مۇشەلەرىنىڭ ەڭبەك، الەۋمەتتىك-ەكونوميكالىق قۇقىقتارى مەن مۇددەلەرىن قورعاۋ جانە وكىلدىك ەتۋدى باستى ماقسات تۇتاتىن قازاقستان رەسپۋبليكاسى كاسىپوداقتار فەدەراتسياسىنىڭ ەل ومىنىندە الاتىن ورنى ەرەكشە. اتالعان ورگان پرەزيدەنت پەن ۇكىمەتتىڭ ءار باستاماسىنا قولداۋ ءبىلدىرىپ، جەمىستى جۇمىس اتقارىپ كەلەدى.

ەڭبەك قاۋىپسىزدىگى مەن قورعاۋ قازاقستان كاسىپوداقتار فەدەراتسياسىنىڭ تۇراقتى نازارىنداعى ماسەلە. فەدەراتسيا الەۋمەتتىك ارىپتەستىك شەڭبەرىندە جۇمىسشىلار ءۇشىن لايىقتى ەڭبەك جاعدايلارىن جاساۋ، وندىرىستىك جاراقات پەن كاسىبىنە بايلانىستى اۋرۋ-سىرقاۋعا ۇشىراۋدى ازايتۋ ماقساتىندا قولدان كەلەر بارلىق ءىس-شارالاردى قاراستىرىپ وتىر.

2019 جىل «قاۋىپسىز ەڭبەك» جىلى دەپ جاريالانعان بولاتىن. وسىعان وراي بيىل بىرقاتار وبلىستاردا باستاۋىش كاسىپوداق ۇيىمىن قۇرىلدى. بۇل باستاۋىش ۇيىمدار الەۋمەتتىك ارىپتەستىك قاتىناستارىن ودان ءارى دامىتۋدى جانە كاسىپوداق قوزعالىسىنا بەلسەنە ارالاسۋدى ماقسات ەتىپ وتىر. سول قاتاردا پاۆلودار وبلىسىندا، جامبىل، وبلىسىندا، الماتى وبلىسىندا باستاۋىش كاسىپوداق ۇيىمدارى شاڭىراق كوتەردى.

قازاقستان رەسپۋبليكاسى پرەزيدەنتىنىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن، 2018 جىلعى 18 ساۋىردەگى «نۇروتان» پارتياسى مەن قازاقستان رەسپۋبليكاسىنىڭ كاسىپوداقتار فەدەراتسياسى اراسىنداعى مەموراندۋمدى جانە قازاقستان رەسپۋبليكاسى پرەزيدەنتى ن.ءا. نازارباەۆتىڭ «نۇروتان» پارتياسىنىڭ XVIII سەزىندە بەرگەن تاپسىرمالارىن ىسكە اسىرۋ اياسىندا «نۇروتان» پارتياسى پاۆلودار وبلىستىق فيليالى جانە «پاۆلودار وبلىسىنىڭ مەملەكەتتىك، بانك مەكەمەلەرى جانە قوعامدىق قىزمەت كورسەتۋ ۇيىمدارى قىزمەتكەرلەرىنىڭ جەرگىلىكتى كاسىپتىك وداعى» قب 2019-2021 جىلدارعا ارنالعان الەۋمەتتىك ىنتىماقتاستىق تۋرالى مەموراندۋم جاساستى.

مەموراندۋمنىڭ ماقساتى:

– قازاقستان رەسپۋبليكاسى پرەزيدەنتىنىڭ ەڭ باستى قۇندىلىق ادام بولىپ تابىلاتىن الەۋمەتتىك مەملەكەت قۇرۋعا باعىتتالعان اۋقىمدى ينستيتۋتسيونالدىق رەفورمالارىن جەتىلدىرۋدەگى جانە ىسكە اسىرۋداعى مەملەكەتتىك باعدارىن قولداۋ.
– قازاقستان رەسپۋبليكاسىنىڭ مەملەكەتتىك قىزمەت، سىبايلاس جەمقورلىققا قارسى ءىس-قيمىل سالاسىنداعى زاڭنامانى جانە مەملەكەتتىك قىزمەتشىلەردىڭ ادەپ كودەكسىن بۇزۋشىلىقتىڭ الدىن الۋ، مەملەكەتتىك قىزمەتشىلەردىڭ قۇقىقتارى مەن مۇددەلەرىن قورعاۋ، ەڭبەك ۇجىمدارىندا باستاۋىش پارتيالىق جانە كاسىپوداقتىق ۇيىمداردىڭ بەدەلىن ارتتىرۋ.
– «نۇر وتان» پارتياسىنىڭ توراعاسى، قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆتىڭ 2019 جىلعى 27 اقپانداعى «نۇر وتان» پارتياسىنىڭ XVIII سەزىندە بەرگەن تاپسىرمالارىن ءتۇسىندىرۋ جونىندەگى جۇمىستاردى جۇرگىزۋ بولىپ تابىلادى.

قازاقستان رەسپۋبليكاسىنىڭ «كاسىپتىك وداقتار تۋرالى» زاڭىنا سايكەس جاڭا قۇرىلعان باستاۋىش ۇيىمدار «مەملەكەتتىك، بانك مەكەمەلەرى جانە قوعامدىق قىزمەت كورسەتۋ قىزمەتكەرلەرىنىڭ سالالىق كاسىپوداعى» قب-ءنىڭ ءار وبلىستىق فيليالىنىڭ قۇرامىنا كىرەتىن بولادى.

ەڭبەك زاڭناماسىنىڭ ساقتالۋىنا باقىلاۋ جاسايتىن قۇزىرلى ورگاندا باستاۋىش كاسىپوداق ۇيىمى العاش قۇرىلىپ، الەۋمەتتىك ارىپتەستىك قاتىناستارىن ودان ءارى دامىتۋدى جانە كاسىپوداق قوزعالىسىنا بەلسەنە ارالاسۋدى ماقسات ەتىپ وتىر.

بۇل باستاۋىش ۇيىمداردىڭ جاڭادان قۇرىلۋى كاسىپوداققا دەگەن سەنىمنىڭ ارتا تۇسكەنىن كورسەتەدى.

Abai.kz