سەنبى, 18 قاڭتار 2020
جاڭالىقتار 2230 0 پىكىر 31 مامىر, 2011 ساعات 09:13

ازامات الماس. ءماسىموۆ مۇساحانوۆقا سالەم ايتتى

الماتى وبلىسىنىڭ اكىمى اڭسار مۇساحانوۆ ۇكىمەت باسشىسى كارىم ءماسىموۆتىڭ قاتىسۋىمەن وتكەن بۇگىنگى سەلەكتورلىق ماجىلىستە توبە كورسەتپەدى. جاس اكىم ءماسىموۆتىڭ ماجىلىسىنەن گورى اقساقالدارمەن كەزدەسىپ، القالى جيىن جاساعاندى ءجون كورىپتى.

الماتى وبلىسىنىڭ اكىمى اڭسار مۇساحانوۆ ۇكىمەت باسشىسى كارىم ءماسىموۆتىڭ قاتىسۋىمەن وتكەن بۇگىنگى سەلەكتورلىق ماجىلىستە توبە كورسەتپەدى. جاس اكىم ءماسىموۆتىڭ ماجىلىسىنەن گورى اقساقالدارمەن كەزدەسىپ، القالى جيىن جاساعاندى ءجون كورىپتى.

ۇكىمەتتىڭ سەلەكتورلىق فورماتتا وتكەن كەڭەسىندە نەگىزىنەن ەكى ماسەلە قارالدى. ۇكىمەت ەلباسى نۇرسۇلتان نازارباەۆتىڭ تاپسىرماسىن جۇزەگە اسىرۋدىڭ ەكونوميكالىق دامۋ جانە ساۋدا مينيسترلىگى ازىرلەگەن كورنەكتى كارتاسىن بەكىتتى. مينيسترلىكتەر مەن ۆەدومستۆولاردىڭ ەسكەرتپەلەرى مەن ۇسىنىستارى قارالىپ، تۇزىلگەن نۇسقانى تانىستىرعان ەكونوميكالىق دامۋ جانە ساۋدا ءمينيسترى قايرات كەلىمبەتوۆتىڭ اتاپ وتۋىنشە، كارتا 7 نەگىزگى باعىتتان، اتاپ ايتقاندا ازىق-تۇلىك قاۋىپسىزدىگى، ازاماتتارعا قىزمەت كورسەتۋ، حالىقارالىق ىنتىماقتاستىق جانە ينتەگراتسيا، ءارتاراپتاندىرۋدى جەدەلدەتۋ، داعدارىستان كەيىنگى دامۋ ماسەلەلەرى، بولاشاققا ينۆەستيتسيا، مەملەكەتتىك باسقارۋ جۇيەسىن دامىتۋ سىندى باعىتتاردان تۇرادى. كۇن تارتىبىندەگى ەكىنشى ماسەلە  «2011-2012 جىلدارعا جىلىتۋ ماۋسىمىنا دايىندىق بارىسى تۋرالى» يندۋستريا جانە جاڭا تەحولوگيالار ۆيتسە-ءمينيسترى البەرت راۋدىڭ حابارلاماسىنان سوڭ استانا، الماتى قالالارى مەن وبلىس اكىمدەرى تىڭدالدى. اكىمدەر اراسىندا تەك شىعىس قازاقستان وبلىسىنىڭ باسشىسى بەردىبەك ساپارباەۆ قانا ءسوزىنىڭ جارتىسىن مەملەكەتتىك تىلدە جەتكىزدى. قالعاندارى قازاق تىلىندە جاق اشپادى. الماتىنىڭ سۋ جاڭا اكىمى اڭسار مۇساحانوۆ سەلەكتورلىق كەڭەستەن الدىن الا بەلگىلەپ قويعان كەزدەسۋدى دۇرىس كورگەن سىڭايلى. كەڭەسكە قاتىسپادى. ونىڭ قايدا جۇرگەنىن سۇراعان ۇكىمەت باسشىسىنا وبلىس اكىمىنىڭ ءبىرىنشى ورىنباسارى باتتالوۆ مىرزا باتىپ  ەشتەڭە دەي المادى.
«ول ۇلكەن كىسىلەرمەن كەزدەسۋگە ءالى جاس قوي. ۇكىمەتتىڭ وتىرىسىنا قاتىسپاعانى ءجون ەمەس»،  دەگەن كارىم قاجامقانۇلى كەكەسىندى داۋىسپەن اڭسارعا دۇعاي-دۇعاي سالەم جولدادى.

«اباي-اقپارات»

0 پىكىر