استانا. 11 ماۋسىم. قازاقپارات - قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قر بعم مەملەكەت تاريحى ينستيتۋتى عالىمدارىنىڭ ەل تاۋەلسىزدىگىنىڭ 20-جىلدىعىنا ارناپ ازىرلەگەن «تاۋەلسىز قازاقستان تاريحى تۋرالى ەڭبەكتەردىڭ بيبليوگرافيالىق كورسەتكىشى»اتتى كىتاپتىڭتۇساۋكەسەرى ءوتتى.

قازاقستان تاۋەلسىز ەل بولعانىنان بەرى زەرتتەۋ تاقىرىبى قازىرگى مەملەكەتتىڭ وزەكتى ماسەلەلەرىنە ارنالعان تاريحشى-عالىمداردىڭ، ساياساتتانۋشىلاردىڭ، فيلوسوفتاردىڭ، الەۋمەتتانۋشىلاردىڭ، ەكونوميستەردىڭ، وتاندىق جانە شەتەلدىك عالىمداردىڭ تالاي ەڭبەكتەرى جارىق كوردى. وكىنىشكە وراي، ولاردىڭ ءبىرى وقىرماندارعا تانىس بولعانىمەن، ەندى بىرەۋلەرى ولارعا بەلگىسىز بولىپ قالۋدا. سوڭعى فاكتوردى نەگىزگە الا وتىرىپ، مەملەكەت تاريحى ينستيتۋتىنىڭ عالىمدارى تاۋەلسىزدىك داۋىرىندە باسىلىپ شىققان كەڭ كولەمدەگى عىلىمي ەڭبەكتەردىڭ، قازىرگى قازاقستان تاريحى تاقىرىبىنا جازىلعان جاريالانىمدارىڭ، وتاندىق جانە شەتەلدىك عالىمداردىڭ ەڭبەكتەرىنىڭ باسىن قۇراستىرىپ بيبليوگرافيالىق كورسەتكىشتى   وقىرماندار نازارلارىڭا ۇسىنىپ وتىر. اتالعان كورسەتكىش 1991-2011جج. ارالىعىنداعى كەزەڭدى قامتيدى. 176 بەتتەن تۇراتىن بيبليوگرافيالىق كورسەتكىشتىڭ قۇرىلىمى العىسوزدەن جانە II تاراۋدان  تۇرادى.

استانا. 11 ماۋسىم. قازاقپارات - قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قر بعم مەملەكەت تاريحى ينستيتۋتى عالىمدارىنىڭ ەل تاۋەلسىزدىگىنىڭ 20-جىلدىعىنا ارناپ ازىرلەگەن «تاۋەلسىز قازاقستان تاريحى تۋرالى ەڭبەكتەردىڭ بيبليوگرافيالىق كورسەتكىشى»اتتى كىتاپتىڭتۇساۋكەسەرى ءوتتى.

قازاقستان تاۋەلسىز ەل بولعانىنان بەرى زەرتتەۋ تاقىرىبى قازىرگى مەملەكەتتىڭ وزەكتى ماسەلەلەرىنە ارنالعان تاريحشى-عالىمداردىڭ، ساياساتتانۋشىلاردىڭ، فيلوسوفتاردىڭ، الەۋمەتتانۋشىلاردىڭ، ەكونوميستەردىڭ، وتاندىق جانە شەتەلدىك عالىمداردىڭ تالاي ەڭبەكتەرى جارىق كوردى. وكىنىشكە وراي، ولاردىڭ ءبىرى وقىرماندارعا تانىس بولعانىمەن، ەندى بىرەۋلەرى ولارعا بەلگىسىز بولىپ قالۋدا. سوڭعى فاكتوردى نەگىزگە الا وتىرىپ، مەملەكەت تاريحى ينستيتۋتىنىڭ عالىمدارى تاۋەلسىزدىك داۋىرىندە باسىلىپ شىققان كەڭ كولەمدەگى عىلىمي ەڭبەكتەردىڭ، قازىرگى قازاقستان تاريحى تاقىرىبىنا جازىلعان جاريالانىمدارىڭ، وتاندىق جانە شەتەلدىك عالىمداردىڭ ەڭبەكتەرىنىڭ باسىن قۇراستىرىپ بيبليوگرافيالىق كورسەتكىشتى   وقىرماندار نازارلارىڭا ۇسىنىپ وتىر. اتالعان كورسەتكىش 1991-2011جج. ارالىعىنداعى كەزەڭدى قامتيدى. 176 بەتتەن تۇراتىن بيبليوگرافيالىق كورسەتكىشتىڭ قۇرىلىمى العىسوزدەن جانە II تاراۋدان  تۇرادى.

«قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا. نازارباەۆتىڭ تاۋەلسىزدىك داۋىرىندەگى جاريالانعان ەڭبەكتەرى» دەپ اتالاتىن  ءبىرىنشى تاراۋدا قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا. نازارباەۆتىڭ ءوز قالامىنان شىققان جانە تاۋەلسىزدىكتى الۋ كەزەڭىنەن باستاپ قازىرگى كۇنگە دەيىنگى رەسپۋبليكانىڭ دامۋ ەرەكشەلىكتەرىن ايقىندايتىن ەڭبەكتەرى، قازاقستان حالقىنا ارناعان جولداۋلارى، ماقالالارى، مەملەكەت باسشىسىنىڭ سويلەگەن سوزدەرى مەن سۇحباتتارى، ەلباسى تۋرالى جازىلعان وتاندىق جانە شەتەلدىك اۆتورلاردىڭ  ەڭبەكتەرى توپتاستىرىلعان.

كورسەتكىشتىڭ ەكىنشى تاراۋىندا تاۋەلسىز مەملەكەتتىڭ ىشكى جانە سىرتقى ساياساتىنا، مەملەكەتتىڭ ەكونوميكالىق، الەۋمەتتىك-مادەني دامۋىنا قاتىستى تەماتيكالىق ەنبەكتەر جۇيەلەنىپ، ءار جىلدارى مەرزىمدى باسىلىمداردا جاريالانعان تاۋەلسىز قازاقستان تاريحى بويىنشا ماقالالار توپتاستىرىلعان.

تۇساۋكەسەر راسىمىندە ءسوز سويلەگەن مەملەكەت تاريحى ينستيتۋتىنىڭ ديرەكتورى، تاريح عىلىمدارىنىڭ دوكتورى، پروفەسسور ب. اياعان ۇسىنىپ  وتىرعان كورسەتكىشتىڭ ەرەكشەلىكتەرىنە توقتالىپ ءوتتى. «اتالعان كورسەتكىش  تاۋەلسىز قازاقستاننىڭ تاريحىندا تۇڭعىش رەت شىعارىلىپ وتىر. بۇگىنگى كۇنگە دەيىن مۇنداي بيبليوگرافيالىق كورسەتكىش بولعان ەمەس. كورسەتكىش ستۋدەنتتەرگە، ماگيسترانتتارعا، عالىمدارعا پايدالى. كەز-كەلگەن زەرتتەۋشى - تاۋەلسىزدىك تاقىرىبى  بويىنشا شىققان  ادەبيەتتەر تۋرالى دەرەكتەردى كورسەتكىشتەن تابا الادى. اتالعان كورسەتكىش تۋرالى مالىمەت مەملەكەت تاريحى ينستيتۋتىنىڭ سايتىنا ورنالاستىرىلادى»، - دەدى عالىم سوزىندە.

مەملەكەت تاريحى ينستيتۋتىنىڭ ەۋرازيالىق جانە سالىستىرمالى ساياسي زەرتتەۋلەر ءبولىمىنىڭ جەتەكشى عىلىمي قىزمەتكەرى، تاريح عىلىمدارىنىڭ كانديداتى، دوتسەنت س. سەليۆەرستوۆ كەز-كەلگەن تاقىرىپتى زەرتتەۋ دەرەكتەردەن باستالسا، ال دەرەكتەر بيبليوگرافيالىق كورسەتكىشتەن باستالاتىندىعىن العا تارتتى.

استانا قالاسىنداعى ج. جاباەۆ اتىنداعى № 4 مەكتەپ-گيمنازياسىنىڭ تاريح ءپانىنىڭ مۇعالىمى، پەداگوگيكا عىلىمدارىنىڭ كانديداتى ج. دۇيسەن كىتاپتىڭ قۇندىلىعىنا، تاپتىرمايتىن وقۋ قۇرالى ەكەندىگىنە ەرەكشە ەكپىن ءتۇسىردى.

جيىن سوڭىندا ينستيتۋت ديرەكتورى ب. اياعان جينالعان جۇرتقا، ۇلتتىق اكادەميالىق كىتاپحانانىڭ قىزمەتكەرلەرىنە العىسىن ءبىلدىرىپ، جارىققا شىققان كىتاپتىڭ بىرنەشە داناسىن كىتاپحانا ديرەكتورى ج. شايمۇحانبەتوۆاعا سىيلادى.