اقوردادا پرەزيدەنت اكىمشىلىگى باسشىلىعىنىڭ قاتىسۋىمەن جيىن ءوتتى. وعان پرەزيدەنت اكىمشىلىگىنىڭ باسشىسى، ونىڭ ورىنباسارلارى، سونداي-اق پرەزيدەنتتىڭ كومەكشىلەرى قاتىستى. بۇل تۋرالى اقوردانىڭ ءباسپاسوز قىزمەتى حابارلادى.

جيىن بارىسىندا ىشكى جانە سىرتقى ساياسات، الەۋمەتتىك-ەكونوميكالىق دامۋ، سونداي-اق قاۋىپسىزدىك جانە قۇقىق قورعاۋ ورگاندارىنىڭ قىزمەتىن قامتاماسىز ەتۋ ماسەلەلەرى قارالدى.

قازاقستان پرەزيدەنتى وسى سالاداعى جانە حالىقتىڭ تۇرمىس-تىرشىلىگى ءۇشىن ماڭىزى بار باسقا دا سالالارداعى باعدارلامالاردى ساپالى ورىنداۋعا باسا ءمان بەردى.

قاسىم-جومارت توقاەۆ بارلىق باعىتتار بويىنشا تۋىندايتىن پروبلەمالاردى شۇعىل ءارى ءتيىمدى شەشۋدىڭ ماڭىزدىلىعىن ايتتى.

سونىمەن قاتار، مەملەكەت باسشىسى ءتيىستى جۇمىستاردى ۇيلەستىرۋدىڭ ماڭىزدىلىعىنا توقتالىپ، پرەزيدەنت اكىمشىلىگىنە بارلىق تاپسىرمالاردىڭ ورىندالۋىن باقىلاۋعا الۋدى تاپسىردى.

Abai.kz