دۇيسەنبى, 23 قىركۇيەك 2019
46 - ءسوز 946 1 پىكىر 14 ناۋرىز, 2019 ساعات 12:26

ەلدى ەڭبەكپەن قامتۋ جاعى اقساپ تۇر...

جۇمىس بارىسىندا كوپبالالى وتباسىلاردىڭ جاعدايىن كوزبەن تالاي كوردىم.

قوردالانعان تۇيىتكىلىن شەشۋدىڭ جولى جۇمىسپەن قامتۋ، باسپانا الاتىن نەسيەنىڭ قاتىپ قالعان ەرەجەسىن جەڭىلدەتۋ.

ۇكىمەت حالىقتى جاپپاي جۇمىسپەن قامتاماسىز ەتپەسە، الەۋمەتتىك پروبلەمالار شەشىلمەيدى.

كەشە فەيسبۋكتە ءبىر دوس جۇمىسسىز قالدى. الماتىدا اۋلا سىپىرادى. جاۋاپكەرشىلىگى شەكتەۋلى سەرىكتەستىك ەكەن. ەشقانداي ەسكەرتۋسىز اپتالداي ازاماتتى ءبىر كۇندە سەندەلتىپ جىبەردى .

ساۋاتتى جىگىت. قۇقىعىن قورعاۋعا تالپىنىپتى. ونى تىڭدايتىن قۇلاق جوق. كۇزەتشىلەر كەڭسەدەن قۋىپتى. ايتەۋىر "اش پالەدەن قاش پالە" دەگەن شىعار، ەڭبەكاقاسىن تولەپتى.
ول وتباسىنىڭ جالعىز نان تابارى. سوڭعى تيىنىن ساناپ قالدى. ونىڭ ۇكىمەتكە الاقان جايعىسى كەلمەيدى. اي سايىن اكىمدىك جاعالاپ، ءار بالاسىنا 21 مىڭ تەڭگە الۋعا نامىستانادى. جۇمىس جوق. ساۋدا- ساتتىققا ەبى جوق.

ەلدى ەڭبەكپەن قامتۋ جاعى اقساپ تۇر. ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ جۇمىسسىزدىق پروبلەماسىن شەشۋدىڭ تەتىكتەرىن ۇسىنار دەگەن ۇمىتتەمىز.

اتىراۋداعى ۇكىمەت وكىلدەرىنىڭ كوپبالالى انالارمەن كەزدەسۋىن بلوگەردىڭ پاراقشاسىنان كوردىم. ايتەۋىر ەل ارالاپتى . قويىلىم سياقتى.

بارىنەن الماتى قالاسى اكىمى باۋىرجان بايبەكتىڭ باستاماسى مىقتى. جۇمىس توبى كوپبالالى انالاردىڭ ماسەلەسىن شەشۋگە كىرىسىپ كەتتى.

سوندىقتان ناقتى ءىس-شارالاردىڭ ناتيجەسى كەرەك.

جازيرا بەگالىنىڭ facebook پاراقشاسىنان

Abai.kz

1 پىكىر