قر پرەزيدەنتى نۇرسۇلتان نازارباەۆتىڭ جارلىعىمەن عيزات نۇرداۋلەتوۆ قازاقستان رەسپۋبليكاسىنىڭ باس پروكۋرورى قىزمەتىنە تاعايىندالدى. بۇل تۋرالى اقوردانىڭ رەسمي سايتى حابارلادى.

"عيزات داۋرەنبەكۇلى نۇرداۋلەتوۆ قازاقستان رەسپۋبليكاسىنىڭ باس پروكۋرورى بولىپ تاعايىندالسىن",- دەپ جازىلعان جارلىقتا. ءارى ول قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى قىزمەتىنەن بوساتىلدى.

سونىمەن قاتار، مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ بۇرىنعى باس پروكۋرورى قايرات پەرنەشۇلى قوجامجاروۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.

عيزات داۋرەنبەكۇلى ەڭبەك جولىن الماتى وبلىسى جامبىل اۋدانى پروكۋراتۋراسىندا تەرگەۋشى بولىپ باستاعان. مەملەكەتتىك تەرگەۋ كوميتەتىندە 1996 - 1997 جىلدارى قىزمەت اتقارعان. 1997 جىلدان باستاپ ۇلتتىق قاۋىپسىزدىك ورگاندارىندا ەڭبەك ەتكەن. سونىمەن قاتار دەپارتامەنت باستىعىنىڭ ورىنباسارى، الماتى قالاسى جانە الماتى وبلىسى بويىنشا دەپارتامەنت باستىعى، تەرگەۋ دەپارتامەنتى باستىعى لاۋازىمىندا بولدى. 2016 جىلدىڭ قاراشا ايىنان باستاپ وڭتۇستىك قازاقستان وبلىسى بويىنشا ۇقك دەپارتامەنتىن باسقاردى. 2017 جىلى شىلدە ايىنان باستاپ سوڭعى تاعايىندالۋىنا دەيىن قر باس پروكۋرورىنىڭ ءبىرىنشى ورىنباسارى قىزمەتىن اتقاردى. II دارەجەلى «ايبىن» وردەنىمەن ماراپاتتالعان.

Abai.kz