پرەزيدەنت قاسىم-جومارت توقاەۆ اكىمدەرگە يميدجدىك ءىس-شارالاردى ازايتۋ تۋرالى تاپسىرما بەردى. بۇل تۋرالى اقوردانىڭ Twitter-دەگى رەسمي پاراقشاسى جازدى.

"مەملەكەتتىك شىعىستاردىڭ باستى مىندەتى – قاراپايىم ادامداردىڭ ماسەلەلەرىن شەشۋ. قازىر ورتالىقتا جانە جەرگىلىكتى جەرلەردە وتكىزىلەتىن يميدجدىك ءىس-شارالاردى كۇرت ازايتۋ كەرەك. مەن ۇكىمەتكە، اكىمدەرگە وسىنداي تاپسىرما جۇكتەيمىن. ىسىراپشىلىققا مەملەكەت دەڭگەيىندە توسقاۋىل قويۋىمىز قاجەت. تۇرعىندارىمىزعا تازا اۋىز سۋ، باسپانا، جۇمىس ورىندارى، جايلى ءومىر ءۇشىن ينفراقۇرىلىم قاجەت. مىنە، ءبىز وسى مىندەتتەردى شەشەتىن بولامىز.

مينيسترلەر مەن اكىمدەردىڭ جۇمىسىن ناقتى پروبلەمالاردى شەشۋ ناتيجەلەرى بويىنشا باعالايتىن بولامىن. قازاقستاننىڭ ەكونوميكالىق جانە الەۋمەتتىك دامۋىنىڭ ماڭىزدى فاكتورلارى – دەنى ساۋ ۇلت، دەنساۋلىق ساقتاۋ سالاسىن دامىتۋ جانە سالاماتتى ءومىر سالتىن قالىپتاستىرۋ", - دەپ اتاپ ءوتتى قاسىم-جومارت توقاەۆ.

Abai.kz