇسوۆالاردىڭ ءىزىن باسقان الپىستى اتتاپ وتكەن اپالاردىڭ ارقايسىسى نەمەرە باعىپ وتىرار شاعىندا پارلامەنت دالىزىندە شارشاپ ءجۇر.

تاعى ءبىر قىزىق دەرەك، بىلە ءجۇرىڭىز. ماجىلىستەگى 27 ايەل جىنىستى دەپۋتاتتىڭ دومينانتى نۇر وتاندىقتار.

نۇر وتان مۇشەلەرى – 21 دەپۋتات،

اق جول مۇشەلەرى – 3 دەپۋتات،

قكپ مۇشەلەرى – 1 دەپۋتات،

اسسامبلەيا مۇشەلەرى – 2 دەپۋتات.

2 دەپۋتات رەسەيدە تۋعان

ول از دەسەڭىز تاعى 2 دەپۋتات رەسەي جەرىندە تۋعان. ولار – يرينا ارونوۆا (رەسەيدىڭ كالينينگراد وبلىسىندا تۋعان) جانە يرينا ۋنجاكوۆا  (رەسەيدىڭ يركۋتسكى وبلىسىندا تۋعان).

ءمانى كەتكەن ماراپات

«قۇرمەت» وردەنىمەن – 16 دەپۋتات،

«پاراسات» وردەنىمەن – 4 دەپۋتات،

«ەرەن ەڭبەگى ءۇشىن» مەدالىمەن – 8 دەپۋتات ماراپاتتالعان ەكەن.

جوعارىداعى ەسىمدەرى ەكشەلەنگەن 27 دەپۋتات حانىمنىڭ ىشىندە سولكەبايى جوق – 2 دەپۋتات قانا بار ەكەن.

مىنە، سولاي. ءبىز بۇل جولى پارلامەنتتىڭ تومەنگى پالاتاسىنىڭ قىز-كەلىنشەك، اپا-تاتەلەرىن عانا تىزىمدەدىك. ءدال سوى پارلامەنتتىڭ جوعارعى پالاتاسىنىڭ پاتسيەنتتەرىنىڭ ىشىندە دە نەبىر «حالىق قاھارماندارى» وتىرعانى انىق. ولار تۋرالى ەندىگى جولى جازا جاتارمىز.

ازىرگە، ايتپاعىمىز، ءبىزدىڭ بيلىكتىڭ قازىرگى ساياسي سيلۋەتى وسى مىنە. كىل زەينەتكەرلەر. ۇلكەن ساياساتتىڭ توڭىرەگىندە جۇرگەندەر عوي. اراسىندا كەيبىرەۋىنىڭ مينيسترلىك ەسىگىن كورگەنى بولماسا، پارلامەنتتەن اسىپ ءارى بارعانى شامالى. پارلامەنتتە دە ءۇنسىز وتىرادى كوبىسى. سوندىقتان دا، جۇرت بۇل حانىمداردىڭ ەسىم-سويىن ەستىپ-بىلە بەرمەيدى.

ءبىزدىڭ بۇگىنگى پارلامەنتتىڭ سىقپىتى سنەجاننالار، ميكاەلياندار. ودان قالسا، قاراقۇسوۆالار مەن نيكيتينسكايالار... ال ءسىز بيىل «جاستار جىلى» دەيسىز...ءپىشتۋ!

جالعاسى بار...

نۇرگەلدى ابدىعانيۇلى

Abai.kz

22 پىكىر