تۇركىستان وبلىسى اكىمىنىڭ ءباسپاسوز قىزمەتىنىڭ مالىمەتىنشە، اۆتوبۋس كۇن سايىن كەشكى ساعات 18:00-دە جۇرەدى. جولاۋشىلاردى تۇركىستان قالاسىنداعى «التىن وردا» اۆتوۆوكزالىنان سامارتقانداعى «سامارقاند» اۆتوۆوكزالىنا الىپ بارادى. جولدا شىمكەنت قالاسىنا، وزبەكستاننىڭ گۇلىستان جانە جىززاق قالالارىنا ايالدايدى. جول اقىسى – ءتورت مىڭ تەڭگە. بيلىك وكىلدەرىنىڭ ايتۋىنشا، تۇركىستان-سامارقاند باعىتىنداعى اۆتوبۋس ەلگە كەلەتىن تۋريستەر سانىن ارتتىرۋعا كومەكتەسۋى ءتيىس.

2018 جىلى 10 جەلتوقساندا تۇركىستان-تاشكەنت باعىتىنداعى اۆتوبۋس جۇرە باستاعان. بۇعان دەيىن بيلىك وكىلدەرى ەكى ەل اراسىندا قاتىنايتىن اۆتوبۋستار شەكارادان كەدەرگىسىز وتەدى دەپ مالىمدەگەن. قاراشانىڭ 15-ءى كۇنى شىمكەنتتە العاش رەت ەكى ەل اراسىنداعى قارىم-قاتىناستى دامىتۋعا باعىتتالعان وڭىرارالىق ىنتىماقتاستىق فورۋمى وتكەن.

Abai.kz