23 ناۋرىزدا مەملەكەت باسشىسى قاسىم-جومارت توقاەۆتىڭ تاپسىرمالارى بويىنشا قر پرەمەر-ءمينيسترى ا. مامين الماتى وبلىسىنا جۇمىس ساپارىمەن بارىپ، وڭىردە تۇڭعىش پرەزيدەنت – ەلباسى نۇرسۇلتان نازارباەۆتىڭ جولداۋلارى مەن تاپسىرمالارىندا ايتىلعان قۇرىلىمدىق جانە ينستيتۋتسيونالدىق رەفورمالاردىڭ ورىندالۋ بارىسىمەن تانىستى.

جۇمىس ساپارى اياسىندا اسكار مامين تالدىقورعان قالاسىنىڭ دامۋىمەن تانىستى، سونداي-اق ازاماتتاردىڭ ءال-اۋقاتى دەڭگەيىن ارتتىرۋعا ارنالعان الەۋمەتتىك نىسانداردى ارالادى جانە وڭىردە يندۋستريالاندىرۋدىڭ دامۋىمەن تانىستى. بۇل تۋرالى پرەمەر-ءمينيستردىڭ رەسمي سايتى جازدى.

نىسانداردى ارالاۋ كەزىندە پرەمەر-مينيستر وڭىردە تۇڭعىش پرەزيدەنت - ەلباسىنىڭ «الەۋمەتتىك قامكورلىق» باستامالارىنىڭ، يندۋستريالىق-يننوۆاتسيالىق دامۋ، «نۇرلى جول» ينفراقۇرىلىمدىق دامۋ، «نۇرلى جەر» تۇرعىن ءۇي قۇرىلىسى مەملەكەتتىك باعدارلامالارىنىڭ جانە «7-20-25» باعدارلاماسىنىڭ، «دەنساۋلىق» دەنساۋلىق ساقتاۋ، سونداي-اق اوك، تسيرفلاندىرۋ جانە تۋريزم سالاسىنىڭ باعدارلامالارىنىڭ جۇزەگە اسىرىلۋ ساپاسىن تەكسەردى.

سالىنىپ جاتقان تۇرعىن ءۇي الابىن ارالاۋ كەزىندە پرەمەر-مينيستر وڭىردە تۇرعىن ءۇيدىڭ قولجەتىمدىلىگىن ارتتىرۋ جانە مۇقتاج جانداردىڭ، ونىڭ ىشىندە كوپ بالالى وتباسىلاردىڭ باسپانا ماسەلەسىن شەشۋ بويىنشا قابىلدانىپ جاتقان شارالارمەن تانىستى. ا.ج. مامىر ايىندا 16 قاباتتى تۇرعىن ۇيلەردە 230 پاتەردى پايدالانۋعا بەرۋ جوسپارلانىپ وتىر. تۇرعىن ءۇي الابىنىڭ جانىندا الەۋمەتتىك جوبالاردى ىسكە اسىرۋعا ەرەكشە كوڭىل بولىنگەن: تۇرعىن ۇيلەردىڭ ءبىرىنشى قاباتتارىندا 50 ورىن قاراستىرىلىپ، وندا مەديتسينالىق پۋنكتتەر ورنالاساتىن بولادى. سونىمەن قاتار، كلينيكالىق-دياگنوستيكالىق ءبولىمنىڭ اشىلۋى جوسپارلانعان.

«الەۋمەتتىك قامكورلىق» الەۋمەتتىك باستاماسىن ىسكە اسىرۋ اياسىندا وبلىستا جالپى اۋماعى 26 مىڭ ش.م. بولاتىن 420 پاتەرلىك 10 جالعا بەرىلەتىن تۇرعىن ءۇي قۇرىلىسى جوسپارلانعان. بيىل جالپى اۋماعى 19,4 مىڭ ش.م. بولاتىن 8 تۇرعىن ءۇي پايدالانۋعا بەرىلەدى، بۇل 300 وتباسىنى، ونىڭ ىشىندە كوپبالالى وتباسىلاردى دا، پاتەرمەن قامتاماسىز ەتۋگە مۇمكىندىك تۋدىرادى. جالپى، «7-20-25» مەملەكەتتىك باعدارلاماسىن ىسكە اسىرۋ اياسىندا وبلىستا 35 پەرسپەكتيۆالى تۇرعىن ءۇي الابى ايقىندالعان. 2022 جىلعا دەيىن جالپى اۋماعى 1 ملن ش.م. بولاتىن 1 مىڭ ءۇي سالىنادى. بۇگىنگى تاڭدا ەكىنشى دەڭگەيلى بانكتەر بۇل باعدارلاما بويىنشا 145 ءوتىنىمدى ماقۇلداعان.

سونىمەن قوسا، ساتىپ الاتىن تۇرعىن ءۇيى ءۇشىن باستاپقى جارنانى تولەۋدە وبلىس ازاماتتارىنا الەۋمەتتىك كومەك كورسەتۋ ءۇشىن جەرگىلىكتى بيۋدجەتتەن 1 ملرد تەڭگە بولىنگەن. بۇل كومەك كوپ بالالى وتباسىلارعا، مەديتسينا قىزمەتكەرلەرى، مۇعالىمدەر، پوليتسيا قىزمەتكەرلەرى بولىپ تابىلاتىن بيۋدجەت سالاسىنىڭ قىزمەتكەرلەرىنە كورسەتىلەتىن بولادى. تولەمدەر تولەۋدى باستاۋ ءۇشىن بارلىق قاجەتتى راسىمدەر جۇرگىزىلدى، قاراجات اۋداندارعا باعىتتالدى، ولاردى بيىل ناۋرىز ايىنىڭ سوڭىندا - ءساۋىر ايىنىڭ باسىندا بەرۋ كوزدەلگەن. تۇرعىن ءۇيدىڭ قولجەتىمدىلىگىن ارتتىرۋ ماقساتىندا سونىمەن قاتار ازاماتتارعا جەكە تۇرعىن ءۇي سالۋ ءۇشىن ءتيىستى ينجەنەرلىك ينفراقۇرىلىم جۇرگىزۋمەن جەر تەلىمدەرى ۇسىنىلادى.

وسىندا پرەمەر-مينيسترگە قالانى اباتتاندىرۋ جوسپارى ۇسىنىلىپ، قۇرىلىس بارىسى تۋرالى باياندالدى. اتاپ ايتقاندا، وڭىرلىك جانە قالالىق گازداندىرۋ سۇلبالارىن ىسكە اسىرۋ ماسەلەلەرى قارالدى.

وڭىردە مەديتسينالىق قىزمەتتەردىڭ قولجەتىمدىلىگى مەن ساپاسىن كوتەرۋ بويىنشا قابىلدانىپ جاتقان شارالارمەن ا. مامين كوپبەيىندى اۋرۋحانا جۇمىسىنىڭ مىسالىندا تانىستى. ماگنيتتى-رەزونانستى توموگرافيا كابينەتى مەن وتكەن جىلدىڭ جەلتوقسان ايىندا اشىلعان احۋال ورتالىعى قارالدى. جاڭا تەحنولوگيالاردىڭ ارقاسىندا، ورتالىق ونكولوگيالىق اۋرۋلاردى ەرتە ساتىسىندا انىقتاۋعا، سونىمەن قاتار پايىزدىق قاتىناسىندا ولاردىڭ ىقتيمالدىعىن ايقىنداۋعا مۇمكىندىك بەرەدى. كۇنىنە ورتالىقتا 10-15-كە جۋىق ەمدەلۋشى تەكسەرۋدەن وتەدى. بارلىق كابينەتتەر جوعارى كاسىبي دياگنوستيكالىق مونتورلارمەن جابدىقتالعان، جاساندى ينتەللەكتىنى قوسۋ ماسەلەسى پىسىقتالىپ جاتىر. ورتالىقتا بىرىڭعاي اقپاراتتىق جۇيەمەن وبلىستاعى 13 مەديتسينالىق مەكەمە بىرىكتىرىلگەن، بۇل كومپيۋتەرلىك، ماگنيتتى-رەزونانستى توموگرافيانى، رەنتگەنوگرافيانى ت.ب. تەكسەرۋلەردى قوسا العاندا، بارلىق راديولوگيالىق تەكسەرۋلەردى ورتالىقتاندىرۋعا مۇمكىندىك بەرەدى.

پرەمەر-مينيسترگە سونىمەن قاتار مەديتسينالىق ۇيىمدار جەلىسىن دامىتۋ، مەديتسينالىق مەكەمەلەردى تسيفرلاندىرۋ جانە تەحنيكالىق جاراقتاندىرۋ، سونىمەن قاتار كادرلىق الەۋەتىن ارتتىرۋ جانە دارىگەرلەردىڭ جۇكتەمەسىن ازايتۋ تۋرالى باياندالدى.

ماسەلەن، 2018 جىلى 18 دەنساۋلىق ساقتاۋ نىسانىنىڭ قۇرىلىسى باستالعان، ونىڭ 15-ءى قازىرگى تاڭدا پايدالانۋعا بەرىلگەن. جالپى، وتكەن جىلدىڭ قورىتىندىسى بويىنشا وبلىستا جالپى ءولىم-ءجىتىم 2%-عا، سابيلەر ءولىم-ءجىتىمى 7%-عا، قان اينالىمى جۇيەلەرى اۋرۋلارىنان ءولىم-ءجىتىم 7,9%-عا، تۋبەركۋلەزدەن ءولىم-ءجىتىم 12,5%-عا، قاتەرلى ىسىكتەردەن ءولىم-ءجىتىم 1,5%-عا تومەندەگەن.

وبلىس ورتالىعىندا ا. مامين سونىمەن قاتار «تالدىقورعان» يندۋستريالىق ايماعىن ارالادى، بۇگىنگى تاڭدا مۇندا اۋىل شارۋاشىلىعى، قۇرىلىس، حيميا جانە تاماق ونەركاسىبى سالالارىندا ءىرى جوبالار ىسكە اسىرىلىپ جاتىر. بۇل جەرگە 1,6 مىڭ جۇمىس ورنىن اشۋمەن بارلىعى 70-كە جۋىق كاسىپورىندى ورنالاستىرۋ كوزدەلىپ وتىر. پرەمەر-مينيسترگە سونىمەن قاتار الماتى وبلىسىندا التى يندۋستريالىق ايماقتىڭ («تالدىقورعان»، «بەرەكە»، «بورولداي»، «قايرات»، «ارنا» جانە «قازبەك بەك») دامۋ جوبالارى تانىستىرىلدى. وبلىس اكىمدىگىنىڭ مالىمەتتەرىنە سايكەس، ينۆەستيتسيالىق نىساندار ورنالاستىرىلاتىن اۋماقتار ينجەنەرلىك ينفراقۇرىلىممەن قامتاماسىز ەتىلگەن. بارلىق نىساندار قۇرىلىسىن 2020 جىلى اياقتاۋ كوزدەلىپ وتىر. جالپى، يندۋستريالىق ايماقتار اۋماقتارىندا 8 مىڭعا جۋىق جۇمىس ورنىن قۇرۋمەن 300-دەن استام كاسىپورىن ورنالاستىرۋ مۇمكىندىگى بار.

يندۋستريالاندىرۋدىڭ دامۋىمەن تانىسۋ «قاينار اكب» اككۋمۋلياتور شىعارۋ زاۋىتىندا جالعاستى. ا. مامين جۇمىس تسەحتارىن ارالاۋ كەزىندە تەحنولوگيالىق پروتسەسپەن جانە شىعارىلاتىن ءونىم جەلىسىمەن تانىستى. زاۋىت بۇرىن قولدانىستا بولعان اككۋمۋلياتورلاردى قايتا وڭدەيتىن جاڭا جابدىقتارمەن جاراقتالعان. كاسىپورىن اۆتوماتتى رەجيمدە اككۋمۋلياتور باتارەيالاردى قۇراستىرۋمەن اينالىسادى. سونىمەن قاتار مۇندا قورعاسىن لەنتالار مەن ەلەكترودتى پلاستينالار وندىرىلەدى. زاۋىتتىڭ قۋاتتىلىعى جىلىنا 3 ملن بىرلىكتى قۇرايدى.

تالدىقورعان قالاسىنا جۇمىس ساپارىنىڭ سوڭىندا ا. مامين كاسىپكەرلەرگە قىزمەت كورسەتۋ ورتالىعىنا بارىپ، وندا قىزمەت كورسەتۋ بويىنشا جۇمىستارمەن جانە شوب دامۋ قارقىنىمەن تانىستى. سونىمەن قاتار، پرەمەر-ءمينيستردىڭ نازارىنا قالانىڭ الەۋمەتتىك-ەكونوميكالىق دامۋى، ونىڭ ىشىندە ءتۋريزمدى، اوك، الماتى ق. ماڭىن دامىتۋ بويىنشا جوبالار ۇسىنىلدى. بۇدان وزگە، الماتى وبلىسىنىڭ الەۋمەتتىك كارتاسى تانىستىرىلدى.

Abai.kz