ءساۋىردىڭ 5-ىنەن باستاپ قازاقستان جاعى جۇك كولىكتەرىن بۇرىنعىشا جىلدامىراق وتكىزە باستاعان. بىرنەشە كۇننىڭ ىشىندە كولىك كەپتەلەسى جويىلادى دەگەن بولجام ايتىلىپ وتىر.
قىرعىز ۇكىمەتى ءباسپاسوز قىزمەتىنىڭ حابارلاۋىنشا، وسى اپتا سوڭىندا قازاقستانعا مەملەكەتتىك كەدەن قىزمەتىنىڭ باسشىسى الماز ونولبەكوۆ باسقارعان قىرعىز دەلەگاتسياسى بارىپ، قازاق جاعىمەن ماسەلەنى تالقىلاعان. قىرعىز ۇكىمەتى كەلىسسوزدىڭ اشىق وتكەنىن ءارى ءونىمدى بولعانىن جەتكىزگەن.
5 ساۋىردە قىرعىزستان بيلىگى قازاق-قىرعىز شەكاراسىنداعى جاعدايدىڭ ءۇش رەت تالقىلانعانىن ايتىپ، ناتيجەسىنىڭ الداعى بىرنەشە كۇندە كورىنەتىنىن مالىمدەگەن.
19 ناۋرىزدان بەرى قازاقستان مەن قىرعىزستان شەكاراسىنداعى "اق-تىلەك اۆتوجول" وتكىزۋ بەكەتىندە كولىك كەپتەلىسى پايدا بولىپ, 31 ناۋرىزدا ولاردىڭ سانى 200-دەن اسقان ەدى. بۇعان قازاقستان جاعىنا وتكەلى تۇرعان كولىكتەردىڭ مۇقيات تەكسەرىلۋى سەبەپ بولعانى حابارلانعان.
Abai.kz
