ۇكىمەت پەن ۇلتتىق بانك حالىقتىڭ ءال-اۋقاتىن ارتتىرۋ، ەكونوميكالىق ءوسىمدى ۇلعايتۋ، ينفلياتسيالىق پروتسەستەردى تومەندەتۋ جانە قارجى نارىعىنىڭ تۇراقتىلىعىن قامتاماسىز ەتۋ بويىنشا جۇرگىزىلىپ وتىرعان ساياسات ساقتالاتىنى تۋرالى مالىمدەيدى.

ۇكىمەت پەن ۇلتتىق بانك قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ بۇرىن بەرگەن تاپسىرمالارى مەن جاريالاعان باستامالارىن ورىندايتىن بولادى.

مەملەكەتتىك باعدارلامالار مەن قۇرىلىمدىق رەفورمالاردى ىسكە اسىرۋ قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىنىڭ جانە «قازاقستان-2050» ستراتەگياسىنىڭ ماقساتتارىنا ءتيىمدى قول جەتكىزۋ ءۇشىن جالعاستىرىلاتىن بولادى.

بيىل ەكونوميكا ءوسىمى 3,8%-دان تومەن ەمەس دەڭگەيدە، ال ينفلياتسيا 4-6% دالىزىندە كۇتىلىپ وتىر.

ۇكىمەت ماكروەكونوميكالىق تۇراقتىلىقتى قامتاماسىز ەتۋگە باعىتتالعان تۇراقتى بولجامدى قازىنالىق ساياساتتى جۇرگىزۋىن جالعاستىرا بەرەدى. بارلىق بيۋدجەتتىك مىندەتتەمەلەر جانە الەۋمەتتىك باستامالار تولىق كولەمدە ورىندالاتىن بولادى. اسىرەسە، الەۋمەتتىك ماڭىزى بار تاۋارلار مەن قىزمەتتەر باعاسىنىڭ نەگىزسىز وسۋىنە جول بەرمەۋگە ەرەكشە كوڭىل بولىنەتىن بولادى.

ۇلتتىق بانك تومەن ينفلياتسيانى قولداۋعا باعىتتالعان بولجامدى اقشالاي-نەسيە ساياساتىن جۇرگىزۋىن جالعاستىرا بەرەدى. ۆاليۋتا نارىعىندا، بانك سەكتورىندا جانە قارجى نارىعىنىڭ باسقا سەگمەنتتەرىندە جاعدايدىڭ تۇراقتىلىعىن قامتاماسىز ەتۋ ءۇشىن بارلىق قاجەتتى شارالار قابىلداناتىن بولادى. ۇلتتىق بانكتىڭ جەتكىلىكتى كولەمدە التىن-ۆاليۋتالىق اكتيۆتەرى، سونداي-اق تەڭگەنىڭ ايىرباس باعامىنا قاتىستى الىپساتارلىق وپەراتسيالاردىڭ الدىن الۋ ءۇشىن قاجەتتى قۇرالدارى، ونىڭ ىشىندە رەتتەۋ قۇرالدارى دا بار.

اعىمداعى ەكونوميكالىق ىشكى جانە سىرتقى فاكتورلار ەل ەكونوميكاسىنىڭ تۇراقتى دامۋىنا ىقپال ەتەدى. جاعىمسىز تاۋەكەلدەر كورىنىس بەرگەن جاعدايدا ۇكىمەت پەن ۇلتتىق بانك ولاردىڭ سالدارىن بارىنشا ازايتۋ جانە قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ تۇراقتىلىعىن قامتاماسىز ەتۋ ءۇشىن قاجەتتى رەسۋرستارعا يە.

Abai.kz