قازاقستان بيلىگىنىڭ دەرەگىنشە، 2018 جىلى توعىز ايدىڭ ناتيجەسى بويىنشا، ءبىر دارىگەرگە جازىلعان ادامدار سانى ورتاشا ەسەپپەن 1900-دەن اسقان. رەسپۋبليكا بويىنشا دەنساۋلىق ساقتاۋ مەكەمەلەرىن مەديتسينالىق جابىقتارمەن قامتاماسىز ەتۋ دەڭگەيى 2018 جىلى 67,7 پايىزدى قۇراعان.
ايماقتاردا بيۋدجەت ەسەبىنەن تەگىن تاراتىلاتىن ءدارى-دارمەك مولشەرى قىسقارعان. بۇعان دەيىن ازاتتىق سۇراقتارىنا جاۋاپ بەرگەن قازاقستاننىڭ دەنساۋلىق ساقتاۋ ءمينيسترى ەلجان ءبىرتانوۆ پرەپارات تاپشىلىعىنىڭ "جىل سايىن قايتالاناتىنىن" ايتقان ەدى.
- فارماتسەۆتيكالىق كومپانيالار ءدارى-دارمەكتىڭ باعاسىن كوتەرەدى دە، ءبىزدىڭ جوسپارلاعان اقشامىز جەتپەي قالادى. سول كەزدە ناۋقاستاردى كەيبىر ءدارى-دارمەكپەن قامتاماسىز ەتۋ زور پروبلەماعا اينالادى. بۇل جىل سايىن قايتالاناتىن جاعداي جانە تەك قازاقستاندا عانا ەمەس، وزگە مەملەكەتتەردە دە سولاي. باعا قىمباتتاعان سوڭ وزىمىزگە بولىنگەن قارجىنى كوبەيتۋگە مۇمكىندىگىمىز بولمايدى. سەبەبى، جىلىنا ەكى رەت قارالاتىن بيۋدجەتىمىز الدىن الا بەلگىلەنەدى، - دەدى مينيستر.
ءبىرتانوۆ ەلدەگى كەيبىر فارماتسەۆتيكالىق كومپانيالاردىڭ شەتەلدىك فارماكولوگيالىق كومپانيالارمەن تىكەلەي كەلىسىم-شارت جاساسىپ جاتقانىن دا ايتىپ وتكەن.
Abai.kz
