الماتى. 15 ماۋسىم. قازتاگ – ديليارام اركين. ءيزرايلدىڭ «IMI» جانە «Soltam Systems Ltd» كومپانيالارىنىڭ قازاقستانعا قارۋلانۋ جانە تەحنيكا جەتكىزۋىنە قاتىستى قىلمىستىق ءىس بويىنشا تەرگەلىپ جاتقان قورعانىس ءمينيسترىنىڭ ورىنباسارى گەنەرال-لەيتەنانت قاجىمۇرات ماەرمانوۆ قر ۇقك تەرگەۋشىسىنىڭ كابينەتىندە كەڭسە پىشاعىمەن ءوزىن تاماعىنان كەسۋ ارەكەتىن جاساعان. بۇل اقپاراتتى قازتاگ اگەنتتىگىنە قر ۇقك ءباسپاسوز قىزمەتى قۋاتتادى.

«وقيعا 9 ماۋسىمدا قاجىمۇرات ماەرمانوۆ تەرگەۋشىنىڭ كابينەتىندە وسى ءىس بويىنشا جۇرگىزىلگەن ساراپتامالاردىڭ اكتىلەرىمەن تانىسقاندا بولعان. ول كەڭسە پىشاعىنا جارماسىپ، موينىن كەسۋگە ارەكەت جاسادى»، - دەپ ءتۇسىندىردى قر ۇقك ءباسپاسوز حاتشىسى كەنجەبولات بەكنازاروۆ.

ونىڭ ايتۋىنشا، ۇقك قىزمەتكەرلەرى سول ساتتە كۇدىكتىگە مەديتسينالىق كومەك كورسەتتى.

«پىشاقتان موينىنا تۇسكەن جارا ق. ماەرمانوۆتىڭ دەنساۋلىعى مەن ومىرىنە قاۋىپ توندىرمەيدى. قازىرگى ۋاقىتتا ول قر ۇقك تەرگەۋ وقشاۋلاعىشىندا قاماۋدا وتىر»، - دەپ تولىقتىردى ك. بەكنازاروۆ.

بۇرىن حابارلانعانداي، ءساۋىر ايىنىڭ باسىندا ۇلتتىق قاۋىپسىزدىك كوميتەتىنىڭ قىزمەتكەرلەرى قر قورعانىس ءمينيسترىنىڭ ورىنباسارى گەنەرال-لەيتەنانت قاجىمۇرات ماەرمانوۆتى قاماۋعا الدى. 2009 جىلدىڭ 10 ساۋىرىندە ۇقك تەرگەۋ دەپارتامەنتى وعان ايىپ تاقتى.

الماتى. 15 ماۋسىم. قازتاگ – ديليارام اركين. ءيزرايلدىڭ «IMI» جانە «Soltam Systems Ltd» كومپانيالارىنىڭ قازاقستانعا قارۋلانۋ جانە تەحنيكا جەتكىزۋىنە قاتىستى قىلمىستىق ءىس بويىنشا تەرگەلىپ جاتقان قورعانىس ءمينيسترىنىڭ ورىنباسارى گەنەرال-لەيتەنانت قاجىمۇرات ماەرمانوۆ قر ۇقك تەرگەۋشىسىنىڭ كابينەتىندە كەڭسە پىشاعىمەن ءوزىن تاماعىنان كەسۋ ارەكەتىن جاساعان. بۇل اقپاراتتى قازتاگ اگەنتتىگىنە قر ۇقك ءباسپاسوز قىزمەتى قۋاتتادى.

«وقيعا 9 ماۋسىمدا قاجىمۇرات ماەرمانوۆ تەرگەۋشىنىڭ كابينەتىندە وسى ءىس بويىنشا جۇرگىزىلگەن ساراپتامالاردىڭ اكتىلەرىمەن تانىسقاندا بولعان. ول كەڭسە پىشاعىنا جارماسىپ، موينىن كەسۋگە ارەكەت جاسادى»، - دەپ ءتۇسىندىردى قر ۇقك ءباسپاسوز حاتشىسى كەنجەبولات بەكنازاروۆ.

ونىڭ ايتۋىنشا، ۇقك قىزمەتكەرلەرى سول ساتتە كۇدىكتىگە مەديتسينالىق كومەك كورسەتتى.

«پىشاقتان موينىنا تۇسكەن جارا ق. ماەرمانوۆتىڭ دەنساۋلىعى مەن ومىرىنە قاۋىپ توندىرمەيدى. قازىرگى ۋاقىتتا ول قر ۇقك تەرگەۋ وقشاۋلاعىشىندا قاماۋدا وتىر»، - دەپ تولىقتىردى ك. بەكنازاروۆ.

بۇرىن حابارلانعانداي، ءساۋىر ايىنىڭ باسىندا ۇلتتىق قاۋىپسىزدىك كوميتەتىنىڭ قىزمەتكەرلەرى قر قورعانىس ءمينيسترىنىڭ ورىنباسارى گەنەرال-لەيتەنانت قاجىمۇرات ماەرمانوۆتى قاماۋعا الدى. 2009 جىلدىڭ 10 ساۋىرىندە ۇقك تەرگەۋ دەپارتامەنتى وعان ايىپ تاقتى.

ك. بەكنازاروۆتىڭ ايتۋىنشا، بۇل قىلمىستىق ءىس 2008 جىلدىڭ تامىزىندا قورعانىس مينيسترلىگىنىڭ  82 ملن اقش دوللارى كولەمىندەگى بيۋدجەت قارجىسىن ءتيىمسىز پايدالانۋ تۋرالى انىقتاعان ەسەپ كوميتەتىنىڭ ماتەريالدارىن تەرگەۋ الدى تەكسەرۋدىڭ قورىتىندىسى بويىنشا قوزعالدى. ول اتاپ كورسەتكەندەي، «ۇقك قىلمىستىق ءىستىڭ شەڭبەرىندە قازاقستاننىڭ «نايزا» دۇركىن وت رەاكتيۆتى جۇيەلەرىن جانە «سەمسەر»، «ايبات» ارتيللەريالىق جۇيەلەرىن جاڭارتۋ بويىنشا ءيزرايلدىڭ Imi جانە Soltam-Systems فيرمالارىمەن كەلىسىمشارتتار جاساسۋ كەزىندە قورعانىس مينيسترلىگىنىڭ لاۋازىمدى تۇلعالارى جول بەرگەن جەمقورلىق ارەكەتتەرى تەرگەلىپ جاتىر.

تەرگەۋ مالىمەتتەرىنە سايكەس، «كەلىسىمشارتتار 2006 جىلدان باستاپ قورعانىس  ۆيتسە-ءمينيسترى ق.ماەرمانوۆتىڭ تىكەلەي باسشىلىعىمەن جاسالعان»، دەدى ءباسپاسوز حاتشىسى.