ەلباسىنىڭ شەشىمى دۇرىس دەپ،ويلايمىن. بۇل ارينە مەنىڭ ءوز پىكىرىم. بوريس ەلتسين:"بەرەگيتە روسسيۋ" دەپ كەتكەندە مەن جىلاعان ەدىم.

30 جىلعى ەڭبەكتى كورە بىلەيىك.ەشكىم پرەزيدەنت بولىپ تۋمايدى.پرەزيدەنت بولۋدىڭ ەتالونى جوق. اسپانداعى كۇندى دە، بىردە ىستىق، بىردە سۋىق دەپ جاقتىرمايمىز. پرەزيدەنتتە ءتىرى جان، قاتەلەسەدى. كەمشىلىكسىز جان جوق. بىتكەن ءىستىڭ ءبارى جاقسى دەگەن، حالقىمىز.جۇمىستىڭ جاقسى جاعىن كورە بىلەيىك.

استاناداي قالا تۇرعىزۋ، ونىڭ اينالاسىن ورمانعا اينالدىرۋ. "بولاشاق" پروگرامماسىمەن جاستارعا ءبىلىم بەرۋ، شەت ەلدىك تاجىريبەلەردى ەلدە ىسكە اسىرۋ ۇلكەن جۇمىس.شەتتەگى قانداس باۋىرلاردى ەلگە ورالتۋ، ولاردى ورنالاستىرۋ. شەت ەلدەگى قازاق دياسپورالارىنا كوڭىل ءبولۋ. ەكسپو-17 وتكىزۋ. امەريكادا قازاق تىلىندە سويلەۋ، كوپتەگەن وبلىس ورتالىقتارىن جاڭالاپ قالىپتاستىرۋ. جولداردى جوندەۋ. ايتا بەرسەك جۇمىس كوپ.

ارينە، بارىندە اقساۋ بار، كەمشىلىك بار.سولاي بولا تۇرسا دا جۇمىس ىستەلىپ جاتىر.كەمشىلىكتى ءبارىمىز كورگىشپىز.جۇمىسسىزدىق، انالار پروبلەماسى، تۇرعىن ءۇي-باسپانا پروبلەماسى ت.ب. كوپ. جاقسىلىقتى كورىپ، ونى ايتۋعا كەلگەندە قينالامىز.

الداعى ۋاقىتتا وسى ىستەردە كەتكەن كەمشىلىكتەردى جاڭا باسشىلار قولعا الىپ، جاسايدى دەگەن ۇمىتتەمىن.

مەن ساياساتشى ەمەسپىن.مەنىڭ قاراپايىم ادامنىڭ ءبىرى رەتىندەگى ءوز پىكىرىم.

جارقىن ۋتەشوۆا

Abai.kz