«Nur Otan» پارتياسىنىڭ حاتشىسى يليا تەرەنچەنكو استانانىڭ اتاۋىن وزگەرتۋ باستاماسىن قولدايتىنىن ءبىلدىردى. ونىڭ ايتۋىنشا، تاۋەلسىز قازاقستاننىڭ نەگىزىن قالاۋشى ۇلى تۇلعانىڭ ەسىمىن ەلدىڭ استاناسىنا بەرۋ بولاشاقتا بۇدان دا زور، اۋقىمدى جەڭىستەرگە سەبەپشى بولماق.

«استاناعا ەلباسىنىڭ ەسىمىن بەرۋدى قازاقستاندىقتاردىڭ تۇڭعىش پرەزيدەنتىمىزدىڭ مەملەكەتتىڭ قالىپتاسۋىنا سىڭىرگەن وراسان زور ەڭبەگىنە كورسەتكەن قۇرمەتى دەپ بىلەمىن. سوندىقتان وسى باستامانى تولىق قولدايمىن. بۇل – ادىلەتتى ءارى دۇرىس شەشىم. ويتكەنى استانا ەلباسىنىڭ ءتول تۋىندىسى. باس-اياعى 20 جىلدىڭ ىشىندە شاعىن قالانىڭ ورنىندا قازاقستاننىڭ برەندىنە اينالعان دامىعان ءىرى مەگاپوليس پايدا بولدى. بۇگىندە ەلىمىزدىڭ بارلىق ءوڭىرى وسى استاناعا قاراپ بوي تۇزەيدى. بۇل ەلباسىنىڭ ەرەن ەڭبەگىنىڭ جەمىسى ەكەنى ءسوزسىز»، – دەدى يليا تەرەنچەنكو.

سونداي-اق ول قازاقستاننىڭ بۇگىنگى جەتىستىكتەرى مەن جەڭىستەرىنىڭ بارلىعى تۇڭعىش پرەزيدەنتتىڭ ەسىمىمەن تىعىز بايلانىستى ەكەنىن نازارعا الدى.

«ەلباسىنىڭ ەلدىڭ جاڭا استاناسىن سالۋ تۋرالى شەشىمى دامۋعا تىڭ سەرپىن بەرگەن تاريحىمىزداعى ەڭ ماڭىزدى قادام بولدى. سوندىقتان تاۋەلسىز قازاقستاننىڭ نەگىزىن قالاۋشى تۇلعانىڭ ەسىمىن باس قالامىزعا بەرۋ ەلىمىزدىڭ ودان ءارى دامۋىنا وڭ اسەرىن تيگىزەتىنىنە سەنەمىن»، – دەدى «Nur Otan» پارتياسىنىڭ حاتشىسى.

Abai.kz