ەلباسى ن.نازارباەۆتىڭ باستاماسىمەن قۇرىلعان قازاقستان حالقى اسسامبلەياسى بۇگىندە ەلىمىزدەگى كوپ ەتنوستاردىڭ باسىن بىرىكتىرگەن تاتۋلىق ورداسى بولىپ وتىر. اسسامبلەيا ءار وڭىردە ءتۇرلى مادەني شارالار وتكىزۋ ارقىلى ەلباسى ساياساتىن قولدايتىنىن ءبىلدىرىپ كەلەدى. سولاردىڭ ءبىرى كەشە قاراعاندى وبلىسىندا وتكەن شارا.

«حالىق داستۇرلەرىنىڭ ۇلى قۇندىلىعى» دەپ اتالعان وبلىستىق شاراعا اسسامبلەيا جاستارى اراسىنداعى قازاق مادەنيەتى، سالت-داستۇرلەرى مەن ادەت-عۇرىپتارىن ءبىلۋ بويىنشا زياتكەرلىك ويىنى وتكەن. بۇل شارانىڭ
ماقساتى - ەلباسىنىڭ بولاشاققا باعدار: رۋحاني جاعىرۋ باعدارلامالىق ماقالاسىندا اتاپ كورسەتكەن ۇلتتىق سالت داستۇرلەرىمىز، ءتىلىمىز بەن مۋزىكامىز، ادەبيەتىمىز ءبىر سوزبەن ايتقاندا ۇلتتىق كودىمىزدى دارىپتەۋ. سونداي اق، مەملەكەتىمىزدە ۇلتتىق ساياساتتى ىسكە اسىرۋ بويىنشا، قوعامدىق-ساياسي تۇراقتىلىقتى قامتاماسىز ەتۋ جانە ەتنوسارالىق قاتىناستار سالاسىندا ىنتىماقتاستىقتى ارتتىرۋ.

قاراعاندى وبلىسى قازاقستان حالقى اسسامبلەياسى ۇيىمداستىرعان بۇل شارا «قازاقتانۋ» جوباسى اياسىندا وتكەنىن اتاپ ءوتۋ كەرەك. جوبا يدەياسى العاش رەت قازاقستان حالقى اسسامبلەياسىنىڭ XXVI سەسسياسىندا كوتەرىلگەن بولاتىن. نەگىزگى ماقساتى – «رۋحاني جاڭعىرۋ» باعدارلاماسىن جۇزەگە اسىرۋ اياسىندا بارشا قازاقستاندىقتاردىڭ ورتاق مادەني كودىنىڭ، ءبىرتۇتاس قۇندىلىقتارىنىڭ جانە جالپىۇلتتىق تاريحي ساناسىنىڭ نەگىزىندە حالىقتىڭ بىرلىگىن نىعايتۋ. سونداي-اق اتالمىش جوبا قازاقستان ەتنوستارىنىڭ اراسىندا قازاق حالقىنىڭ تاريحىن، داستۇرلەرىن، گۋمانيتارلىق جانە ادامگەرشىلىك پرينتسيپتەرىن دارىپتەۋگە باعىتتالعان.

بۇل كۇنى دوستىق ءۇيىنىڭ فويەسىندە قولونەرشىلەردىڭ كورمەسى ۇيىمداستىرىلىپ، قازاقى مانەرمەن توقىلعان، كيىزدەن جاسالعان نەشە ءتۇرلى بۇيىمدار، قىش ىدىستار قويىلدى.

بايقاۋعا قاتىسقان ەتنومادەني بىرلەستىكتەر مەن جاستار قاناتىنىڭ وكىلدەرى وزدەرىنىڭ قازاقى سالت-داستۇرلەردى، تاريحتى قانشالىقتى دەڭگەيدە بىلەتىندىكتەرىن كورسەتتى. قازىلىق ەتكەن القا دا تاريح، فيلولوگيا، مادەنيەت سالاسىنداعى ءوڭىرىمىزدىڭ بەلگىلى ازاماتتارىنان قۇرالعان.سونداي اق، «رىدنە سلوۆو» سەرىكتەستىگىنىڭ ءتورايىمى زەنوۆيا كراسيۆسكايا دا وسى جاۋاپتى قازىلار اراسىندا بولدى. ويىن بارىسىندا قازاقستان تاريحى جانە قازاقتىڭ سالت-ءداستۇرى جايلى تانىمدىق سۇراقتار قاراستىرىلدى. 6 توپ قاتىسقان ويىننىڭ العاشقى اينالىمىندا كوماندالار شىلدەحانا داستۇرىنە بايلانىستى سۇراقتارعا جاۋاپ بەردى. ءار تۋر 5 باللدىق جۇيەمەن باعالاندى.

ەكىنشى تۋردا توپتار كەلىن ءتۇسىرۋ سالتى بويىنشا ءوز بىلگەندەرىن ورتاعا سالدى. قازىلار القاسىنىڭ ءتورايىمى، ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى «تۇلعاتانۋ» عىلىمي-زەرتتەۋ ورتالىعىنىڭ ديرەكتورى، ت.ع.ك.، دوتسەنتى نۇرساحان بەيسەنبەكوۆا: «جاس بۋىن وكىلدەرى، ەلىمىزدە تۇرىپ جاتقان ەتنوستار قازاق حالقىنىڭىڭ يگى داستۇرىنەن ءتالىم الىپ، ەلجاندىلىق، پاتريوتتىق قاسيەتتەردى بويىنا ءسىڭىرىپ ءوسۋ ءۇشىن ناق وسىنداي شارالاردىڭ ماڭىزدىلىعى زور. بۇل جەردە اسسامبلەيانىڭ جاساپ جاتقان جۇمىسىن اتاپ ءوتۋ كەرەك. "قازاقتانۋ" جوباسىنىڭ قولعا الىنعانىنا ءساۋىر ايىندا ءبىر جىل بولادى. وسى ۋاقىت ىشىندە قانشاما تانىمدىق، تاعىلىمدىق شارالار وتۋدە»،-دەيدى.

ويىننىڭ ءۇشىنشى تۋرى «قازاقتانۋ» دەپ اتالدى. بۇل بولىمدە قاتىسۋشىلار ساحنادا ءۇي تاپسىرماسى رەتىندە دايىنداپ كەلگەن سالت داستۇرلەرىنەن قويىلىمدار كورسەتتى. قازىلار شەشىمىن شىعارعانشا جۇرگىزۋشىلەر قوناقتارمەن لوتورەيا ويىنىن وتكىزىپ، باعالى سىيلىقتاردى ءوزارا كىل مىقتىلار ءبولىستى. شارا سوڭىندا ۇزدىك دەپ تانىلعان قاراعاندى بانك كوللەدجىنىڭ «ءسۇيىنشى» توبى باس جۇلدەگە يە بولدى.

ءبىرىنشى ورىندى «تۇلپار» توبىنا بۇيىرسا، قالعان جۇلدەلى ورىنداردى «سۇڭقار»، «ۆولنيتسا» جانە «سيانيە» توپتارى ەنشىلەدى. جەڭىمپازدار ارنايى ديپلومدارمەن ماراپاتتالىپ، اقشالاي سەرتيفيكاتتار يەلەندى.

تۇڭعىش ەلباسىمىز نۇرسۇلتان نازارباەۆ: «رۋحاني جاڭعىرۋداعى ۇلتتىق سانا-سەزىم كوكجيەگىن كەڭەيتۋدە ۇلتتىق كود، ۇلتتىق مادەنيەت ساقتالۋ كەرەك. مۇنداعى باستى يدەيا بولاشاق پەن وتكەندى ۇيلەسىمدى ساباقتاستىرا ءبىلۋ. وزىعىن الىپ، توزىعىن تاستاۋ»،- دەگەن بولاتىن.

Abai.kz